သူကိုယ့်အပေါ်သစ္စာရှိရဲ့လား…












ကိုယ်ချစ်တဲ့တစ်စုံတစ်ယောက်ဆီက သစ္စာဖောက်ဖျက်ခြင်းခံရတဲ့အရသာကို ခံစားဖူးသူသာသိပါလိမ့်မယ်။ ဘယ်သူမှတော့ ဒီခံစားချက်ကို မခံစားချင်ကြပါဘူး။ အဲဒီလိုပဲ ကိုယ်လည်းသစ္စာဖောက်ခံရနိုင် သလားဆိုပြီး တွေးမိရင်လည်း တွေးမိကြမှာပေါ့။ သစ္စာဖောက် မခံရဘူးလို့ ရာနှုန်း ပြည့်တော့မပြောနိုင်ပါဘူး။ ဒါပေမဲ့ သူ ကိုယ့် အပေါ်သစ္စာရှိမရှိသိနိုင်တဲ့ အချက်လေးတွေတော့ရှိပါတယ်။

နောက်ကြောင်းကောင်း
သူအရင်ကလှည့်စားဖူးရင် သစ္စာဖောက်ဖူးရင် ဒီတစ်ခေါက်လည်းလုပ်ချင်လုပ်မှာပေါ့။ ဒါအာမမခံပါဘူး။ ယောက်ျားလေး၊ မိန်းကလေး ဘယ်သူဖြစ်ဖြစ်တစ်ခါလုပ်ဖူးပြီးရင် နောက်တစ်ကြိမ်ကျူးလွန်ဖို့က မခဲယဉ်းပါဘူး။ တကယ်လို့ အရင်ကဒီလိုလုပ်ရပ်မျိုး မကျူးလွန်ဖူးရင်လည်း ဒါသူ့စရိုက်မဟုတ်တာဖြစ်ကောင်းဖြစ်နိုင်ပါတယ်။

တူညီတဲ့ပန်းတိုင်ကိုသွားမယ်
ကိုယ့်ချစ်သူက အမှီအခိုကင်းတာ ကောင်းပါတယ်။ ဒါပေမဲ့ နှစ်ယောက်စလုံး တူညီတဲ့ပန်းတိုင် တစ်ခုဆီကိုသွားနေ ဖို့ဆိုတာလိုပါတယ်။ တစ်ယောက်နဲ့တစ်ယောက် ဘ၀ရှေ့ရေးအတွက်စီမံချက်တွေ အတူဆွဲမယ်၊ ဒီအစီအစဉ်တွေကို အကောင်အထည်ဖော်မယ်။ ဒါဆိုရင်တော့ တစ်ယောက်အပေါ်တစ်ယောက် သစ္စာဖောက်ဖို့ ခက်ခဲသွားပြီဆိုတဲ့ လက္ခဏာတစ်ခုပါ။

အိမ်မှာပျော်ရွှင်မယ်
သစ္စာဖောက်ဖျက်လိမ်လည်မှုအတွက် မှားပါတယ်ဆိုပြီး လက်ဆုပ်လက်ကိုင်ပြစရာ တော့မရှိပါဘူး။ ဒါပေမဲ့ ယောက်ျား တစ်ယောက်၊ မိန်းမတစ်ယောက်သစ္စာ ဖောက်တာကိုပြနေတဲ့ သင်္ကေတတွေရှိပါတယ်။ အဲဒါကတော့ အိမ်မှာမနေပျော်တော့တာပါ။ ကိုယ်ချစ်ရသူနဲ့ ဘာလုပ်လုပ်မပျော်ရွှင်တော့ပါဘူး။ အတူရှိနေတဲ့အရသာကို မနှစ်သက်တော့ပါဘူး။ ဘာဖြစ်လို့လဲဆိုတော့ သူ့မှာပိုချစ်ရတဲ့လူတစ်ယောက်ရှိ လာလို့ပါ။

လျို့ဝှက်ချက်မရှ
တစ်ယောက်နဲ့တစ်ယောက် သစ္စာမဖောက်ဖျက်တဲ့လက္ခဏာတစ်ခုကတော့ လျို့ဝှက်ချက်မထားရှိတာပါ။ သူငယ်ချင်း ဘ၀မှာလည်း သူငယ်ချင်းအဆင့်အလျောက်၊ ချစ်သူဘ၀မှာလည်းချစ်သူအဆင့် အလျောက်၊ လင်မယားဘ၀မှာလည်း လင်မယားအလျောက်လျို့ဝှက်ချက်တွေက တဖြည်းဖြည်းပြေလျော့သွားရပါလိမ့်မယ်။ ဒါမှလည်း သူကိုယ့်အပေါ်သစ္စာတည်မြဲမယ်လို့ကိုယ့်ကိုယ်ကိုယ်ယုံကြည်နိုင်မှာ မဟုတ်ပါလား။

သူသာကိုယ့်အတွက်
သူ့မျက်လုံးတွေကိုသတိထားကြည့်ပါ။ ကိုယ့်အနားနားမှာရှိနေပါလျက် ပတ်ဝန်း ကျင်ကိုမျက်လုံးကစားတတ်သလားဆိုတာမျိုးပေါ့။ မျက်လုံးကစားတာကပြဿနာတော့မဟုတ်ပါဘူး။ ဒါပေမဲ့ကိုယ်မဟုတ်တဲ့ တခြားလူတစ်ယောက် အပေါ်သာယာမိ သွားတာတွေထဲမှာ မျက်ဝန်းအကြည့်က တစ်ခုအပါအ၀င်ဆိုတာမေ့ထားလို့မရပါဘူး။

အကြောင်းပြချက်မရှိ
လူတစ်ယောက်က သူ့ရဲ့တစ်နေ့တာ လှုပ်ရှားမှုအားလုံးကို သူ့ချစ်သူအပေါ် အစီအရင်ခံစရာမလိုပါဘူး။ ဒါပေမဲ့ မေးလာတဲ့အချိန်မှာတော့ ဘယ်သွားတယ်၊ ဘာလုပ်တယ်ဆိုတာတွေအပေါ်ရိုးသားဖို့လိုပါတယ်။ သူ့ရဲ့ဖြေရှင်းချက်တိုင်းမှာ သံသယ၀င်တဲ့ခံစားချက်ကင်းစင်နေဖို့လိုပါတယ်။

နှလုံးသားကိုယုံကြည်
လူတိုင်းမှာပြောပြလို့မရတဲ့ အာရုံခံစားမှုတစ်မျိုးရှိကြပါတယ်။ သူကြုံတွေ့ခဲ့တဲ့အတွေ့အကြုံတွေကို အခြေခံပြီး လက်ရှိတွဲနေတဲ့လက်တွဲဖော်ရဲ့နှလုံးသား ကိုခံစားကြည့်နိုင်ပါတယ်။ အဲဒီတော့ နှလုံးသားကိုအတတ်နိုင်ဆုံးယုံကြည်ပါ။ ဦးနှောက်နဲ့ အဆုံးအဖြတ်ပေးပါ။
Whitney
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment