တခြားစီးပွားရေးလုပ်မယ်ဆိုရင်သိပ်မကျွမ်းကျင်ဘူး… အိန္ဒြာကျော်ဇင်









ထုတ်လုပ်ရေးလောကမှာ ဈေးကွက်တွေမကောင်းဘူးဆိုပေမယ့် တခြားစီးပွားရေးလုပ်မယ်ဆိုရင်သိပ်မကျွမ်းကျင်ဘူး… ကိုယ်လည်းစိတ်မ၀င်စားဘူး… အိန္ဒြာကျော်ဇင်

မိုးဟေကိုရဲ့ ကျွန်မချစ်သော စာအုပ်မိတ်ဆက်ပွဲကိုလာရောက်အားပေးတဲ့ အကယ်ဒမီ အိန္ဒြာကျော်ဇင် (အူဝဲ)နဲ့တွေ့ဆုံခိုက်သူမကိုယ်တိုင် ဦးစီးလုပ်ကိုင်မယ့်ရုပ်ရှင်ထုတ်လုပ်ရေးအကြောင်းနဲ့ သူမရဲ့အနုပညာ လှုပ်ရှားမှုတွေအကြောင်းတစေ့တစောင်းကို Shape အနုပညာဂျာနယ်ချစ်ပရိသတ်တွေအတွက်
ရေးသားဖော်ပြလိုက်ရပါတယ်။

မိုး(မိုးဟေကို)ရဲ့စာအုပ်မိတ် ဆက်ပွဲတက်ဖြစ်တဲ့အကြောင်းကတော့…
မိုးရဲ့စာအုပ်လေးထုတ်တာ သူ့အတွက်လည်းကောင်းပါတယ်။ ပြီးတော့ သူတစ်နိုင်ငံလုံးကို
အပင်ပန်းခံပြီးသွားရိုက်ထားတယ်လို့ပြောပါတယ်။ ဒီစာအုပ်လေးကိုကြည့်လိုက်ချိန်မှာ မြန်မာပြည်က အလှအပတွေရော၊ မိုးရဲ့အလှအပတွေရောမြင်ရတာပေါ့။ မိုးလုပ်တဲ့ အလုပ်တွေအားလုံးအောင်မြင်ပါ စေလို့ပြောချင်ပါတယ်။

လက်ရှိအနုပညာလှုပ်ရှားမှုအနေနဲ့…
အူဝဲကြော်ငြာဓာတ်ပုံရိုက်ဖို့ လက်ခံထားတာလေးတွေရှိတယ်။ နောက်တီဗီကြော်ငြာတွေ၊
ရုပ်ရှင်ဇာတ်ကားကြီးတွေရိုက်ဖို့ လက်ခံထားတာလေးတွေရှိပါတယ်။

ဇာတ်လမ်းသိပ်မရွေးပါဘူး…
ဇာတ်တွေကို အရမ်းကြီးတော့ မရွေးပါဘူး။ အဓိကတော့ ပရိသတ်လည်းကြိုက်မယ်၊ ကိုယ်လည်းရိုက်ချင်တဲ့
ဇာတ်ရုပ်တွေကိုရိုက်ပါတယ်။ ဘ၀သရုပ်ဖော်ဇာတ်၊ ဟာသဇာတ်ရယ်လို့မဟုတ်ပါဘူး။ သူ့ဟာနဲ့ သူတော့ အထိုက်အလျောက် ကောင်းပါတယ်။ အဓိက ဇာတ်ကားကောင်းပြီး ပရိသတ်ကြိုက်ဖို့အတွက် ဦးတည်ပြီးတော့ရိုက်ပါတယ်။

ပရိုဂျူဆာလုပ်ဖို့ သုဒြာရုပ်ရှင်ထုတ်လုပ်ရေးလို့နာမည်ပေးထား…
ပရိုဂျူဆာလုပ်ဖို့အတွက် တော်တော်လေးလည်းနီးပါပြီ။ အကောင်အထည် လည်းပေါ်တော့မှာပါ။ သုဒြာ ရုပ်ရှင်ထုတ်လုပ်ရေးဆိုပြီး နာမည်ပေးထားပါတယ်။ အူဝဲတို့တိုက်က ပွဲဦးထွက် ကိုရုပ်ရှင် ဇာတ်ကားကြီး အနေနဲ့ထွက်ချင်လို့ပါ။ ကိုယ်ကြိုက်တဲ့ဇာတ်ကို ပြန်ပြင်နေတာလေးတွေလည်းရှိလို့ ဇာတ်ကောင်တွေ ကို အရွေ့အပြောင်းလေးတွေ လုပ်နေပါတယ်။ သေသေချာချာတိတိကျကျသိရရင်ပ ရိသတ်တွေကိုပြောပါမယ်။ ပထမတော့ ရုပ်ရှင်ဇာတ်ကားကြီးတွေရိုက်ဖို့ စီစဉ်ထားပါတယ်။ ဗီဒီယိုလည်းပါပါမယ်။ ဟာသဇာတ် ပဲဖြစ်ဖြစ်၊ ဒရမ်မာဇာတ်ပဲ ဖြစ်ဖြစ်ဇာတ်ကားကောင်းဖို့က အဓိကကျပါတယ်။

စီးပွားရေးအရရယ်ကိုယ်တိုင်လည်းအနုပညာကိုဖန်တီးချင်လို့ ပရိုဂျူဆာလုပ်…
အူဝဲကအကယ်ဒမီတွေရဖို့ အတွက်ဦးတည်ချက်မထားဘဲ ကိုယ့်ဒီအသက်အရွယ်မှာ ဒီစီးပွားရေးလုပ်မယ်။
ပရိုဂျူဆာအလုပ်ကိုလုပ်တယ်။ ကိုယ်စိတ်ဝင်စားပြီး ကိုယ်ဝါသနာပါတာကိုလုပ်တာပါ။
ဒီပရိုဂျူဆာကလည်း ကိုယ့်အနုပညာနဲ့ဆက်စပ်နေတယ်။ အူဝဲကိုယ်တိုင်လည်း အနုပညာကိုဖန်တီးချင်တယ်။ ပရိသတ်လည်းကြိုက်မှာကို အဓိကဦးတည်ပြီးသွားတာပါ။
စီးပွားရေးလည်းဖြစ်တော့ စီးပွားရေးအပိုင်းလည်းပါပါတယ်။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment