အားလုံးသာဓုခေါ်နိုင်ပါတယ်… မေခလာ












ချစ်ငယ်နဲ့ ပရိသတ်ပြည်သူတွေလှူတဲ့အလှူမို့ အားလုံးသာဓုခေါ်နိုင်ပါတယ်… မေခလာ

ချစ်ငယ်တို့အလုပ်ကလည်း ဘောလုံးကန်သလိုပါပဲ။ Team Work ရှိမှအောင်မြင်မှာပါ။ ချစ်ငယ် တစ်ယောက်တည်း အဆိုကောင်းနေလို့မရပါဘူး။ အဆိုကောင်း၊ အတီးကောင်း၊ အရေးကောင်း၊ အား လုံးစုံညီမှအောင်မြင်ချင်ကရောက် ရှိမှာဖြစ်ပါတယ်။ ချစ်ငယ် အခုလို လှူဒါန်းနိုင်တယ်ဆိုတာကလည်း ချစ်ငယ် နာဂစ်မတိုင်မီကကတည်းက လှူဖို့ငွေစုထားတာဆိုရင် ၇ နှစ်ကျော်၈နှစ်လောက်ရှိသွားပါပြီ။ ဒါတွေအားလုံးကလည်း ချစ်ငယ်တစ်ယောက်တည်းအလှူမဟုတ်ပါဘူး။ ချစ်ငယ်နဲ့ပရိသတ်လှူတဲ့အလှူပါ။ ပြည်သူတွေက ချစ်ငယ်ကိုချစ်လို့၊ ပရိသတ်က ချစ်ငယ်ကိုချစ်လို့ ပရိသတ်ကပေးတဲ့ ပိုက်ဆံလေးတွေကိုချစ်ငယ် အမြဲတမ်းစုထားပါတယ်။ အဲ့ဒီပိုက်ဆံတွေကအရမ်းဖြူစင်တယ်။ တဏှာစိတ်နဲ့ ပေးတာမဟုတ်ဘူးနော်။

 ချစ်ငယ်ကို “ဟယ် မေခလာကို ချစ်တယ်ဆိုပြီး လာပေးကြတာ။ အဲ့ဒီပိုက်ဆံတွေ ချစ်ငယ်ဆုထားတာ လှူဖို့တန်းဖို့ အမြဲတမ်းဖယ်ထားပါတယ်။ အဲ့ဒီဖယ်ထားတဲ့ ပိုက်ဆံနဲ့ ချစ်ငယ်လှူနိင်တဲ့အတွက်ကြောင့် ပြည်သူအားလုံးတို့သည် ပြည်သူထံမှ ပြည်သူထံသို့လို့ ချစ်ငယ် ဒီ ဆောင်ပုဒ်လေးကို ယူဆောင်ထား ပါတယ်။ ဒီအတွက်ကြောင့် ချစ်ငယ်တစ်ယောက်တည်း ချွေးနည်း စားမဟုတ်ပါဘူး။ ပရိသတ်တွေရဲ့ ချွေးနည်းစားလည်းပါပါတယ်။ ဒါကြောင့် ဒီအလှူအကြောင်းလေး ကိုမီဒီယာတွေကနေတစ်ဆင့် စာစောင်တွေမှာ တွေ့လို့ဖတ်မိရင် သာဓုခေါ်နိုင်ပါတယ်လို့ချစ်ငယ်ပြော ချင်ပါတယ်။

 ဒီအလှူဟာ ချစ်ငယ်နဲ့ ပြည်သူတွေရဲ့အလှူပါ။ ချစ်ငယ် လှူမယ့်နေရာတွေကတော့ ဘုန်းဘုန်း ပညာမြေကျောင်းမှာ ကလေးအယောက်ပေါင်း၅၀၀ကျော်ရှိတယ်။ အဲဒီကလေးတွေအတွက် ကျောင်း မှာလိုအပ်တာလှူမယ်။ စိတ္တသုခ နာရေးကူညီမှူအသင်း၊ ကိုကျော်သူရဲ့ ပရဟိတ၊ အောင်တော်မူဘုရားကြီး နဲ့ MCF လူငယ်တွေဖွဲ့ထားတဲ့ ပရဟိတအသင်းတွေကိုလှူဒါန်းသွားမှာပါ။ ချစ်ငယ်သီချင်းဆိုတဲ့အခါ ဆုပေး တဲ့ပိုက်ဆံတွေကို ချစ်ငယ်သပ်သပ် ဘုရားမှာလှူတာ။ ချစ်ငယ်ကို ချစ်လို့ဆုကြေးတွေလာပေးတယ်။ အဲ့ဒီပိုက်ဆံတွေကို ချစ်ငယ်ရောက်တဲ့ဘုရားတွေကိုလှူတယ်။ 

အချို့ပိုက်ဆံလေးတွေဆိုဟောင်းနွမ်းနေတာပဲ။ တစ်ထောင်တန်လေးတွေ၊ နှစ်ရာတန်လေးတွေ၊ တစ်ရာတန်လေးတွေလည်းပါတယ်။ အဲ့ဒါအားလုံးကို ချစ်ငယ် စုစုပြီးတော့ ရောက်တဲ့ဘုရားတွေမှာ ပရိသတ်ကြီးအတွက် လှူပေးတယ်။ အခုဒီလိုမျိုးလှူတဲ့အလှူကတော့ ချစ် ငယ်သီချင်းဆိုခ၊ သရုပ်ဆောင်ခရတဲ့ပိုက်ဆံတွေနဲ့ချစ်ငယ်ဆေးဖို့ သုံးဖို့ အမြဲတမ်းဖယ်ပြီးတော့ လှူတဲ့ အလှူလေးပါ။ အဲ့ဒီတော့ ဒီအလှူက ပြည်သူတွေရဲ့အလှူပါ။ ကိုယ်ချင်းစာနာစိတ်နဲ့ အခုလိုလှူဖြစ်ခဲ့တာပါ။ 

ငါသာသူတို့နေရာမှာဆိုရင် ဆိုတဲ့စိတ်ကလေးနဲ့လှူခဲ့တာပါ။ ချစ်ငယ်ကကိုယ့်အသက်အရွယ်အလိုက် မှန်းပြီးဘယ်လောက်ဘယ်လောက်ဆိုပြီးလုပ်တာပေါ့။ ချစ်ငယ်လိုချင်တာ ၅၃သိန်းရယ်မဟုတ်ဘူး။ သိန်း ၅၀ကျော်မဟုတ်ဘူး။ သိန်း၅ထောင် ကျော်မဟုတ်ဘူး။ ဘယ်လောက်ပဲဖြစ်ဖြစ်လှူတဲ့စိတ်ကလေးကိုလို ချင်တာ။ ဘယ်လောက်ပဲဖြစ်ဖြစ် လှူဆိုတဲ့ သဒ္ဒါစိတ်ကလေးက အရေးကြီးပါတယ်။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment