အသားအရေတွဲကျလာတဲ့အခါ ဒီလိုဖြေရှင်းပါ…












အသက်အရွယ်ကြီးလာတာနဲ့အမျှအရေပြားရဲ့ကျုံ့နိုင်ဆန့်နိုင်အားက လျော့လာပြီး အရေပြားတွဲကျလာ ပါတယ်။ ဒါကတော့ နေရောင်ထဲအချိန်ကြာလှုပ်ရှားခြင်း၊ကိုယ်အလေးချိန်အလျင်အမြန်ကျခြင်း၊ ဆေးလိပ်သောက်ခြင်းစတာတွေကြောင့်ဖြစ်လာပါတယ်။အသားအရေကတွဲကျလာတဲ့အခါပိုပြီးအိုမင်း
ရင့်ရော်ပြီးကြည့်ရဆိုးလာပါတယ်။အဲဒီတော့ဘယ်လိုဖြေရှင်းမလဲ။

ရေဓာတ်ဖြည့်
အသားအရေနူးညံ့ဖို့၊ကျစ်လျစ်ဖို့ ရေကအဓိကကျပါတယ်။အဲဒါကြောင့် ရေအလုံအလောက်မသောက် သူတွေအနေနဲ့ ရေအလုံအလောက် သောက်သုံးဖို့လိုလာပါပြီ။အသားအရေအတွက်ရေဓာတ်ကအကျိုးပြုဖို့ နေ့စဉ် ရေ(၂)လီတာသောက်ပေးပါ။ အဲဒါမှအသားအရေစိုပြေပြီးကျုံ့နိုင်ဆန့်နိုင် အားပိုကောင်းလာပါ လိမ့်မယ်။

ဆီကြော်မုန့်အစားအစာတွေရှောင်
စားသုံးတဲ့အစားအသောက်ကလည်းအသားအရေကိုအကျိုးသက်ရောက်မှုရှိပါတယ်။အသားအရေကို အဆီပြန်စေပြီးအိုမင်းရင့်ရော်စေတဲ့အရေပြားကိုတွဲကျစေပြီးကြည့်ရဆိုးစေတဲ့အစားအစာတွေ၊ဆီကြော် မုန့်တွေ၊အဆီအစိမ့်များလွန်းတဲ့အစားအစာတွေရှောင်ပါ။ဒီလိုအစားအစာတွေထဲမှာအသားအရေအတွက် အသက်အန္တရာယ်ရှိစေတဲ့ ဖြည့်စွက်ဓာတုပစ္စည်းတွေပါတဲ့အတွက် ရှောင်သင့်ပါတယ်။

သစ်သီး၊ဟင်းသီးဟင်းရွက်စား
နောက်ထပ်အသားအရေကိုကျစ်လျစ်စေဖို့နည်းလမ်းကောင်းတစ်ခုကတော့နေ့စဉ်စားသုံးတဲ့အစားအစာတွေ ထဲမှာသစ်သီး၊ဟင်းသီးဟင်းရွက်များများထည့်သွင်းစားပေးဖို့ပါပဲ။အဲဒီအစားအစာတွေထဲမှာ အင်တီအောက်ဆီးဒင့်၊ဗီတာမင်နဲ့သတ္ထုဓာတ်တွေများစွာပါဝင်ပြီးအဲဒီဓာတ်တွေကအရေပြားတွန့်ခြင်း၊ အရွယ်မတိုင်မီအိုမင်းရင့်ရော်ခြင်းတွေကိုကာကွယ်ပေးပါတယ်။

အစိုဓာတ်ဖြည့်
အသားအရေအတွက်အစိုဓာတ်ဖြည့်ပေးဖို့အရေးကြီးပါတယ်။အစိုဓာတ်ကအသားအရေကိုကျစ်လျစိုပြေစေပြီး အရေးအကြောင်းကင်းစင်စေပါတယ်။အစိုဓာတ်ထိန်းခရင်အတွက် anti-agingပစ္စည်းတွေလိုမျိုး ရွေးချယ် သုံးစွဲနေစရာမလိုပါဘူး။ အသားအရေရဲ့ကျုံ့နိုင်ဆန့်နိုင်အားကို ကောင်းကောင်းထောက်ပံ့ပေး နိုင်တဲ့ အစိုဓာတ်ထိန်းပစ္စည်မျိုးသာသုံးစွဲပေးပါ။

