Apple ရဲ့ Portrait Mode










Apple ရဲ့ Portrait Mode 

iPhone 7 Plus ကို iOS 10.1 ကို မြှင့်တင်လိုက်ပြီဆိုရင် ကင်မရာ Mode မှာ Portrait Mode ကိုတွေ့မြင်ကြရတော့မှာဖြစ်ပြီး iPhone နဲ့အတူတကယ် Pro ဆန်တဲ့ ဓာတ်ပုံတွေ ရိုက်ကူးနိုင်တော့မှာဖြစ်ပါတယ်…

ပြီးခဲ့တဲ့ စက်တင်ဘာလတုန်းက Apple ဟာ သူ့ရဲ့နောက်ဆုံးမျိုး ဆက်သစ် iPhone တွေဖြစ်တဲ့ 7 နဲ့ 7 Plus တို့ကို ပွဲထုတ်ခဲ့စဉ်တုန်းက သူ့ရဲ့ စမတ်ဖုန်းတွေဟာ DSLR ကင်မရာတွေကို အံတုနိုင်တော့မယ်လို့ ကတိစကားဆိုခဲ့ပါတယ်။ အခုအချိန်မှာတော့ အဲဒီကတိဟာ ကျွန်တော် တို့ဆီရောက်ရှိလာခဲ့ပါပြီ။ 

ကင်မရာအသုံးပြုထားတဲ့ မျိုးဆက်သစ် iPhone 7 Plus ကို iOS 10.1 ကို မြှင့်တင်လိုက်ပြီဆိုရင် ကင်မရာMode မှာ Portrait Mode ကို တွေ့မြင်ကြရတော့မှာဖြစ်ပြီး iPhone နဲ့အတူ တကယ် Pro ဆန်တဲ့ ဓာတ်ပုံတွေ ရိုက်ကူးနိုင်တော့မှာဖြစ်ပါတယ်။

တကယ်တော့ ဒီ Portrait Model ဟာ Beta အဆင့်သာရှိပါသေးတယ်။ ကိုယ်အထူးပြုရိုက်ကူးချင်တဲ့ အရာဝတ္ထုရဲ့အလင်းအမှောင် အတိမ်အနက်ကိုအတိအကျဖမ်းယူပြီး ကျန်တဲ့နောက်ခံ Background ကို သိသိသာသာ ခြားနားပေးလိုက်တဲ့ ဒီလုပ်ဆောင်ချက်ဟာ အံ့သြစရာ ကောင်းလောက်အောင် ကောင်းမွန်နေပါတယ်။

 ပိုပြီးထူးခြားတာက Apple ဟာ ဒီနည်းပညာကိုအဓိကကျတဲ့ Hard ware (Lens)  တွေပေါ်မှာအခြေပြု ထားတာမဟုတ်ဘဲ iOS 10 (Software) စနစ်ကိုအခြေပြုထားတဲ့အချက်ပါပဲ။ ဒါကိုကြည့်ခြင်းအားဖြင့် 7 Plus ရဲ့နောက်ထပ်စွမ်းဆောင် ချက်အသစ်တွေကို iOS Version Upgrade တွေနဲ့အတူတွေ့မြင်ရဖို့ မျှော်လင့်နိုင်ကြမှာဖြစ်ပါတယ်။

Apple ရဲ့ အဆိုကတော့ Portrait Mode နဲ့ ရိုက်ကူးမယ်ဆိုရင် ရိုက်ကူးချင်တဲ့ အရာဝတ္ထုရဲ့ အကွာအဝေးဟာ စမတ်ဖုန်းနဲ့အနည်းဆုံး ၁၉ လက်မအကွာအဝေးမှာ ရှိနေရမယ်လို့ဆိုပါတယ်။

လတ်တလောစမ်းသပ်ချက်အရတော့ Apple ရဲ့ Portrait Mode နဲ့ ရိုက်ကူးထားတဲ့ ဓာတ်ပုံတွေကို အခြားကင်မရာအသားပေးထိပ်တန်း စမတ်ဖုန်းတွေဖြစ်တဲ့ HTC One M8, Huawei Honor 8, Google Pixel အစရှိတဲ့ ဖုန်းတွေရဲ့ပုံတွေနဲ့ နှိုင်းယှဉ်ကြည့်တဲ့အခါမှာ ပိုပြီးသာလွန်ကောင်းမွန်နေတာ ကိုတွေ့ရှိခဲ့ကြပါတယ်။ ဒါကြောင့် iPhone 7 Plus ပိုင်ရှင်တွေအဖို့ iOS 10.1 ကို မြန်မြန်ဆန်ဆန်လေး မြှင့်တင်ကြဖို့တိုက်တွန်းလိုပါတယ်။
မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 

Share on Google Plus

0 comments:

Post a Comment