ဈေးကြီးကြီးကိုပဲ ဆေးအစစ်လို့ ပြောတာကိုပဲ မတန်တဆပေးပြီးတော့ ၀ယ်သုံးရတယ်။ ကျွန်တော်တို့မှာ ဈေးဆစ်ပိုင်ခွင့်လည်းမရှိဘူး သက်သာစရာအကြောင်းလည်း မရှိဘူး။ သူတို့ကလည်း ဒီဆေးတွေဟာ နိုင်ငံတော်က သတ်မှတ်ထားတဲ့ဆေးမဟုတ်ဘူးဗျာ။ ... မိုးဒီ


 ဆေးဖိုးကတော့ မတန်တဆ ကုန်တယ်ဗျာ။ ကုန်တယ်ဆိုတဲ့နေရာမှာ ဒီအကြောင်းတွေ ပြောပြရင် ကျွန်တော်စော်ကားသလိုဖြစ်မှာတော့ စိုရိမ်တယ်။ စော်ကားလိုစိတ်နဲ့ပြောတာတော့မဟုတ်ပါဘူး။ တကယ် ကြုံတွေ့နေကြတာကို ပြောပြချင်တာပါ။ ဆေးကုမ္ပဏီတွေကနေပြီးတော့ သူတို့ဆေးတွေ သွင်းလာတယ်။ သူတို့ဆေးတွေကို ဆရာဝန်ကြီးများကို သူတို့က ကန်တော့နည်းမျိုးစုံ ကန်တော့ပြီး သူတို့ထုတ်တဲ့ဆေးတွေကိုညွှန်ကြားသုံးစွဲဖို့လူနာတွေကိုညွှန်ကြားတယ်ပေါ့ဗျာ။ အဲဒီတော့ဆရာဝန်ကြီးတွေကလည်း ညွှန်ကြားပေး တယ်။ အဲဒီဆေးတွေပေါ်မှာ ဆရာဝန်ကြီးတွေက သူတို့ပညာနဲ့ ဆုံးဖြတ်လေ့လာပြီး ဒီဆေးကိုတော့ သုံးစွဲပါလို့ ကျွန်တော်တို့လူနာတွေကို ညွှန်ကြားလိုက်တယ်။ ညွှန်ကြားလိုက်တဲ့အခါ ကျွန်တော်တို့က ဆရာဝန်ကြီး ရေးပေးလိုက်တဲ့ လက်မှတ်နဲ့ညွှန်ကြားတဲ့ဆေးဆိုင်မှာ သွားဝယ်ရတယ်။ အဲဒီလို သွားဝယ်တဲ့အခါမှာ ကျွန်တော် တို့လို လူနာတွေမှာ ဒီဆေးအပေါ်မှာ ဈေးဆစ်ခွင့်မရှိဘူးဗျာ။ ကျွန်တော်တို့ လူနာတွေမှာ လိုချင်တဲ့ဆေးကို သူ တို့ သတ်မှတ်တဲ့ ဈေးအတိုင်းပေးဝယ်ရတယ်။ ဒီမှာ ကျွန်တော်သိလာတာက တစ်ဆိုင်နဲ့တစ်ဆိုင် ဈေးနှုန်းက မတူဘူးဗျာ။ နောက်တစ်ဆိုင်သွားတဲ့အခါမှာ ဈေးနှုန်းကပိုကြီးလာတယ်။ ကျွန်တော်တို့က ဈေးကြီးလို့ ပြောတဲ့အခါ သူတို့က ဈေးသက်သာတာတွေက အတုတွေဖြစ်မှာ ဒါတွေကအစစ်။ ဆေးအစစ်မို့ ဈေးပိုကြီး တာလို့ သူတို့ကပြောကြတယ်။ ဒီတော့ ကျွန်တော်တို့လို လူနာတွေမှာ ဆေးအတုဖြစ်မှာ ကြောက်လို့ ဈေးသက်သာတဲ့ဆေးကိုလည်း မ၀ယ်ရဲဘူး။ ခုနဈေးကြီးကြီးကိုပဲ ဆေးအစစ်လို့ ပြောတာကိုပဲ မတန်တဆ ပေးပြီးတော့ ၀ယ်သုံးရတယ်။ ကျွန်တော်တို့မှာ ဈေးဆစ်ပိုင်ခွင့်လည်းမရှိဘူး သက်သာစရာအကြောင်းလည်း မရှိဘူး။ သူတို့ကလည်း ဒီဆေးတွေဟာ နိုင်ငံတော်က သတ်မှတ်ထားတဲ့ဆေးမဟုတ်ဘူးဗျာ။ နိုင်ငံခြားကနေ တင်သွင်းလာတဲ့ ဆေးမျိုးစုံတွေပေါ့။ အဲလိုဝင်လာတဲ့ ဆေးတွေကို ကျွန်တော်တို့ကနားမလည်ဘူး။ အဲဒီလို ကျွန်တော်တို့က နားမလည်တဲ့အပေါ်မှာ သူတို့ကသတ်မှတ်ချင်တဲ့ဈေးနှုန်း သတ်မှတ်ကြတယ်။ ဒီတော့ ဆေး ကုမ္ပဏီကြီးတွေကိုပြန်ကြည့်ရင် သူတို့ကိုကျေးဇူးတင်ရမလား။ သူတို့တွေဒီလိုလုပ်ပေးလို့ပဲ ကျွန်တော်တို့ တစ်တွေ ကျန်းမာရေးအတွက် ကောင်းတယ်ပြောရမလား။ ဒါမှမဟုတ် ဆေးကုမ္ပဏီကြီးတွေ သူတို့ချမ်းသာနေတာ ကျွန်တော်တို့ဆင်းရဲသားတွေရဲ့ ပိုက်ဆံဆေးဖိုးခတွေနဲ့ ချမ်းသာနေသလားလို့ တောင်ထင်ရတယ်ပေါ့။ ဒီတော့ ဘယ်လိုဆက်ပြောရမှန်းမသိပါဘူးဗျာ။ အဲ့ဒီလိုတန်ဖိုးကြီးတဲ့ဆေးတွေ သုံးနေရတဲ့အတွက် ကျွန်တော်တို့မှာ ဆေးဖိုးတွေပိနေတယ်ဗျာ။ အဲ့ဒီဆေးဖိုးတွေကာမိအောင် ကြိုးစားပြီး ဇာတ်ကားတွေ ရိုက်နေရတာပေါ့ဗျာ။

---

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်


Share on Google Plus

0 comments:

Post a Comment