တက်တူးတွေကို အရမ်းချစ်ပါတယ်.....ပိုပို












မြန်မာမီဒီယာဆဲဗင်းက ထုတ်လုပ်ပြီး ဒါရိုက်တာသြရသရိုက်ကူးမယ့် ''ကြောက် ကြောက် ကြောက်'' ရုပ်ရှင်ဇာတ်ကားကြီးမှာ အဓိက သရုပ်ဆောင်တွေအဖြစ်အကယ်ဒမီ နေတိုး၊ ထွန်းထွန်း၊ မင်းသွေး၊ အလင်းရောင်၊ သိန်းလင်းစိုး၊ ဂျိုကာ၊ ဖြိုးဇော်လင်း၊ ခင်ဝင့်ဝါ၊ နန်းမြတ်ဖြိုးသင်း၊ မေမြင့်မိုရ်တို့နဲ့အတူပါဝင် သရုပ်ဆောင်သွားမယ့် အဆိုတော်ပိုပိုနဲ့ တွေ့ဆုံခိုက် ဂီတဘက်မှာ အောင်မြင်ခဲ့သလို သရုပ်ဆောင်ဘက်မှာလည်းအောင် မြင်မှုရနိုင် မလားဆိုတာ သူ့ကိုချစ်တဲ့ပရိသတ်တွေက စိတ်ဝင်တစားစောင့်ကြည့်နေကြတာကြောင့် သူရဲ့အနုပညာလှုပ်ရှားမှုတွေမှာ ဂီတနဲ့သရုပ် ဆောင်နှစ်ခုစလုံးပတ် သက်ပြီးမေးမြန်းခဲ့သမျှ Shape အနုပညာဂျာနယ်စာဖတ်ပရိသတ် တွေအတွက်ရေးသားဖော်ပြပေးလိုက်ပါတယ်။

လက်ရှိအနုပညာလှုပ်ရှားမှုအနေနဲ့ ကတော့…
ဂီတလှုပ်ရှားမူအနေနဲ့တတိယခွေအတွက် သီချင်းတွေစလုပ်နေပါတယ်။ ညီမဆိုတာများ တာတော့ အသည်းကွဲတဲ့ခံစားချက်လေးတွေပါတဲ့ သီချင်းတွေဆိုဖြစ်တာများတယ်။ ကိုယ် တကယ်ခံစားရမှာပဲ အသည်းကွဲခံစားချက် အစစ်တွေရေးဖြစ်တာပေါ့။ အခုညီမဂီတ ဘက်ကနေ သရုပ်ဆောင်ဘက်ကိုလှမ်းလာဖို့ ကြိုးစားနေပါတယ်။ သရုပ်ဆောင်တာနဲ့ ပတ်သက်ပြီး လေ့လာနေပါတယ်။ သရုပ်ဆောင်အလုပ်ကိုလည်း ညီမ၀ါသနာပါပါတယ်။

သရုပ်ဆောင်ပညာနဲ့ပတ်သက်ပြီး…
ဇာတ်လမ်းဇာတ်ကွက်ရှိပြီး ညီမအတွက်လုပ်ကွက်ရမယ့်ဇာတ်ကားမျိုးတွေဆို ညီမကြိုက်ရင်လက်ခံ ရိုက်ကူးသွားမှာပါ။ သရုပ်ဆောင်နဲ့ပတ်သက်ပြီး အခုမှပဲစမှာဆိုတော့ တဖြည်းဖြည်းချင်းနဲ့ သင်ယူရမှာပေါ့နော်။ ဒါရိုက်တာကိုသြရသကိုလည်း သင်ပေးပါလို့တော့ ပြောထားတယ်။ အမှန်တိုင်းပြောရရင် အရမ်း ကြီးစဉ်းစားထားတာမျိုးတော့မရှိဘူး။ ဒါပေမဲ့ အိုက်တင်တွေမလုပ်နိုင်မှာတော့ နည်းနည်းကြောက်ပါတယ်။ ဒါပေမဲ့ လုပ်နိုင်အောင်လည်း ကြိုးစားသွားမှာပါ။ သရုပ်ဆောင်ဘက်မှာကို အောင်မြင် အောင်ကြိုးစားလုပ်သွားမှာပါ။

ဂီတနဲ့သရုပ်ဆောင်နှစ်ခုစလုံးကို မျှတအောင်လုပ်နိုင်ဖို့ဆိုတာ…
ဂီတနဲ့သရုပ်ဆောင်နှစ်ခုစလုံးကို တစ်ပြိုင်တည်းလုပ်ဖို့ဆိုတာ ညီမအတွက်တော်တော်ပင်ပန်းမှာပါ။ နှစ်ခုစလုံးကိုမျှတအောင်လုပ်ဖို့ ဆိုတာလည်းမလွယ်တော့ ညီမအနေနဲ့ ကိုယ့်ရဲ့ ပရော်ဖက်ရှင်နယ်ဖြစ်တဲ့ ဂီတဘက်ကိုဦးစားပေးလုပ်သွားဖြစ်မှာပါ။ သရုပ်ဆောင်အလုပ်ကိုတော့ ဂီတထက်ဦးစားပေးလုပ်သွားမှာတော့ မဟုတ်ဘူး။ ဘာဖြစ်လို့လဲဆိုတော့ ညီမသရုပ်ဆောင်လုပ်တယ်ဆိုတာ ၀ါသနာထက် ကိုယ့်ပရိသတ်တွေကို အနုပညာ အသစ်အဆန်းတစ်ခုအနေနဲ့ချပြချင်လို့ကြိုးစား လုပ်သွားမှာပါ။ တဖြည်းဖြည်းချင်းစီပေါ့ တစ်ဆင့်ပြီးတစ်ဆင့် ကြိုးစားလုပ်သွားမှာပါ။

သရုပ်ဆောင်ဘက်မှာအောင်မြင်မှုရနိုင်ဖို့ ယုံကြည်ချက်ကတော့…
ကိုယ်ဘာပဲလုပ်လုပ်ချစ်နေကြမှာပဲလေ။ သီချင်းဆိုတာပဲဖြစ်ဖြစ် သရုပ်ဆောင်တာပဲဖြစ်ဖြစ်ပေါ့။ ညီမဘက်ကတော့ ကိုယ့်ကိုယ် အားပေးတဲ့ပရိသတ်တွေစိတ် မပျက်ရအောင်တော့ အတက်နိုင်ဆုံး ကြိုး စားလုပ်သွားမှာပါ။ သရုပ်ဆောင် စလုပ်လို့ ဂီတဘက်ကိုလျှော့သွားမှာတော့ မဟုတ်ပါဘူး။ သရုပ်ဆောင်ဘက်မှာ အောင်မြင်မှုရဖို့ ယုံကြည်ချက်ဆိုတာကတော့ ဒါကတော့ပရိသတ်ရဲ့ချစ်ခင်မှုအပေါ်မှာ ပဲမူတည်ပါတယ်။ ကိုယ့်ကလည်းအကောင်းဆုံးဖြစ်အောင် ကြိုးစားသွားမယ်။

ပထမဆုံးရုပ်ရှင်ကားအဖြစ်ရိုက်ရမှာ ဆိုတော့…
မြန်မာမီဒီယာဆဲဗင်းကထုတ်လုပ်ရိုက်ကူးမယ့်''ကြောက်ကြောက်ကြောက်'' ရုပ်ရှင်ဇာတ်ကားကြီးမှာ ၀ါရင့်သရုပ်ဆောင်တွေနဲ့ တွဲဖက် သရုပ်ဆောင်ရမှာဆိုတော့ အရမ်း ရင်ခုန်စိတ်လှုပ်ရှားပါတယ်။ ဒါက ညီမအတွက် ပထမဆုံးရိုက်တဲ့ဇာတ်ကားပါ။ ဒီကားမှာညီမ အတွက်သရုပ်ဆောင်နဲ့ပတ်သက်ပြီး အတွေ့ အကြုံတွေအများကြီးရမယ်လို့ မျှော်လင့်ပါတယ်။ ပြီးတော့ ညီမသရုပ်ဆောင်တဲ့အခါ အိုက်တင်မရမှာတော့ နည်းနည်းစိုးရိမ်းပါတယ်။ ဒါကလည်းဒါရိုက်တာခိုင်းတဲ့အတိုင်းကြိုးစား သရုပ်ဆောင်သွားမှာပါ။ ပထမဆုံးရိုက်တဲ့ ဇာတ်ကားမို့ ရင်ခုန်စိတ်လှုပ်ရှားပါတယ်။

တက်တူးချစ်တတ်တဲ့ကောင်းမလေး တစ်ယောက်လားဆိုတာတော့…
ညီမတက်တူးတွေကိုကြိုက်ပါတယ်။ အရမ်းကြီးခရေစီဖြစ်တာထက်ကို တက်တူးတွေကို အရမ်းချစ်ပါတယ်။ ခေတ်လူငယ် တစ်ယောက်အနေနဲ့ တက်တူးထိုးတာဝါသနာပါလို့ပါ။ တက်တူးပုံလှလှလေးတွေတွေ့ရင် သဘောကျတယ်။

တစ်ကိုယ်တော်ရှိုးပွဲလုပ်ဖို့ဆိုတာကတော့…
တစ်ကိုယ်တော်ရှိုးပွဲလုပ်ဖို့ကတော့ လောလောဆယ်မရှိပါဘူး။ တစ်ချိန်ချိန်မှာလုပ်ဖို့ အစီအစဉ်တော့ရှိပါတယ်။ ဒါကလည်း အချိန်တွေအဝေးကြီးလိုပါသေးတယ်။ တစ်ကိုယ်တော်ရှိုးပွဲလုပ်နိုင်အောင်လည်း ညီမကြိုးစား သွားမှာပါ။ စင်ပေါ်ကနေပရိသတ်တွေကိုသီချင်း ဆိုဖျော်ဖြေရတာကိုညီမအရမ်းကြိုက်ပါတယ်။

ပရိသတ်တွေကို ပြောချင်နေတဲ့ စကားတွေကတော့ ……
သီချင်းအဆိုပိုင်းနဲ့ပိုပိုကိုအားပေးကြတဲ့ အတွက် ကျေးဇူးတင်ပါတယ်။ အခုလည်းသရုပ် ဆောင်ပိုင်း ကိုကူးလာပြီဆိုတော့ အားပေးကြပါဦးလို့ ပိုပိုရဲ့ချစ်ပရိသတ်တွေကို ပြောချင်ပါတယ်။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment