ပင်ပန်းတဲ့ဒဏ်တွေမခံနိုင်တော့ပါဘူး…ထက်ထက်မိုးဦး












ရှယ်ချွေးမ ရိုက်ပြီးကတည်းက ထပ်မရိုက်ဖြစ်သေးပါဘူး… ငယ်ရွယ်တဲ့အချိန်တုန်းကတော့ ပင်ပန်းဒဏ်တွေခံ နိုင်တယ်… အခုတော့မိတ်ကပ်တွေလိမ်းပြီး ပင်ပန်းတဲ့ဒဏ်တွေမခံနိုင်တော့ပါဘူး…ထက်ထက်မိုးဦး

သမီးလေးကငယ်သေးတယ်၊ အခု ၆နှစ် တောင်မပြည့်သေးဘူးလေ။ ကျောင်းချိန်အတွင်းမှာတော့ ပညာကအရေးကြီးဆုံးပါပဲ၊ သူ့ရဲ့ကြော်ငြာအနုပညာနဲ့ပတ်သတ်တာတွေကတော့ စနေ၊ တနင်္ဂနွေကျောင်း ပိတ်တဲ့ အချိန်မှာပဲအလုပ်တွေလုပ်တာပါ။ အဓိကကတော့ကျောင်းစာပါပဲ။ သမီးလေးက ၀ါသနာပါတယ်။ ကိုယ်ငယ်ငယ်တုန်းက ရူးသွပ်သလိုပေါ့။ သူ့ဟာသူ အိုက်တင်က ထွက်နေတာ သူ့ရဲ့လုပ်ချင်စိတ်လေးလည်း ပါတာပေါ့လေ။ 

သမီးကအိုက်တင်ပိုင်းနဲ့ ပတ်သက်ပြီး သင်ပေးစရာကိုမလိုဘူး။ သူကအသင်ကို မခံတာ၊ အခုသူက အရမ်းငယ်သေးတယ်။ အသက် ၆နှစ်မှာသူရိုက်တယ်၊ ၈နှစ်လောက်ဆို ရိုက်ချင်မှရိုက်လောက်တော့မယ်။ ၁၀နှစ်ကျော်လောက် မလုပ်ချင်တော့ဘူးလည်းဖြစ်ချင်ဖြစ်မှာပဲလေ။ ကလေးဆိုတာကလေး အလိုက်အထိုက်လေးပေါ့။

ကိုယ်သေသွားလို့ရှိရင် ကိုယ့်လို ဒုက္ခမရောက်စေချင်ဘူး။ အဓိကကတော့ ပညာရေးပဲ၊ ပညာရှိနေရင် ဘယ်နားမှာ ဘာဖြစ်ဖြစ်အောက်ကျခံစရာမလိုဘူးလေ။ ကိုယ်ပညာတတ်တယ်ဆိုရင် ဘယ်နားမှာ အလုပ်ဝင်ဝင် ကိုယ့်ဘာသာကိုယ်လည်းစဉ်းစားတတ်မယ်။ ဆုံးဖြတ်နိုင်မယ်။ ဒါကြောင့် သမီးလေးကို ပညာရေးပိုင်း အဓိကထားပေးပါတယ်။ 

အခုလောလောဆယ်ကြော်ငြာရိုက်တယ်။ ပွဲလေးတွေတစ်ခါတလေလျှောက်တယ်၊ အခုတော့ ကြော်ငြာလေးတွေပဲရိုက်ဖြစ်ပါတယ်။လက်ရှိမှာကဗီဒီယိုတွေ သိပ်မရိုက်ကြတော့ ဇာတ်ကားကြီးပဲ ရိုက်ကြတယ်ပေါ့။ ကိုယ့်ကိုကမ်း လှမ်းလာတဲ့ဇာတ်အပေါ်မူတည်ပြီးတော့ လက်ခံရိုက်ကူးသွားဖို့ရှိပါတယ်။ 

“ရှယ်ချွေးမ”ရိုက်ပြီးကတည်းက ထပ်မရိုက်ဖြစ်သေးပါဘူး။ နောက် ငယ်ရွယ်တဲ့အချိန်တုန်းကတော့ ပင်ပန်းတဲ့ဒဏ်တွေခံနိုင်တယ်။ အခုတော့ မိတ်ကပ်တွေဖီးလိမ်းပြီး ပင်ပန်းတဲ့ ဒဏ်တွေမခံနိုင်တော့ပါဘူး။
ဒီလိုပါပဲ ကောင်းတာပြောတဲ့ သူရှိသလို၊ ဆိုးတာပြောတဲ့ သူတွေလည်းရှိပါတယ်။ လောကမှာ အကောင်းနဲ့ အဆိုးဟာဒွန်တွဲနေတာပါပဲ။ 

ထက်ထက်တို့မိသားစုအကုန်လုံးကို ပရိသတ်ချစ်ကြတော့ဝမ်းသာပါတယ်။ ဆက်လက်ပြီးအားပေးကြပါဦးလို့ ပြောချင်ပါတယ်။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment