အနုပညာဖန်တီးမှုက လူတွေအပေါ်မှာ ဘယ်လောက်ထိထင်ဟပ်စေတယ်ဆိုတာပဲ…နေတိုး









အပြင်မှာမရှိတိုင်းမလုပ်ရဘူးဆိုတာလည်းမဟုတ်ဘူး… ရှိတိုင်းလည်းလုပ်ပြစရာမလိုဘူး…အဓိကအနုပညာဖန်တီးမှုက လူတွေအပေါ်မှာ ဘယ်လောက်ထိထင်ဟပ်စေတယ်ဆိုတာပဲ…နေတိုး

အရှင်းဆုံးပြောရရင် ကျွန်တော်တို့က အကြောင်းအရာတစ်ခုကို ရိုက်ပြတဲ့အချိန်မှာရည် ရွယ်ချက်ကိုပရိသတ်ကိုအရင်ပေးနိုင်အောင် ဥပမာ အားဖြင့်စောစောကပြောသလို အပြင်မှာလုပ်လို့ ရတယ်ဆိုပေမယ့် ဇာတ်ကားထဲမှာလည်းလုပ်လို့မရတဲ့ဟာတွေရှိတယ်။ အပြင်မှာ တကယ်ဖြစ်နေတာကို ရုပ်ရှင်ထဲမှာ ရိုက်ပြခွင့်မရတာမျိုးရှိတယ်။

ပက်ပက်စက်စက်ဇာတ်လမ်းက မိုးစက်နဲ့လိုက်တယ်။ သူ့ရဲ့ရုပ်ရည်၊ အနေအထား၊ အရပ်အမောင်း အဲလိုမျိုးနဲ့ဒီဇာတ်ကောင်နဲ့လိုက်တယ်ပေါ့။ လိုက်တဲ့အခါကျတော့ စတူဒီယိုထဲမှာ Setting ပိုင်းတွေလုပ်တဲ့ အချိန်မျိုးမှာ တကယ့်ပရော်ဖက်ရှင်နယ်တစ်ယောက်လို သရုပ်ဆောင်ရမယ့် အခန်းကဏ္ဍတွေပါတယ်။ အဲဒီအခန်းကဏ္ဍလေးတွေကိုတော့ ကျွန်တော်တို့က မိုးစက်နဲ့ပတ်သက်ပြီးတော့ပါဝင်ရမယ့် ဇာတ်ဝင်ခန်းတွေ ကို Setting တွေလုပ်ပြီးတော့ ကျွန်တော်တို့က အတတ်နိုင်ဆုံးပရိသတ်ဆီကို ရောက်တဲ့အချိန် ဒီဇာတ်ကောင်နဲ့အံဝင်ခွင်ကျဖြစ်အောင် ကြိုးစားဖို့သူ့ကိုလည်းပြောထားတယ်။

 Media 7 အပါအ၀င် ကိုသားညီတို့ကလည်း အချိန်ပေးပြီး သူ့ရဲ့အိုက်တင်နဲ့ပတ်သက်ပြီးတော့ လုပ်သွားဖို့ရှိတယ်။ အကောင်းဆုံး ကားတစ်ကားဖြစ်အောင် ကျွန်တော်တို့ကြိုးစားကြမှာပါ။ ဇာတ်လမ်းအရ ကျွန်တော်တို့အတွေ့အကြုံအရပြော ရမယ်ဆိုရင် ဒီပက်ပက်စက်စက် ဇာတ်လမ်းက မြန်မာပရိသတ်တွေ ကြိုက်မယ့်ဇာတ်လမ်းအမျိုးအစားပေါ့။ ပရိသတ်ရင်ထဲကို ရင်ခုန်စိတ်လှုပ်ရှားမှုတွေ ပရိသတ်ကြိုက်နှစ် သက်တဲ့ဘ၀တွေနဲ့သရုပ်ဆောင်မှုပုံစံက အရှင်းဆုံးပြောရရင် အပြင်မှာရှိနေတိုင်း အနုပညာတစ်ခုဖော်ကျူးလို့မသင့်တာမျိုးလည်းရှိတယ်။

 အဲဒီအခါကျတော့ ဆင်ဆာအနေနဲ့ကန့်သတ်တယ်ဆိုတာဖြစ်နိုင်တယ်။ အဲဒီလိုမျိုးပဲအပြင်မှာလည်းရှိတယ်။ ဒီဟာသည် ကြည့်တဲ့သူတွေအတွက်ရော ဖန်တီးတဲ့သူတွေရောအကျိုးရှိစေမယ်။ အသိတစ်ခုရလာမယ်။ ရသ ပိုင်းအရပျော်ရွှင်သွားစေမယ်။ အဲလိုမျိုးအကြောင်းအရာအများကြီးရှိတယ်။ သူပေးချင်တဲ့ Message ပေါ်မူတည်နေတယ်လို့မြင်တယ်။ အကြောင်းအရာမရှိဘဲ ပရိသတ်စိတ်ဝင်စားရင်ပြီးရောဆိုပြီး မလုပ်စေ ချင်ဘူး။ အဓိကကတော့ အနှစ်သာရကိုပရိသတ်ကိုတိတိကျကျပေးနိုင်မယ့် Message မျိုးစောစော ကပြောသလို သူတို့လိုချင်နေတဲ့ ဆင်ဆာလမ်းကြောင်းဆိုတာမရှိဘူး။ 

ဥပမာအားဖြင့် အပြင်မှာမရှိဘဲ ရုပ်ရှင်ထဲမှာပဲရှိတဲ့ အကြောင်း အရာဖြစ်ပါစေ။ သဘာဝမကျတဲ့ဟာမျိုးဖြစ်ပါစေ။ Batman, Superman အပြင်မှာမရှိဘူး။ ဒါပေမဲ့ သူဟာရုပ်ရှင်တစ်ခုအရ ကလေးတွေရဲ့အင်အားဖြစ်စေတယ်။ နောက်ပြီးတော့ Entertainment ဖြစ်တယ်ဆိုတော့ အပြင်မှာမရှိတိုင်း မလုပ်ရဘူးဆိုတာလည်းမဟုတ်ဘူးရှိတိုင်းလည်းလုပ်ပြစရာမလိုဘူး။ အဓိကအနုပညာဖန်တီးမှုက လူတွေအပေါ်မှာ ဘယ်လောက်ထိထင်ဟပ်စေတယ်။ ဒါကအရေးကြီးဆုံးပဲ။  
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment