ရုပ်ရှင်ရုံတွေက ရုပ်ရှင်ကြည့်တဲ့ ပရိသတ်တွေဆီကိုသွားရမယ်… လွင်မိုး












ရုပ်ရှင်ချစ်တဲ့ပရိသတ်တွေက ရုပ်ရှင်ရုံရှိတေဲ့နေရာတွေကို မလာနိုင်တော့ပါဘူး… ရုပ်ရှင်ရုံတွေက ရုပ်ရှင်ကြည့်တဲ့ ပရိသတ်တွေဆီကိုသွားရမယ်… လွင်မိုး

အဓိကတော့သဘောထားကွဲလွဲမှုတွေကို အခုလိုမျိုးပွင့်ပွင့်လင်းလင်းဆွေးနွေးရမှာပါပဲ။ ကျွန်တော် လည်းမကျေနပ်တဲ့အတွက်ကြောင့် အကယ်ဒမီဘုတ်အဖွဲ့ကနေ ပုဂ္ဂလိကခံစားချက်ကြောင့်နုတ်ထွက် လိုက်တာပါ။ ကျွန်တော်တို့လည်းဒါကို သေချာလေစိစစ်ပြီးရွေးချယ်ပါတယ်။ အဓိကတော့ ကျွန်တော့်တို့ မဲစနစ်နဲ့ပေးတာပဲဖြစ်ဖြစ်၊ အဖွဲ့အစည်းတစ်ခုက ရွေးချယ်ပြီးပေးတာပဲဖြစ်ဖြစ် အကယ်ဒမီကတော့ တကယ့်ကို ပြည်သူပြည်သားတွေရော၊ ပညာရှင်တွေရောက အကယ်ဒမီစံနဲ့ ညီတဲ့ဇာတ်ကားကို အကယ် ဒမီရစေချင်ကြတာပါ။

 ဒီနှစ်အကယ်ဒမီပွဲမှာ ဒါမျိုးတွေ ဒီလိုကွဲလွဲမှုရှိတဲ့အတွက် ကျွန်တော်လည်း နုတ်ထွက် လိုက်တာပါ။ ရုပ်ရှင်လောက အခုထက်ပိုတိုးတက်ဖို့ အတွက် အဓိကဖြေရှင်းရမယ့်ပြဿနာက ရုံကိစ္စတွေပါ။ ရုပ်ရှင်ချစ်တဲ့ပရိသတ်တွေကရုပ်ရှင်ရုံရှိတဲ့နေရာတွေကို မလာနိုင်တော့ပါဘူး။ အဲ့ဒီတော့ ကျွန်တော်တို့ရုပ်ရှင်ရုံ တွေဟာ ရုပ်ရှင်ကြည့်တဲ့ပရိသတ်တွေဆီကိုသွားရပါလိမ့်မယ်။ ဒီစနစ်ကို ကျွန်တော်တို့ပြန်ပြီး အကောင် ထည်ဖော်ရမှာပါ။ အစိုးရဘက်က ကူညီပေးနိုင်ဖို့ဆိုတာ ဒီအချိန်မှာ အစိုးရအနေနဲ့ဖျော်ဖြေရေးကဏ္ဍတွေ ကူညီပေးဖို့အခက်အခဲတွေ အများကြီးရှိဦးမှာပါ။ 

သူတို့မှာ ဒီထက်ပိုပြီဆိုးဝါးတဲ့အခြေအနေတွေကို ပြုပြင်ဖန်တီး နေရတဲ့အတွက် ဒါတွေကတော့ အချိန်ပေးရပါလိမ့် မယ်။ ရုပ်ရှင်လောသားတွေ အချင်ချင်းသဘောထား ကွဲလွဲလာကြတာ အကယ်ဒမီကြောင့်တစ်ခုတည်းတော့ ပြောလို့မရဘူးဗျာ။ အကယ်ဒမီဆိုတာကတော့ ရုပ်ရှင် ကားတွေဖန်တီးရာမှာ ဆုတံဆိပ်အဖြစ် ရွေးချယ်ပေးတာဖြစ်ပါတယ်။ 

ဒါဟာ အကယ်ဒမီရချင်တဲ့စိတ်ဓာတ်နဲ့ ကြိုးစားတဲ့သူတွေကိုလည်း ကျွန်တော်တို့က အသိမှတ် ပြုရမှာပါ။ အကယ်ဒမီမရခဲ့လို့ စိတ်ဝမ်းကွဲပြားတယ် ဆိုလို့ရှိရင်လည်း စိတ်ဝမ်းကွဲပြားရတဲ့ အခြေအနေတစ်ရပ်ကို ပွင့်ပွင့်လင်းလင်းဆွေးနွေးကြရမှာဖြစ်ပါတယ်။ ကျွန်တော်ကတော့ အဓိကဖြစ်ချင်တာ ခုဏပြောသလို ပြန်ပြောချင်ပါတယ်။ အစုအဖွဲ့တစ်ခုကပေးသည်ဖြစ်စေ၊ မဲစနစ်အရပေးသည်ဖြစ်စေ အဲ့ဒီဇာတ်ကား အကယ်ဒမီစံ နဲ့ကိုက်ညီတဲ့ ဇာတ်ကားတစ်ကားဖြစ်ဖို့အတွက် ကျွန်တော်တို့ ပြန်လည်စုဖွဲပြီးတော့ ဆက်လက်ပြီး ဖန်တီးသရုပ်ဆောင်ကြရမှာပါ။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment