ဂီတအဆိုတော်မလေး တေလာဆွစ်(ဖ်)










ဂရမ်မီဆုများရှင်ကန်းထရီး ဂီတအဆိုတော်မလေး တေလာဆွစ်(ဖ်)နဲ့ ကမ္ဘာ့အချမ်းသာဆုံး ဒီဂျေစာရင်းဝင်ဖြစ်သူ ကယ်(လ်)ဗင်ဟဲရစ္စတို့ဟာ ရည်းစားဖြစ်ပြီး (၁၅)လအကြာမှာ လမ်းခွဲကြောင်း တရားဝင်ကြေညာထားပြီးဖြစ်ပါတယ်။

တေလာ လျှမ်းလျှမ်းတောက်အောင်မြင်မှုကြောင့်ကယ်(လ်)ဗင်က သိမ်ငယ်စိတ်ဝင်လို့ လက်တွဲဖြုတ်တာ ပါလို့ သတင်းပေးတစ်ဦးက People မဂ္ဂဇင်းကိုပြောပါတယ်။ တေလာရဲ့အားကစားကွင်းဖြေဖျော်ပွဲ ကြီးတွေဟာ လက်မှတ်ကုန်လေ့ရှိခိုက်မှာ ကယ်(လ်)ဗင်ကတော့ လာ့(စ်)ဗေးဂါး(စ်)က ဇာတ်ရုံတွေနဲ့နိုက်ကလပ်တွေမှာပဲ လှည့်လည်ဖြေဖျော်နေရတာပါ။ 

သူမပိုင်ဆိုင်ထားတဲ့ ဂီတထူးချွန်ဆုတွေကလည်း မနည်းတော့ပါဘူး။ သန်စွမ်းတဲ့မိမိရဲ့ဘ၀လက်တွဲဖော် အမျိုးသမီးတွေကို အမျိုးသားတွေက တန်ဖိုးထားအပ်တဲ့ကာလမှာတေလာ အောင်မြင်လွန်းလို့ အဆက်ဖြတ်တဲ့ ကယ်(လ်)ဗင့်ကိုတချို့ကအပြစ်တင်နေကြသတဲ့။ ကယ်(လ်)ဗင်ဟာ သူနဲ့တေလာရဲ့ အလုပ်အကိုင်ချင်းခြားနားမှုကိုပြက်ရယ်ပြုတဲ့စာတွေ ၂၀၁၅ ခုနှစ်က တွစ်တာမှာရေးခဲ့ဖူးပါတယ်။ 

ပထမရည်စား ပေါ့(ပ်)ဂီတ အဆိုတော် ရီတာအော်ရာနဲ့ ကွဲပြီးတုန်းကလည်း ''ရီတာနဲ့ ကျွန်တော် လမ်းခွဲပြီးပြီ။ သူဟာ ချောမောလှပပြီး ပင်ကိုစွမ်းရည်ရှိတဲ့ မိန်းမတစ်ယောက်ပါ။ သူ့အတွက် အရာရာအကောင်းဆုံးဖြစ်ပါစေလို့ ကျွန်တော် ဆုတောင်းပေးတယ်''လို့ တွစ်တာမှာရေးခဲ့ဖူးသေးသတဲ့။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment