စိတ်ရင်းကောင်းမှ ကံကောင်းမယ်… ခေးဆက်သွင်

ညီမ ၄ တန်း၊ ၅တန်းလောက်ကတည်းက သူများတွေအိုးပုတ် ချိုးရုပ်ကစားနေတဲ့အချိန်မှာ ညီမက ရုပ်ရှင်ရိုက်တမ်းကစားတယ်။ အငြိမ့်ကပြီးကစားတယ်။ ဒီအနုပညာအလုပ်ကို တကယ်လုပ်ခဲ့တဲ့ အချိန်ကတော့ Second Year လောက်မှာစလုပ်ဖြစ်တယ်။ နယ်ကနေတစ်ယောက်တည်းတက်လာတယ်။ မတင်မိုးလွင်ဆီမှာသင်တန်း စတက်ရင်းနဲ့မော်ဒယ်စလုပ်ခဲ့တာ။ အခုဆိုရင် လည်းအနုပညာသက်တမ်း၆နှစ်လောက်ရှိသွားပါပြီ။

မော်ဒယ်လုပ်တုန်းကတော့ Miss People မှာ Best Smile ဆုရတယ်။ ခြေလှမ်းအလှပြိုင်ပွဲမှာ 2^nd Runner Up ကိုရတယ်။ MRTV-4 မှာ သရုပ်ဆောင်ရွေးတယ်ဆိုတော့ ပထမ The Sing of Love မှာတုန်းက နားမလည်တော့ မလျှောက်ဖြစ်ဘူး။ အဲဒီတုန်းကဇာတ်လမ်းတွဲဆိုတာ ဘာမှန်းတောင်မသိသေးဘူး။ ဇာတ်လမ်းအတိုလေးပဲနေမှာဆိုပြီး မလျှောက်တာပါ။ Forever မန္တလေးရောက်မယ်ဆိုမှ MRTV-4 မှာ လျှောက်ဖြစ်ရင်း မော်ဒယ်ကနေသရုပ်ဆောင်ဖြစ်လာတာပေါ့။ MRTV-4 နဲ့ ခေါင်းဆောင်မင်းသမီးနေရာကနေ ဇာတ်လမ်းတွဲ(၃)တွဲရိုက်ခဲ့ပြီးပြီ။ Butter fly, Happy Beach ရယ်၊ အိမ်းနီးချင်းရယ်ပါ။ အပြင်တိုက်တွေနဲ့အကုန်လုံးတော့မရိုက်ဖြစ်ဘူး။ အပြင်နဲ့ရိုက်မလို့လုပ်ရင်းကနေပျက်သွားတယ်။ အချိန်အကန့်အသတ်တစ်ခုကြောင့် မလုပ်နိုင်ခဲ့ဘူး။ အဲဒီနေ့ကစပြီး အပြင်မှာ မရိုက်ခဲ့ဘူး။ ဒါပေမဲ့ ကြော်ငြာတွေရိုက်တယ်။ ဆင်ဂနယ်သွား တိုက်ဆေးကြော်ငြာရယ်၊ တယ်လီနော နန်းကြီးသုပ် ကြော်ငြာတွေရိုက်တယ်။ နောက်ပြီး ကူဘိုတာကြော်ငြာလည်းရိုက်တယ်။ MTV လေးတွေလည်းရိုက်ဖြစ်တယ်။ အပြင်မှာပြောနေကြတာတွေကတော့ နေရာတစ်နေရာရဖို့ အရမ်းခက်တယ်လို့ပေါ့နော်။ ကိုယ့်ထက်ဝါရင့် သဘာရင့်တွေလည်း အများကြီးရှိတယ်။ အကုန်လုံးကို မျက်နှာကြည့်ပြီး အလုပ်လုပ်ရတယ်။ နေတာထိုင် တာကအစ သတိထားရတာရှိတယ်။ ကိုယ်က MRTV-4 မှာလုပ်တဲ့ပုံစံက Team work ပေါ့။ လူမရှိလို့မလုပ်ဖြစ်ဘူးဆိုတာမရှိဘူး။ အဲဒီအဖွဲ့အစည်းနဲ့အလုပ်လုပ်တယ်။ ဒီလူ့နေရာမှာအစားထိုးတယ်။ ဒါပေမဲ့ ကိုယ်ကောင်းအောင်လုပ်၊ ကိုယ်ကောင်းရင်နေရာရမယ်။ အားလုံးကမိသားစု ပုံစံမျိုးပဲ။ အလုပ်လုပ်ရင်း ကိုယ်သာတယ်၊ သူနာတယ်ဆိုတာမျိုးမရှိဘူး။ MRTV-4 ကအမြဲတမ်းချမှတ်ထားတဲ့စည်းကမ်းက စိတ်ရင်းကောင်းရမယ်၊ စိတ်ရင်းကောင်းမှကံကောင်းမယ်။

---
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်