ပရိုတင်းဓာတ်ကြွယ်ဝတဲ့အစားအစာများစား
နောက်ထပ်အသားအရေကျစ်လျစ်တင်းရင်းဖို့နည်းလမ်းကောင်းတစ်ခုကတော့ပရိုတင်းဓာတ်ကြွယ်ဝတဲ့ အစားအစာတွေစားသုံးပေးဖို့ပါပဲ။ပရိုတင်းကကြွက်သားများသန်မာဖို့၊အရေပြားကျုံနိုင်ဆန့်နိုင် အားကောင်းမွန်စေဖို့ကိုလာဂျင်ထုတ်လုပ်မှုတို့ကိုထောက်ပံ့ပေးပါတယ်။ပဲစေ့၊ ရွှေဖရုံစေ့၊ပန်းဂေါ်ဖီစိမ်း၊စိမ်းပြာရေညှိ၊ဟင်းနုနွယ်တို့များများစားပါ။ ဒီဟင်းသီးဟင်းရွက်တွေက အသား အရေကို ကျစ်လျစ်လာရုံသာမကအာဟာရဖြည့်ပေးပါလိမ့်မယ်။

မုန့်ဖုတ်ဆိုဒါနဲ့ကြေးချွတ်
အသားအရေကိုမုန့်ဖုတ်ဆိုဒါသုံးပြီးကြေးချွတ်တာကလည်းအသားအရေကိုတင်းရင်းကျစ်လျစ်စေပါတယ်။
မုန့်ဖုတ်ဆိုဒါကအရေပြားဆဲလေးတွေကိုဖယ်ရှားပေးပြီး ချွေးပေါက်လေးတွေထဲမှ အဆီနဲ့အညစ်အကြေးတွေ ကိုဖယ်ရှားသန့်စင်ပေးပါတယ်။မုန့်ဖုတ်ဆိုဒါကိုရေခပ်နွေးနွေးနဲ့ရောစပ်ပြီးအဲဒီအနှစ်ကိုမျက်နှာအရေပြားမှာ
စက်ဝိုင်းသဏ္ဍာန်ခပ်ဖွဖွလေးပွတ်ပေးပါ။ 

ကြက်ဥအကာနဲ့အညစ်အကြေးတွေဖယ်ရှား
အသားအရေကိုကျစ်လျစ်သွားစေဖို့ နောက်ထပ်နည်းလမ်းကောင်း တစ်ခုကတော့ကြက်ဥအကာ ပါပဲ။ ကြက်ဥအကာမှာမျက်နှာပြင်ချွေးပေါက်ငယ်လေးတွေထဲမှအဆီနဲ့အညစ်အကြေး တွေကိုဖယ်ရှားပေးနိုင်တဲ့အာဟာရဓာတ်တွေများစွာပါဝင်ပါတယ်။ကြက်ဥအကာကိုမျက်နှာပြင်ပေါ်မှာ (၁၀)မိနစ်ခန့်လိမ်းထားပေးပြီး ရေခပ်နွေးနွေးလေးနဲ့ဆေးချလိုက်ပါ။

သံလွင်ဆီသုံး
သံလွင်ဆီကအသားအရေကိုတင်းရင်းကျစ်လစ်စေတဲ့အကောင်းဆုံးသဘာဝအဆီဖြစ်ပါတယ်။ သံလွင်ဆီမှာအသားအရေကိုအားဖြည့်ပေးမယ့်ဗီတာမင်တွေ၊အင်တီအောက်ဆီးဒင့်တွေကြွယ်ဝစွာ ပါဝင်ပါတယ်။သံလွင်ဆီကိုမျက်နှာမှာလိမ်းပြီးနှိပ်ပေးပါ။

ငှက်ပျောသီး၊ပျားရည်နဲ့မျက်နှာပေါင်းတင်
ငှက်ပျောသီးနဲ့ပျားရည်မှာအရေပြားတွန့်ခြင်း၊အိုမင်းခြင်းကိုထိန်းချုပ်ပေးနိုင်ပါတယ်။ငှက်ပျောသီးကို ခြေပြီးအဲဒီအနှစ်ကိုပျားရည်နဲ့ ရောစပ်ပြီးမျက်နှာမှာ (၁၅)မိနစ်ခန့်လိမ်းထားပေးပါ။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment