သန်လျင်ဘိုးဘွားရိပ်သာမှာ မွေးနေ့အလှူလုပ်ခဲ့တယ်… မင်းသွေး







ဒီလ၂၁ရက်နေ့က ကျွန်တော့်ရဲ့မွေးနေ့ပေါ့။ မွေးနေ့မှာ ရိုးရာယဉ်ကျေးမှုအတိုင်းအဘိုးအဘွားတွေကို အလှူသွားလုပ်ပါတယ်။ ကျွန်တော့်ရဲ့မွေးနေ့အလှူဆိုပေမယ့်လည်း ပရိသတ်တွေရဲ့အလှူဆိုလည်းမမှားပါဘူး။ မွေးနေ့အခြားအစီအစဉ်အသစ်တွေတော့မရှိပါဘူး။ မွေးနေ့မှာ ကိုယ့်ပရိသတ်တွေနဲ့အတူ အလှူလုပ်တယ်။ သူငယ်ချင်းတွေနဲ့ပျော်ပျော်ရွှင်ရွှင်ဖြတ်သန်းပါတယ်။ သန်လျင်မှာရှိတဲ့ သဘာဝတရားရိပ်သာက ဘိုးဘွားတွေကိုအလှူဒါနပြုတယ်။ ပြီးတော့ရေလယ်ကျောက်တန်းဘုရားမှာလည်း ဘုရားဖူးလာတဲ့ ဧည်သည်တွေကို အအေးနဲ့မုန့်တွေ လှူဒါန်းခဲ့ပါတယ်။ အနုပညာလှုပ်ရှားမှုတွေနည်းတယ်ဆိုတာကလည်း ဂီတဘက်ကိုနည်းနည်းဦးစားပေးလုပ်နေတာကြောင့်လည်းပါပါတယ်။ မကြာခင်မှာရုံတင်ပြသတော့မယ့် ကြောက်ကြောက်ကြောက် ရုပ်ရှင်ဇာတ်ကားကြီးရိုက်ကူးထားပါတယ်။ ရိုက်ကူးမှုတွေလုပ်ဖို့ကတော့ရှိပါတယ်။ ဂီတနဲ့သရုပ်ဆောင်ဘက်ကိုတော့ မျှတအောင်လုပ်သွားမှာပါ။ အခုချိန်မှာတော့ လူမူရေးပရဟိတလုပ်ငန်းတွေ ပိုလုပ်ချင်စိတ်ဖြစ်နေပါတယ်။ ပရဟိတအလုပ်ကတော့ကြုံရင်ကြုံသလို မကြာခဏလုပ်ဖြစ်ပါတယ်။ အခုမွေးနေ့ အလှူလုပ်တာကလည်း ပရဟိတအလှူလုပ်တာပါပဲ။ ကျွန်တော့်မွေးနေ့အတွက် ဆုတောင်းပေးကြတဲ့ ပရိသတ်တွေအားလုံးကို အထူးကျေးဇူးတင်ပါတယ်ဗျာ။
---
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်


Share on Google Plus

0 comments:

Post a Comment