ကိုယ့်မိသားစုအရေးကိုပဲ နံပါတ် တစ်
















အနုပညာစလုပ်ကတည်းက ကိုယ့်မိသားစုတစ်ခု တည်ထောင်ပြီးသွားပြီဆိုရင် ကိုယ့်မိသားစုအရေးကိုပဲ နံပါတ် တစ် ဦးစားပေးသွားမယ်လို့ ဆုံးဖြတ်ထားပြီးသားပါ…#မိုးယုစံ

အိမ်ထောင်ကျသွားတယ်ဆိုပေမယ့် အနုပညာအလုပ်တွေနဲ့ပတ်သက်ရင် နှင်းဆီအငြိမ့်နဲ့ကတော့ ဆက်ကဖြစ်မှာပါ။ ဘာလို့လဲဆို နှင်းဆီအငြိမ့်က တစ်နှစ်တစ်ခါလူမူရေးကိစ္စပရဟိတရန်ပုံငွေပွဲတွေပဲ ကဖြစ်တာဆိုတော့လေ။ ပြီးတော့ ပြည်ပနိုင်ငံတွေမှာသွားကဖြစ်ရင်လည်း နှင်းဆီနဲ့ကတော့ ဆက်လက် တွဲဖြစ်သွားမှာပါ။ နှင်းဆီအငြိမ့်ဆိုတာ ပရဟိတရန်ပုံငွေပွဲတွေကတဲ့ အများကောင်းမှုလုပ်တဲ့ အနုပညာ လုပ်ငန်းမို့ပါ။ အရင်တုန်းကဆိုရင် ကိုယ်ကလူလွတ်ဖြစ်တယ်။ လူလွတ်ဖြစ်တဲ့အတွက်မိသားစုအရေးက သိပ် အများကြီးစဉ်စားစရာမလိုဘူးပေါ့နော်။ ကိုယ့်မိဘတွေ အဖေအမေတွေက ဦးဆောင်ပေးတယ်ပေါ့။ 

ဒါပေမဲ့ ကိုယ်အိမ်ထောင်တစ်ခုတည်ထောင်တဲ့အခါကျတော့ ကိုယ်တိုင်ဦးဆောင်ပြီး အိမ်ထောင်တာဝန်တွေနဲ့ ကိုယ့်မိသားစုအရေးကိုဦးစားပေးရတယ်ပေါ့နော်။ အဲဒီအတွက် အနုပညာရှင်တော်တော်များများက အိမ်ထောင်ကျသွားရင် အနုပညာအလုပ်မှာ အနည်းနဲ့အများတော့ အားလျော့သွားကြတာချည်းပါပဲ။ 

ညီမအနေနဲ့ကလည်း အစကတည်းက စဉ်းစားပြီးသားပေါ့နော်။ အနုပညာစလုပ်ကတည်းက ဆုံးဖြတ် ထားတာတစ်ခုက ငါအိမ်ထောင်ကျသွားရင် ကိုယ့်မိသားစုတစ်ခုတည်ထောင်ပြီးသွားရင် ကိုယ့်မိသားစု အရေးကသာ နံပါတ်တစ်ဦးစားပေးသွားမယ်လို့စိတ်ထဲမှာ ဆုံးဖြတ်ထားတယ်ပေါ့နော်။ 

အရင်တုန်းက ဆိုရင်ကိုယ့်ရဲ့မိသားစုက နံပါတ်တစ်။ အခုက ကိုယ်ကိုယ်တိုင်ဦးဆောင်ရတော့မယ့်မိသားစုက ကိုယ့်ဘ၀ ရဲ့နံပါတ်တစ်ပေါ့နော်။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်

Share on Google Plus

0 comments:

Post a Comment