ပရိသတ်တွေအပေါ် ညီမစေတနာထားသလို ပရိသတ်တွေကလည်း ညီမအပေါ်စေတနာ တကယ်ထားကြတယ်… သင်ဇာဝင့်ကျော်







ဝိဥာဉ်ကကြိုးရုပ်ရှင်ဇာတ်ကား အထူးပြသပွဲမှာအဓိကသရုပ်ဆောင်သင်ဇာဝင့်ကျော်နဲ့တွေ့ဆုံ ခိုက်သူရဲ့အနုပညာလှုပ်ရှားမှုတွေနဲ့အတူဇာတ်ကားအတွက်ကြိုတင်ပြင်ဆင်မူများ အနုပညာသရုပ်ဆောင်မှုတွေကို မေးမြန်းထားသမျှ Shape အနုပညာဂျာနယ်စာဖတ်ပရိသတ်တွေအတွက် ရေးသားဖော်ပြပေးလိုက်ရပါတယ်။
ရိုးရိုးအေးအေး
ဒီဇာတ်ကားမှာ ညီမကာရိုက်တာကသူငယ်ချင်းကိုအရမ်းချစ်သလို သူငယ်ချင်းကကျေးဇူးရှင်မို့ သူငယ်ချင်းစကားအကုန်နားထောင်ရတဲ့ ရိုးရိုးအေးအေးကောင်မလေးနေရာက သရုပ်ဆောင်ထားပါတယ်။ သူငယ်ချင်းနဲ့ ချစ်သူကမတည့်ကြတဲ့သူတို့နှစ်ယောက်ကြားမှာ စိတ်ရှုပ်ရတဲ့သူပေါ့။ နောက်ဆုံးသူငယ်ချင်းက ကိုယ့်ချစ်သူကိုလုယူဖို့ကြိုးစားမှန်းသိတော့သူငယ်ချင်းအတွက်စိတ်မကောင်းဖြစ်ကျန်ခဲ့ရတဲ့သူပေါ့။
အမျိုးသမီးဇာတ်ဆောင်ဆု
ဒါကတော့အနုပညာညီမအချင်းချင်းပဲလေ။ ရွှေမှုံကဒီဇာတ်ကားမှာ သူသရုပ်ဆောင်တာအရမ်းကောင်းတယ်။ ညီမဘက်ကတော့ ဒီဇာတ်ကားမှာ ပံ့ပိုးပေးရမယ့်အချိန်မှာလည်း ကိုယ့်ဘက်ကနေအကောင်းဆုံးဖြစ်အောင်ပံ့ပိုးပေးခဲ့ပါတယ်။ ရွှေမှုံနဲ့ကလည်း ဒီကားကပထမဆုံး အတူတူတွဲရိုက်ဖြစ်တာပေါ့နော်။ အပြင်မှာတော့ ညီမတွေလိုခင်မင်နေကြတာပါ။ ဇာတ်ကားထဲမှာတော့ ဒါပထမဆုံး ဆုံဖြစ်တာပေါ့။ ဒီကားမှာ ရွှေမှုံလုပ်သွားတဲ့ အိုက်တင်တွေကအရမ်းကောင်းတော့ အကယ်ဒမီနဲ့ပတ်သက်ရင် ရွှေမှုံကို အမျိုးသမီးဇာတ်ဆောင်ဆု ဒီကားနဲ့ရစေချင်ပါတယ်။
အားရကျေနပ်
ဒီဇာတ်ကားမှာ ညီမရဲ့သရုပ်ဆောင်မှုအပေါ်မှာတော့ အားရကျေနပ်မှုရှိပါတယ်။ ဇာတ်ကားကတော့ ရုပ်ကောအသံပါ လိုက်တင်းအားလုံးကောင်းတဲ့အတွက်ကြောင့် ကြည့်ရတဲ့သူတိုင်းလည်းအဆင်ပြေစေမယ့် ဇာတ်ကားကောင်းတစ်ကားပါ။
ဖက်ရှင်
ဒီဇာတ်ကားမှာ ဖက်ရှင်ပိုင်းနဲ့ပတ်သက်ရင် သိပ်ခက်ခက်ခဲခဲတော့မရှိပါဘူး။ ညီမကာရိုက်တာက သူငယ်ချင်းအထောက်အပံ့နဲ့ကျောင်းတက်ရတဲ့တက္ကသိုလ်ကျောင်းသူ ရိုးရိုးအအဆိုတော့ ဖက်ရှင်ပိုင်းကိုလည်း အင်္ကျံလုံချည်မြန်မာဆန်ဆန်ဖက်ရှင်လေးတွေကို ဦးစားပေးပြင်ဆင်ခဲ့ပါတယ်။
အိုက်တင်
ရိုးအေးတဲ့ကာရိုက်တာကတော့ အိုက်တင်ထိန်းလုပ်ရတာပေါ့နော်။ အိုက်တင်ကိုဖွင့်လုပ်လို့မရဘူး။ မကလတ်အောင် အိုက်တင်ကိုမနည်းထိန်းပြီးသရုပ်ဆောင်ခဲ့ပါတယ်။ အဲဒီလိုလူပုံမကလတ်အောင်အိုက်တင် အငြိမ်နဲ့သရုပ်ဆောင်ရတာဆိုတော့ အိုက်တင်ပိုင်းနဲ့ပတ်သက်ပြီး ဒီဇာတ်ကားမှာနည်းနည်းအခက်အခဲရှိခဲ့ပါတယ်။ ဘာလို့လဲဆို အရင်ကလည်း ရိုးရိုးအေးအေးကာရိုက်တာတွေက သရုပ်ဆောင်ခဲ့ဖူးတော့အိုက်တင်တွေမထပ်အောင်ပေါ့နော်။ ကြိုးစားသရုပ်ဆောင်ခဲ့ပါတယ်။
ရုပ်ရှင်
လက်ရှိအနုပညာလှုပ်ရှားမှုအနေနဲ့ကတော့ ပရမ်းပတာရုပ်ရှင်ဇာတ်ကားကို ဒါရိုက်တာညွန့်မြန်မာညီညီအောင်၊ မြင့်မြတ်၊ ကိုကျော်ကျော်ဗိုတို့နဲ့ရိုက်ပါမယ်။ ရိုက်ထားတဲ့ရုပ်ရှင်ဇာတ်ကားတွေလည်း အများကြီးရှိပါတယ်။
ဗီဒီယို
ဗီဒီယိုဇာတ်ကားတွေရိုက်ကူးရင်တော့ထုတ်လုပ်ရေးတိုက်တွေနဲ့နားလည်မှုရှိရင်တော့ ဈေးလျှော့ပေးတာတွေရှိပါတယ်။ ဒါကလည်း ဗီဒီယိုအားပေးတဲ့ပရိသတ်တွေကြည့်စေဖို့နဲ့ ဗီဒီယိုဇာတ်ကားတွေပြန်လည်ထွန်းကားလာပြီး ဈေးကွက်ပြန်ကောင်းလာဖို့အတွက် တတ်နိုင်တဲ့ဘက်က လုပ်ပေးတဲ့သဘောပါ။ အခြားရိုက်ကူးမှုတွေမှာတော့ ခေါ်ဈေးကတော့တစ်မျိုးရှိတာပေါ့နော်။
စေတနာ
ညီမအနေနဲ့ကတော့ အနုပညာအလုပ်တွေကိုဖြည်းဖြည်းနဲ့မှန်မှန်လုပ်တယ်။ တစ်လရုပ်ရှင်ဇာတ်ကားနှစ်ကားဆိုနှစ်ကားပေါ့နော်။ ပုံမှန်ရိုက်ဖြစ်တယ်။ ညီမအနုပညာအလုပ်တွေကိုလည်း လောဘမကြီးရဲဘူး။ ဘာလို့လဲဆို ညီမကအပင်ပန်းမခံနိုင်ဘူး။ စိတ်အပင်ပန်းမခံနိုင်တာဆိုရင်ပိုမှန်မယ်။ ဒီတော့ညီမအနေနဲ့ကိုယ်သရုပ်ဆောင်တဲ့ဇာတ်ကားတိုင်းမှာ တကယ်စေတနာထားသရုပ်ဆောင်တယ်။ ကိုယ့်အားပေးမယ့်ပရိသတ်တွေအတွက် ဇာတ်ကားတိုင်းကိုစေတနာထားကြိုးစားသရုပ်ဆောင်တဲ့အတွက်ကြောင့်လားမသိဘူး။ ပရိသတ်တွေအများစုက ညီမကိုချစ်ကြတယ်။ ပရိသတ်တွေအပေါ်ကိုညီမစေတနာထားသလို ပရိသတ်တွေကလည်းညီမအပေါ် စေတနာတကယ်ထားကြတယ်။ We Love ဖန်တွေဆို ညီမပုံရိပ်မြင့်တက်စေဖို့ ဂုဏ်တက်စေဖို့ ၀ိုင်းဝန်းကြိုးစားအားပေးကြတယ်။ ညီမသူတို့ကိုလည်းတကယ်ကျေးဇူးတင်ပါတယ်။ အဲဒီလိုပရိသတ်တွေအခိုင်အမာရှိလို့လည်း ညီမအခုလိုအနုပညာအလုပ်တွေပိုလုပ်နိုင်တာပေါ့နော်။ ညီမအတွက်တော့ ပရိသတ်တွေက ကိုယ့်ဘ၀တစ်ခုပါပဲ။ ကျေးဇူးကြီးပါတယ်။
အနုပညာဝမ်းစာ
ညီမအနေနဲ့ကတော့ ဇာတ်ကားတွေရိုက်ကူးလာတာကြာပြီဖြစ်ပေမယ့် အနုပညာဝမ်းစားကတော့ ဖြည့်နေရတာပါပဲ။ သရုပ်ဆောင်ပညာနဲ့ပတ်သက်ရင် အချိန်အားရင်အားသလိုလေ့လာဖြစ်ပါတယ်။ နိုင်ငံခြားရုပ်ရှင်ဇာတ်ကားတွေကြည့်တယ်။ စာများများဖတ်ဖြစ်ပါတယ်။
အချစ်ရေး
အချစ်ရေးနဲ့ပက်သက်လို့ကတော့ အေးဆေးပါပဲ။ ဒီအချိန်မှာအချစ်ရေးထက်အနုပညာအလုပ်တွေက ပိုအရေးကြီးပါတယ်။
အချစ်ဇာတ်ကား
အချစ်ရိုးမန့်ဇာတ်ကားကောင်းကောင်းလေးတွေကိုကြည့်ချင်ကြတဲ့ လူငယ်ပရိသတ်တွေအတွက် ဒီဇာတ်ကားလေးကိုလာကြည့်စေချင်ပါတယ်။ သင်ဇာတို့သုံးယောက်စလုံးကလည်း ကြိုးစားသရုပ်ဆောင် ထားပါတယ်။ အချစ်ဇာတ်ကားကြှိုက်သူတိုင်းကျေနပ်သွားလိမ့်မယ်လို့ မျှော်လင့်ပါတယ်။ အားလုံးကို ကျေးဇူးတင်ပါတယ်။
---
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်


Share on Google Plus

0 comments:

Post a Comment