ဝိုင်းစုတုိ့အနုပညာရှင်တွေအနေနဲ့














ဝိုင်းစုတုိ့အနုပညာရှင်တွေအနေနဲ့ ဒီလိုအလှူငွေကောက်ခံတာမျိုးမဟုတ်ဘဲ တခြား Foundation အနေနဲ့သွားဖို့စဉ်းစားထားပါတယ်…၀ိုင်းစုခိုင်သိန်း­­
         
ရေဘေးအလှူမှာ အနုပညာရှင်တွေအနေနဲ့ဆိုတော့ ပိုပြီးအာရုံစူးစိုက်မှုရှိတာပေါ့နော်။ ဒီအတိုင်း ပုံမှန်အလှူခံထွက်တာထက် အနုပညာရှင်တွေပွဲလေးတွေလုပ်တဲ့အခါကျတော့ လူတွေစိတ်ဝင်စားလာကြပြီး အလှူခံရတာပိုလွယ်ကူသလို အလှူငွေလည်းပိုရတယ်ပေါ့။ ဒီအတိုင်း တစ်ဆိုင်ဝင် တစ်ဆိုင်ထွက်ကောက်တယ်၊ လမ်းမှာတွေ့တဲ့ကားတွေကိုလိုက်ပြီး ကောက်တာကျတော့ အခက်အခဲတော့ရှိတာပေါ့။ အဲဒါကလည်း ဒီရေဘေးအတွက်ပဲပေါ့။ ပွဲကြည့်ရင်းနဲ့လာကြတာဆိုတော့များများစားစား လှူဖြစ်တယ်ပေါ့နော်။အနုပညာရှင်တွေပါဝင်တော့ လူတွေလည်း ပိုပြီးစိတ်ဝင်စားလာကြတယ်။ ပိုစိတ်ဝင်စားလာတော့ ပိုလှူချင်စ်ိတ်ဖြစ်လာတယ်။ သြော်…အနုပညာရှင်တွေတောင် လုပ်သေးတာပဲ။ ငါတို့လည်း ဒီလိုလုပ်မယ်ဆိုတဲ့စိတ်ကူးပေါ်လာတဲ့လူ လည်းရှိတယ်။ ကိုယ်တိုင်သဒ္ဒါတရားထက်သန်လာတဲ့သူလည်းရှိတယ်ပေါ့။ အနုပညာရှင်တွေ ပူးပေါင်းပါဝင်လာတဲ့အတွက်ကောင်းပါတယ်။
          ရေဘေးသင့်ပြည်သူတွေ အပေါ်အနုပညာရှင်တွေကလည်း ပူးပေါင်းကူညီလာတဲ့အခါမှာ သူတို့စိတ်ထဲဘယ်လောက် အတိုင်းအတာထိစိတ်သက်သာ မှုရစေမလဲဆိုတော့လောလောဆယ်သူတို့ စိတ်သက်သာရာရဦးမှာမဟုတ်ပါဘူး။ ဘာလို့လဲဆိုတော့ သူတို့ အရမ်းကိုဒုက္ခရောက်ခဲ့ကြရတာကိုး။ အနုပညာရှင်တွေ သွားလို့တွေ့တဲ့အခါမှာလည်း သူတို့ရင်ထဲမှာ ခဏလောက်ပဲပျော်တဲ့အပျော်က ခဏပဲပေါ့နော်။ ကိုယ်တွေအနေနဲ့လည်း ကုသိုလ်ရတာပေါ့။ တကယ်တန်းကျတော့ သူတို့ရင်ထဲကအပူက တော်တော်ကြီးပါတယ်။ ဖြစ်ပြီးသွားတော့လည်း ပြန်တည်ဆောက်ရမယ့်အရာတွေကအများကြီးပဲလေ။
          ကိုယ်တိုင်သွားရောက်လှူဒါန်းဖို့ ပထမတော့လုပ်တယ်။ ဒီဘက်မှာလည်းအလှူခံတဲ့ကိစ္စတွေကလည်းရှိသေးတယ်ပေါ့။ အဓိကကတော့ ကိုယ်ကသွားလှူတဲ့အခါမှာ ရေလမ်းတွေကဘာဖြစ်တယ်၊ ညာဖြစ်တယ်ပေါ့။ သွားလှူတဲ့အခါမှာကိုယ်ဒုက္ခရောက်လို့ ကိုယ်ကို ပြန်ကယ်နေရတဲ့အဖြစ်မျိုးဖြစ်နေဦးမယ်လေ။ အဲဒီတော့ ပြန်လည်ထူထောက်ရေးတွေမှာ ကိုယ်တတ်နိုင်သလောက် ဒီဘက်ကနေရသလောက်အလှူငွေတွေစုမယ်ပေါ့။ ဒါလည်းတစ်ဖက်တစ်လမ်းက ကူညီတဲ့သဘောပေါ့နော်။ သွားလို့ရတဲ့မြို့တွေတော့သွားမှာပါ။ ပရိတ်သတ်တွေနဲ့တွေ့ဖို့ပေါ့။ အဓိကကတော့ဒီဘက်ကနေအလှူငွေကောက်ခံတဲ့ပွဲတွေမှာ အလှူငွေစုမယ်ပေါ့။ အဲဒါက ပိုပြီးအထောက်အကူပြုရာကျမယ်လို့ထင်ပါတယ်။
          ဘာပဲဖြစ်ဖြစ်၊ စေတနာ၊ သဒ္ဓါတရား ထက်ထက်သန်သန်နဲ့ လှူတဲ့လူတွေကိုလည်းသာဓုခေါ်ပါတယ်။ ဆက်ပြီးတော့လည်း လှူနိုင်တန်းနိုင်ပါစေလို့ ဆုတောင်းပေးပါတယ်။ ဘာလို့လဲဆိုတော့ ပြန်လည်ထူထောက်ရေးမှာလည်း ငွေတွေအများကြီးလိုတယ်လေ။ အဲဒီအတွက် ဆက်ပြီးတော့ တောင့်ခံထားနိုင်ဖို့လိုပါတယ်။ ဝိုင်းစုတို့အနုပညာရှင်တွေအနေနဲ့လည်း ဒီလိုအလှူငွေကောက်ခံတာမျိုးမဟုတ်ဘဲ တခြား Foundation သွားဖို့စဉ်းစားထားပါတယ်။ ရေဘေးဒုက္ခတွေ့ကြုံနေရတဲ့ပြည်သူတွေအနေနဲ့လည်း ဒါကတော့ဖြစ်ပြီးသွားပြီဆိုတော့ စိတ်မကောင်းတော့ဖြစ်မိတယ်။ အမြန်ဆုံးပြန်လည်ထည်ထောင်နိုင်ကြပါစေ၊ ဘေးအန္တရာယ်လည်းကင်းရှင်းပါစေ၊ မုန်တိုင်းတွေထပ်ဝင်မယ်လို့ကြားတယ်။ ထပ်မဝင်ပါစေနဲ့လို့ဆုတောင်းပေးပါတယ်။ 


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်

Share on Google Plus

0 comments:

Post a Comment