REFLECTIOBN ထဲကတချို့ Scence တွေဆိုရင်အစားထိုးမပါဘူး…















REFLECTIOBN ထဲကတချို့ Scence တွေဆိုရင်အစားထိုးမပါဘူး… ကိုယ်တိုင်ထိုးတာမျိုးတွေ ဖိုက်တင်ချရတာမျိုးဆိုတော့ ဒူးပွန်းတာတို့အညိုအမည်းစွဲတာမျိုး မတော်တဆဒဏ်ရာမျိုးတွေလည်း ရပါတယ်… ဝတ်မှုံရွှေရည်
          အနုပညာလောကမှာ အောင်မြင်မှုတွေရနေတဲ့ အကယ်ဒမီဝတ်မှုံရွှေရည်ဟာ သုဒြာရုပ်ရှင် ထုတ်လုပ်ရေးကရိုက်တဲ့ REFLECTION ရုပ်ရှင်ဇာတ်ကားမှာဖိုက်တင်ချတဲ့ အခန်းတွေကိုလူစားမထိုးဘဲ ဝင်ရိုက်ခဲ့တာဖြစ်ပြီးလက်ရှိသရုပ်ဆောင်အပြင်အခြား အနုပညာအသစ်အကြောင်းနဲ့ သူ့ရဲ့အနုပညာ အကြောင်းတွေနဲ့ပက်သက်လို့ချစ်သူသာပန်းတစ်ပွင့်ဖြစ်ခဲ့လျှင်ရုပ်ရှင်ကန်တော့ပွဲပေးပွဲအခမ်းအနားမှာ ဝတ်မှုံရွှေရည်နဲ့တွေ့ဆုံခိုက်မေးမြန်းခဲ့သမျှ Shape အနုပညာဂျာနယ်ဖတ်ပရိတ်သတ်အတွက် ရေးသားတင်ဆက်ပေးလိုက်ပါတယ်။ 

          ဒီဇာတ်ကားမှာသရုပ်ဆောင်ရမယ့် ကာရိုက်တာကဘယ်လိုဇာတ်ရုပ်မျိုးလဲ
ချစ်သူသာပန်းတစ်ပွင့်ဖြစ်ခဲ့လျှင်ဆိုတဲ့ဇာတ်ကားမှာတော့အင်းလေးသူကောင်မလေးမလေးရှင်ဆိုတဲ့ဇာတ်သရုပ်အတိုင်းသရုပ်ဆောင်ရမှာပေါ့နော်။ ဇာတ်ရုပ်အံဝင်အောင်သရုပ်ဆောင်ရမှာပါ။ 

          အင်းလေးသူတစ်ယောက်ဆိုတော့ဖက်ရှင်ဒီဇိုင်းက မြန်မာဆန်ဆန်လေးဝတ်ပြီး သရုပ်ဆောင်ရ မှာလား။
          မြန်မာဆန်ဆန်ဆိုတာထက်ဒီကောင်မလေးရဲ့ကာရိုက်တာကအရမ်းတော့ မြန်မာမဆန်ဘူးပေါ့။ ဒါပေမဲ့ အင်းလေးသူတွေရဲ့ဝတ်စားဆင်ရင်မှုမျိုးတော့ သဘာဝကျအောင် အင်းလေးသူပုံပေါက်အောင် ဖက်ရှင်ပိုင်းကို ဂရုစိုင်သွားမှာပါ။ ဒီကောင်မလေးပုံစံကသူ့အစ်ကိုနှစ်ယောက်ရဲ့ အုပ်ထိန်းမှုအောင်မှာနေရ တဲ့ချုပ်ချယ်ခံရတဲ့ကောင်မလေးပုံစံမျိုးပေါ့။ 

          နာမည်ကြီးစာရေးဆရာမပုညခင်ရဲ့ဝတ္ထုဆိုတော့ ညီမအတွက်ဘယ်လောက်ထိတာဝန်ကြီးစေလဲ ဘယ်လိုအပိုင်းကိုအဓိကပြင်ဆင်သွားမလဲ
          တာဝန်ကတော့ကြီးပါတယ်။ ဘာလို့လဲဆိုတော့ အကုန်လုံးကလည်းရိုက်ကူးမှုအပိုင်မှာလည်း အားလုံးအပြည့်အဝသေသေချာချာငွေကုန်ကြေးကျခံပြီးတော့လည်းပြင်ဆင်ထားကြတယ်။ ကစ်အပိုင်း ကလည်းကစ်အပိုင်းကိုတာဝန်ကျေအောင်သရုပ်ဆောင်ရမှာပေါ့နော်။ ပြင်ဆင်မှုအပိုင်းမှာတော့ အင်းလေးသူလေ သံပေါက်အောင်အဓိကပြင်ဆင်ရမှာပေါ့။ 

          REFLECTION ရုပ်ရှင်ဇာတ်ကားရိုက်ကူးမှုမှာ ဖိုက်တင်ချတဲ့ အခန်းတွေပါတယ်ဆိုတော့ ထိခိုက် မှုတွေရှိလားပင်ပန်းနေလား။
          ပင်ပန်းတာပေါ့။ အရမ်းပင်ပန်းပါတယ်။ ဖိုက်တင်အနေနဲ့အတွေ့အကြုံကလည်းမရှိဘူးလေ။ ကစ်က ဒီကားမှာပထမဆုံးဖိုက်တင်ရိုက်ရတာပေါ့။ ပြီးတော့တချို့ Sence တွေဆိုရင် အစားထိုးမပါဘူး။ ကိုယ်တိုင် ထိုးတာမျိုးတွေ ဖိုက်တင်ချရတာမျိုးဆိုတော့ ဒူးပွန်းတာတို့ အညိုအမည်းစွဲတာမျိုးမတော်တဆ ဒဏ်ရာ မျိုးတွေတော့ရပါတယ်။ ဒီဇာတ်ကားမှာ ကစ်ကာရိုက်တာကိုတော့ကြိုမပြောပြတော့ဘူး၊ ဘာလို့လဲဆိုတော့ ပရိတ်သတ်သိသွားမှာစိုးလို့ပါ။ 

          သရုပ်ဆောင်အလုပ်အပြင်အခြားအနုပညာအသစ်တစ်ခုအနေနဲ့ဘာလုပ်ချင်လဲ၊ ဘာဝါသနာပါလဲ
          လုပ်ချင်တာပေါ့။ ကစ်ပန်ချီလည်းဆွဲချင်တယ်။ ပန်းချီလည်းဝါသနာပါတယ်။ ဒါပေမဲ့အချိန်မပေးနိုင် ဘူးဖြစ်နေတယ်။ လောလောဆယ်တော့ အခြားအနုပညာတစ်ခုကိုလုပ်ဖို့မဖြစ်နိုင်သေးဘူး။ သေချာတာ ကတော့နောက်ထပ်အနုပညာအတစ်တစ်ခုထပ်လုပ်ဦးမှာပါ။ 

          လက်ရှိအချိန်အထိအောင်မြင်မှုကိုထိန်းထားနိုင်တဲ့ကစ်ရဲ့လျှို့ဝှက်ချက်ကဘာလဲ၊ ကိုယ့်ရဲ့လက်ရှိအောင်မြင်မှုအပေါ်ကျေနပ်အားရလား…
          ကိုယ့်အောင်မြင်မှုကို ကျေနပ်တာထက် ကိုယ်လုပ်တဲ့အလုပ် အပေါ်မှာလေးစားတယ်ပေါ့နော်။ ကိုယ့်အလုပ်ကို သစ္စာရှိရတယ်။ လေးလေးစားစားနဲ့လုပ်ရတယ်။ ကိုယ့်ပရိတ်သတ်တွေကို လေးစားတယ်ပေါ့နော်။ချစ်တယ် တန်ဖိုးထားတယ်ပေါ့။ အဓိကတော့ ကိုယ်ရောင်နေတဲ့နေရာထက်ကို ကိုယ့်အလုပ်ကိုကိုယ်အမြဲတန်ဖိုးထားတယ်။ ဒီလိုမအောင်မြင်ခင်ကလည်းဒီစိတ်ပဲ၊ အနုပညာပေါ် ချစ်တဲ့စိတ်ကတော့အမြဲဘယ်တော့မှမပြောင်းဘူး။ ဒီအတိုင်းပဲ။ အခြားဘာလျှို့ဝှက်ချက်မှမရှိဘူး။ 

          ကာရိုက်တာတွေနဲ့ပက်သတ်ရင်ညီမသရုပ်မဆောင်ဖူးသေးတဲ့ ဇာတ်ရုပ်မျိုးတွေရှိသေးလား…
          ရှိပါတယ်။ ဇာတ်လမ်းတွေကတော့ ကစ်မလုပ်ဖူးတဲ့ဇာတ်ရုပ်တွေဆိုရင်လည်း အများကြီးရှိပါသေးတယ်။ ဒါပေမဲ့ အခုလောလောဆယ်ကစ်ရိုက်နေတဲ့ရုပ်ရှင်တွေရိုက်ခွင့်ရနေတဲ့ ဇာတ်လမ်းတွေကလည်း ကစ်ရိုက်ချင်တဲ့ဇာတ်ရုပ်တွေပါပဲ။ 
 
          ကစ်ရဲ့ပရိသတ်တွေအတွက်ပြောချင်တဲ့စကားလက်ဆောင်
          ချစ်သူသာ ပန်းတစ်ပွင့်ဖြစ်ခဲ့လျှင်ဇာတ်ကားလေးကို အကောင်းဆုံးဖြစ်အောင် ကြိုးစားပါ့မယ်။ ရုံတင်ရင်လည်းအားပေးပါဦး။ အခြားအနုပညာ လှုပ်ရှားမှုတွေလည်းလုပ်ထားပါတယ်။ တခြားဇာတ်လမ်းတွေလည်းရိုက်ထားပါသေးတယ်။ အဲဒီကားတွေလည်းအားပေးပါလို့ဝေဖန်ပါလို့ပြောချင်ပါတယ်။ အမြဲတမ်းကစ်ကိုအားပေးနေတဲ့ ပရိသတ်ကို အမြဲတမ်းအမြဲတမ်းကျေးဇူးတင်နေပါတယ်။

Share on Google Plus

0 comments:

Post a Comment