ခရီးသွားခြင်းရဲ့ ဆုလာဘ်…











ခရီးသွားခြင်းရဲ့ ဆုလာဘ်…
တချို့တွေက ခရီးသွားရဖို့အခွင့်အလမ်းတွေရှာဖွေနေကြတယ်။ တချို့ကတော့ခရီးမသွား ရဖို့အကြောင်းပြချက်မျိုးစုံပေးကြတယ်။ ခရီးသွားရတာအကုန်အကျများလွန်းတယ်။ အလုပ်ကနေ နားရက်မယူနိုင်ဘူး။ ခရီးတော့ သွားချင်ပါတယ်။ ဒါပေမဲ့ လုပ်စရာတွေ အများကြီးရှိတယ် စသည်ဖြင့်ပေါ့။ ဒါပေမဲ့ ဒီအကြောင်းပြချက်တွေကလည်းပြောနေတုန်းခဏပါ။ ခရီးသွားလိုက်တော့လည်း စိတ်ကူးတွေပြောင်းသွားပြီး မေ့လျော့ကုန်တာပါပဲ။

လူတွေအားလုံးအတူတူပဲဆိုတာ သတိပြုမိလာမယ်….
အခုရော နောင်ရော ရှေးတုန်းကရော ကမ္ဘာကြီးက ပေါင်းစည်းမှု အင်အားစည်းလုံးမှုလိုနေပါတယ်။ ဒေသသစ်တွေနိုင်ငံသစ်တွေကို ခရီးသွားတဲ့အခါ လူတွေအားလုံး အတူတူပဲဆိုတာ သတိထားမိလာပါလိမ့်မယ်။
အားလုံးအခြေခံလိုအပ်ချက်တွေတူညီတယ်ဆိုတာ သတိထားမိလာပါလိမ့်မယ်။

စိတ်ဖိစီးမှုတွေကင်းစင်ကုန်မယ်…
စိတ်ဖိစီးမှုက ဘ၀ကိုအနှောင့်အယှက်ပေးနေပြီဆိုရင်တော့
ခရီးသွားခြင်းက ဆေးတစ်ခွက်ပါ။ နေ့စဉ်လုပ်ငန်းခွင်ကနေ ရုန်းထွက်ခွင့်ရပြီး အတွေ့အကြုံသစ်၊ ပတ်ဝန်းကျင်သစ်၊ မြင်ကွင်းသစ်တွေကို မြင်လိုက်ရတဲ့အခါ စိတ်ဖိစီးမှုတွေလုံးဝကွယ်ပျောက်သွားတာပေါ့။

ကမ္ဘာကြီးအကြောင်း ပိုသိလာမယ်…
ခရီးသွားဖူးတဲ့လူ ခရီးမသွားတဲ့လူကတော့ ကမ္ဘာကြီးကနေ့စဉ်ငြီးငွေ့စရာဘ၀ကြီးပဲလို့ထင်မှာပေါ့။
ကိုယ်နေထိုင်သလို သူများတွေလည်း နေထိုင်ရတယ်ထင်စရာပေါ့။ တကယ်တမ်းခရီးသွားတဲ့အခါမှာတော့ သူများတွေရဲ့နေထိုင်ပုံက ကိုယ်ထင်သလိုမဟုတ်တာကို သတိထားမိလာပါလိမ့်မယ်။ 

အိမ်ကိုသတိရလာမယ်….
ခရီးသွားတယ်ဆိုမှတော့ ကော်ဖီတစ်ခွက်၊ လက်ပ်တော့တစ်လုံးနဲ့ ဇိမ်ကျကျဘယ်နေနိုင်ပါ့မလဲ။ မရောက်ဖူးတဲ့ဒေသတွေ ခက်ခဲပင်ပန်းတဲ့နေရာတွေသွားရတဲ့အခါမှာ အိမ်မှာအေးအေးချမ်းချမ်းနေရတဲ့ အချိန်ကာလလေးကိုသတိရလာမယ်။

စိတ်သစ်ကိုယ်သစ်နဲ့ ပြန်လာမယ် …
နေ့စဉ်နေထိုင်မှုဘ၀ကြီးကနေ သွေဖယ်ပြီးပတ်ဝန်းကျင်သစ် ရောက်တဲ့အခါ စိတ်သစ်ကိုယ်သစ်ခံစားမှု အသစ်တွေမွေးဖွားလာမယ်။ အိမ်အပြန်လမ်းက ပင်ပန်းပေမယ့်လည်း ခွန်အားအသစ်တွေနဲ့ပေါ့။

အစားအစာသစ်တွေ မြည်းစမ်းခွင့်ရမယ် …
ခရီးသွားပြီဆိုမှတော့ ဒေသတစ်ခုရောက်ပြီဆို ဒီဒေသထွက် အစားအစာတွေပါ မြည်းစမ်းခွင့်ရပြီပေါ့။ ကြိုက်ကြိုက် မကြိုက်ကြိုက်မြည်းစမ်းကြည့်တာ အကောင်းဆုံးပါ။ ဒါအတွေ့အကြုံသစ်ပဲလေ။
ရန်နိုင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 

Share on Google Plus

0 comments:

Post a Comment