တောင်းပန်သင့်လား… ချစ်တာကိုဝန်ခံသင့်လားဆိုပြီး
နမ်းပြီးပြောလိုက်တဲ့ဇာတ်ဝင်ခန်းက ကျွန်မကိုရင်ခုန်စေပါတယ်… ဆောင်းဟေကို
ဒီတစ်ပတ်ကိုရီးယားချစ်သူအတွက်
အာရှမှာနာမည်ကြီးလူကြိုက်များနေတဲ့ Descendants of the Sun အကြောင်းရွေးချယ်ထားပါတယ်။
မင်းသားဆောင်းဂျွန်ကီနဲ့ မင်းသမီးဆောင်းဟေကိုတို့ကတော့ မိတ်ဆက်ပေးစရာမလိုလောက်အောင်
ပရိသတ်တွေသိပြီးသားပါ။ အဲဒါကြောင့် DOTS မင်းသား၊ မင်းသမီးတို့ရဲ့အင်တာဗျူးကောက်နုတ်ချက်တချို့ကိုဖော်ပြပေးလိုက်ပါတယ်။
ဒီဇာတ်ကားက
ကိုရီးယားနဲ့ တရုတ်မှာတစ်ပြိုင်နက်နာမည်ကြီးတာပါ။ ဒါပေမဲ့ဆောင်းဟေကိုက 'ကျွန်မဇာတ်ကားပြီးမှအိမ်ပြန်ရောက်နေကျဖြစ်တော့
ဘယ်လောက်လူကြည့်များတယ်ဆိုတာသတိ မထားမိပါဘူး'တဲ့။ ဆောင်းဂျွန်ကီက 'ကျွန်တော်ဒီဇာတ်ကားကိုနားမလည်ဘူး။
ဇာတ်လမ်းတွဲလူကြိုက် များတာကောင်းပါတယ်။ ဒါမေမဲ့ ဒါကြောင့် ကျွန်တော်ပြောင်းလဲသွားမှာမဟုတ်သလို
နောက်အလုပ် ကိစ္စတွေကိုပဲစဉ်းစားနေတာပါ'။
DOTS ကဒီဇင်ဘာလကတည်းက
ရိုက်ကူးပြီးစီးသွားတာဖြစ်ပေမယ့် ဖေဖော်ဝါရီလကျမှထုတ်လွှင့်ခဲ့တာပါ။ အဲဒါနဲ့ပတ်သက်ပြီး
ဆောင်းဟေကိုက'ကျွန်မဇာတ်လမ်းနဲ့ပတ်သက်ပြီး သိပ်မမှတ်မိတော့ဘူး။ ရိုက်တာကလည်းနည်းနည်းကြာခဲ့ပြီလေ။
ဒါပေမဲ့ ကျွန်မသရုပ်ဆောင်ရတာ ပျော်ရွှင်ခဲ့ပါတယ်' ဆိုပြီးပြောလာပါတယ်။
ကိုယ့်ထက်အသက်ငယ်တဲ့မင်းသားတွေနဲ့သရုပ်ဆောင်လေ့မရှိတဲ့ဆောင်းဟေကိုကို
သူ့ထက်သုံး နှစ်ငယ်တဲ့ဂျွန်ကီနဲ့အတူသရုပ်ဆောင်ရတဲ့ခံစားချက်ကိုမေးမြန်းတဲ့အခါမှာတော့
'ကျွန်မဒီလိုအံ့သြစရာ ကောင်းတဲ့မင်းသားနဲ့သရုပ်ဆောင်ခွင့်ရတာပျော်ရွှင်ပါတယ်။ တခြားမင်းသမီးတွေလည်း
သရုပ်ဆောင် ကြရတာပဲလေ။ ကျွန်မကဘာမှမဟုတ်ပါဘူး'ဆိုပြီးပြန်ဖြေခဲ့ပါတယ်။
ဒီဇာတ်လမ်းထဲကအမှတ်ရစရာအပိုင်းကိုမေးမြန်းတဲ့အခါမှာတော့
'ဇာတ်လမ်းထဲမှာစိတ်ဝင်စား စရာတွေအများကြီးပါ။ အဲဒီအထဲမှာ တောင်းပန်သင့်လား၊ ချစ်တာကိုဝန်ခံသင့်လားဆိုပြီး
နမ်းပြီးပြော လိုက်တဲ့ဇာတ်ဝင်ခန်းက ကျွန်မကိုရင်ခုန်စေပါတယ်။ ဒီဇာတ်လမ်းထုတ်လွှင့်တုန်းက
အဲဒီအခန်းကို ပြန်ကြည့်ရတဲ့အခါမှာလည်း ကျွန်မရင်ခုန်ခဲ့ပါတယ်'ဆိုပြီးဖွင့်ပြောထားပါတယ်။
--------------------------------------------------------
ရသစုံလင်
အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ
...
www.facebook.com/shapejournal
www.facebook.com/groups/weloveshape
#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
www.facebook.com/shapejournal
www.facebook.com/groups/weloveshape
#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
0 comments:
Post a Comment