Samsung ပရိသတ်အတွက် အကြိုက်တွေ့စေမယ့်Galaxy A5 2017






ဒီတစ်ပတ်ဖော်ပြပေးချင်တာကတော့ Samsung ရဲ့ အမာခံပရိသတ်တွေအတွက် မိုးရာသီမှာ အကြမ်းပတမ်းအသုံးပြုနိုင်မယ့်Galaxy A5 (2017)  စမတ်ဖုန်းပဲဖြစ်ပါတယ်။ ဒီဖုန်းဟာ ပြည်တွင်းဈေးကွက်မှာအရောင်းသွက်ပြီး လူကြိုက်များတဲ့စမတ်ဖုန်းတစ်လုံးဖြစ်သလို မိုးရာသီမှာပေါ့ပေါ့ပါးပါးအကြမ်းခံအသုံးပြုနိုင်ဖို့ ထုတ်လုပ်ထားတဲ့ဖုန်းတစ်လုံးဖြစ်ပါတယ်။ ဖုန်းရဲ့မျက်နှာပြင်အရွယ်အစားက 5.2" ရှိပြီး အရည်အသွေးက 1080x1920 (Full HD) အရည်အသွေးရှိတာကြောင့် ရုပ်ထွက်အလွန်ကောင်းတဲ့ ဖုန်းတစ်လုံးဖြစ်ပါတယ်။ IP68 certified ဖြစ်တာေMကာင့် ဖုန်ဒဏ်၊ ရေစိုဒဏ်ကာကွယ်နိုင်တဲ့အပြင် မျက်နှာပြင်ကို Gorilla Glass 4 နဲ့ ကာကွယ်ပေးထားတဲ့အတွက် အစင်းရာ၊ အခြစ်ရာဖြစ်မှာလည်းစိုးရိမ်စရာလိုမှာမဟုတ်ပါဘူး။ ဒီဖုန်းမှာ Samsung ရဲ့high-end ဖုန်းတွေမှာ ပါဝင်နေကျ နည်းပညာတွေဖြစ်တဲ့ Always on display, Super AMOLED အစရှိတဲ့ နည်းပညာတွေအပြင် Fingerprint, USB Type-C, Wifi a/b/g/n/ac, Bluetooth LE အစရှိတဲ့ နောက်ဆုံးပေါ်နည်းပညာတွေ ပေါင်းစပ်ပါဝင်တဲ့အတွက် ထိပ်တန်းစမတ်ဖုန်းတစ်လုံးလို အသုံးချနိုင်မှာဖြစ်ပါတယ်။RAM 3G နဲ့ Storage 32 GB ပါဝင်တဲ့အတွက်လည်း ဖုန်းရဲ့စွမ်းဆောင်ရည်ပိုင်းက လျင်မြန်ကောင်းမွန်နေမှာဖြစ်ပါတယ်။ ဖုန်းမှာပါဝင်တဲ့ ဘက်ထရီအားကလည်း 3000mAh ဖြစ်တာကြောင့် အသုံးပြုနေရင် ဘတ်ထရီခဏခဏကုန်တဲ့ ပြဿနာကို ဖြေရှင်းနိုင်မှာဖြစ်ပါတယ်။ ကင်မရာပိုင်းအနေနဲ့ အရှေ့၊ အနောက် ကင်မရာနှစ်မျိုးစလုံးကို 16MP ကင်မရာတွေတပ်ဆင်ပေးထားတာကြောင့် ဓာတ်ပုံရိုက်တာဝါသနာပါသူတွေအဖို့ အထူးကြိုက်နှစ်သက်စေမှာဖြစ်ပါတယ်။ Video ရိုက်ကူးမယ်ဆိုရင်လည်း 1080p အရည်အသွေးနဲ့ ရိုက်ကူးနိုင်ပြီး ဘက်စုံအသုံးပြုနိုင်တဲ့ စမတ်ဖုန်းတစ်လုံးဖြစ်တဲ့အတွက် Samsung ရဲ့အမာခံပရိသတ်တွေအဖို့ မိုးရာသီအတွက်ရွေးချယ်အသုံးပြုနိုင်မယ့် စမတ်ဖုန်းတစ်လုံးအဖြစ် ဖော်ပြလိုက်ပါတယ်။

မင်းသုနောင်

---
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်

 

 
Share on Google Plus

0 comments:

Post a Comment