ပရိသတ်အတွက် အကယ်ဒမီတစ်ရုပ်ရအောင်ယူပေးချင်တယ်… သင်ဇာဝင့်ကျော်


ဒီဇာတ်ကားထဲမှာ ကာရိုက်တာ နှစ်ကိုယ်ခွဲသရုပ်ဆောင်ထားပါတယ်။ အမေတစ်ကိုယ် သမီးတစ်ကိုယ်ပေါ့နော်။ ဒါပေမဲ့ ကာရိုက်တာနှစ်ခုစလုံးကတော့ ဆရာမတွေပေါ့နော်…။ ဒီကားလေးနဲ့ပတ်သက်ပြီးပြောချင်တာကတော့ ဒီကားလေးက ဟာသကားပေါ့နော်။ မြိုင်မြိုင်ဆိုင်ဆိုင်ပျော်စရာဟာသကားလေးပဲ၊ ဒါပေမဲ့ နောက်ဆုံးပေး ထားတဲ့မက်ဆေ့လေးကိုကြိုက်လို့ ဒီဇာတ်ကားရိုက်ဖြစ်တာပေါ့နော်။ ပရိသတ်တွေအနေနဲ့ ဒီဇာတ်ကားကိုကြည့် ပြီးတဲ့အချိန်မှာ အားရကျေနပ်မှုရှိလိမ့်မယ်လို့ယုံကြည်ပါတယ်။

သင်ဇာအနုပညာလှုပ်ရှားမှုအနေနဲ့ကတော့ ဒီနှစ်ထဲမှာရုပ်ရှင်ကားကြီးတွေရိုက်ထားတာ အများကြီးရှိပါတယ်။ ဒါပေမဲ့ လောလောဆယ်တော့ ပြီးခဲ့တဲ့နိုဝင်ဘာလကရိုက်ဖို့ချိန်ထားတဲ့ကားရက် ရွှေ့သွားလို့ပါ။ ချက်ချင်းအခြားကား အစားထိုးဖို့ကျတော့ နောက်ကားတွေနဲ့ဆက်နေတာကြောင့် အခုတော့ကားရိုက်နားထားပါတယ်လို့။ အကယ်ဒမီနဲ့ပတ်သက်ရင်တော့ သင်ဇာကတော့ရသင့်တဲ့ အချိန်မှာရလိမ့်မယ်လို့တွေးထားပါတယ်။ ဒီနှစ်ထဲမှာရိုက်တဲ့ရုပ်ရှင်ကားကြီးတွေမှာ လုပ်ကွက် ရတဲ့ဇာတ်ကားတွေတော့ အများကြီးရိုက်ထားပါတယ်။ အကယ်ဒမီနဲ့ပတ်သက်ပြီး သင်ဇာ့ကို အားမလိုအားမရဖြစ်နေကြတဲ့ ပရိသတ်တွေအတွက်လည်း အရမ်းကိုအားနာလှပါပြီ။ အဲဒီ အတွက်ကြောင့်မို့ ပရိသတ်တွေအတွက် အကယ်ဒမီတစ်ရုပ်လောက် ကိုယူပေးချင်နေပါပြီ။ တကယ်တမ်းထွက်ပြီးတဲ့ ဇာတ်ကားတွေထဲမှာ ရသင့်တဲ့ဇာတ်ကားတွေ လည်းပါပါတယ်။ တကယ်လို့ရခဲ့မယ်ဆိုရင် သင်ဇာအနေနဲ့ အတိုင်း အတိုင်းထက်အလွန်ဝမ်းသာမိမှာပါ။

Share on Google Plus

0 comments:

Post a Comment