ကုန်ကျစရိတ်မလုံလောက်လို့ ဗိုလ်ချုပ်ရုပ်ရှင်ရပ်တန့်ထားတယ်… ရုပ်ရှင်အစည်းအရုံးဥက္ကဌ လူမင်း




ဗိုလ်ချုပ်ရုပ်ရှင်ကိစ္စနဲ့ပတ်သက်ပြီး ရပ်တန့်နေတဲ့ အဓိကအကြောင်းကတော့ ကုန်ကျစရိတ်ငွေ လုံလောက်မှုမရှိသေးတာကြောင့်ဖြစ်တယ်လို့ မြန်မာနိုင်ငံရုပ်ရှင်အစည်းအရုံးဥက္ကဋ္ဌ ဦးလူမင်းကပြောပါတယ်။

''ဗိုလ်ချုပ်ရုပ်ရှင်ဇာတ်ကားနဲ့ပတ်သက်ပြီး ရပ်တန့်ရတဲ့ အဓိကအကြောင်းကတော့ ကုန်ကျစရိတ် ဘတ်ဂျက်ငွေလုံလောက်မှုမရှိတာကြောင့်လို့လည်း ပြောလို့ရပါတယ်။ ဗိုလ်ချုပ်ရုပ်ရှင်ဆိုတော့ နိုင်ငံ တကာအဆင့်မီ ရုပ်ရှင်အဖြစ်ရိုက်ကူးဖို့ကြိုးစားနေတာပါ။ ဘတ်ဂျက်မလုံမလောက်နဲ့ အဖြစ်မရိုက်ချင် တာလည်းပါပါတယ်။ ကျွန်တော်တို့မသိတဲ့ ရိုက်ကူးရေးပညာပိုင်းတွေမှာ နိုင်ငံတကာရုပ်ရှင်အတတ် ပညာရှင်တွေလည်းခေါ်သုံးသင့်ရင်သုံးရမှာပါ။ ဗိုလ်ချုပ်ရုပ်ရှင်ကို အဖြစ်မရိုက်ချင်ပါဘူးလို့''အကယ်ဒမီ လူမင်းကပြောပါတယ်။

ဗိုလ်ချုပ်အောင်ဆန်းအကြောင်း နိုင်ငံတကာ အဆင့်မီရုပ်ရှင်ဇာတ်ကားကြီးရိုက်ကူးမယ်လို့ ပရိသတ်တွေအများစုကသိထားသော်လည်း လက်ရှိ အချိန်မှာတော့ ဗိုလ်ချုပ်ရုပ်ရှင်ဇာတ်ကားရိုက်ကူး ရေးနဲ့ပတ်သက်ပြီးကုန်ကျစရိတ်ငွေလုံလောက်မှု မရှိတာကြောင့်အပြင်အခြားသော အကြောင်းအမျိုးမျိုးကြောင့် ရပ်တန့်ထားရတယ်လို့သိရပါတယ်။ ပရိသတ်အများစုကလည်း ဗိုလ်ချုပ်အောင်ဆန်း အကြောင်းရိုက်ကူးမယ့် ဗိုလ်ချုပ်ရုပ်ရှင်ဇာတ်ကားကို စိတ်ဝင်တစားစောင့်မျှော်ကြည့်ရှုချင်တဲ့ ပရိသတ်တွေအများအပြားရှိနေပါတယ်။

---
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်



Share on Google Plus

0 comments:

Post a Comment