အကြောင်းအရင်းမရှိ တိုက်ခိုက်လာတာတွေကိုတော့ ၀ါဆိုလက်မခံဘူး…#၀ါဆိုမိုးဦး









မကြာခင်ကထွက်ရှိထားတဲ့ မိုက်လားတေးစီးရီးလေးကို ပရိသတ်တွေက ကြိုက်နှစ်သက်မှုရှိပြီး ၀ါဆို့ရဲ့ ကြိုးစားမှုအပေါ် ပရိသတ်က အသိအမှတ်ပြုပေးတဲ့အတွက် ကျေနပ်မှုရှိတယ်။ ၀ါဆိုတို့အနု ပညာရှင်တွေက ပရိသတ်ချစ်မှသာ အနုပညာအလုပ်တွေကိုရှေ့ဆက် လျှောက်လှမ်းနိုင်မှာဖြစ်တဲ့အတွက် ၀ါဆို့ရဲ့အနုပညာကို အားပေးတဲ့ ပရိသတ်တွေကိုကျေးဇူးတင်ပါတယ်။ တစ်ကိုယ်တော်အခွေပြင် ဆင်နေချိန်မှာ ဇာတ်ကားရိုက်ကူး မှုနဲ့ပတ်သက်လို့ ၂နှစ်လောက်ဝေးကွာခဲ့ပါတယ်။ အခုချိန်မှာ သရုပ်ဆောင်အလုပ်နဲ့ပတ်သက်လို့ လာကမ်းလှမ်းရင်ဇာတ်ကားတွေ ဆက်ရိုက်သွားပါမယ်။ သရုပ်ဆောင်
အပိုင်းနဲ့ဝေးကွာခဲ့တယ်ဆိုတာကလည်း တစ်ကိုယ်တော်အခွေပြင်ဆင်နေတဲ့
အချိန်မှာ သရုပ်ဆောင်အလုပ် ကိုနှစ်ဖက်ခွမလုပ်ချင်တဲ့အတွက် နားဖြစ်ခဲ့တာပါ။ အားပေးတဲ့
ပရိသတ်တွေရှိသလိုတိုက်ခိုက်တဲ့ ပရိသတ်တွေရှိတဲ့အတွက် အနုပညာရှင်တွေဆိုတာကလည်း အတိုက်အခိုက်တွေရှိတဲ့အပေါ် ဝေဖန်မှုကိုလက်ခံတယ်၊ အနုပညာအလုပ်လုပ်ပြီဆိုတာနဲ့ ဝေဖန်မှုများစွာနဲ့ကြုံတွေ့ရမှာပဲ။ ဒီလိုဒဏ်တွေကိုမခံနိုင်ရင်တော့ အဆင်မပြေဘူး။ တိုက်ခိုက်တာကိုတော့ လက်မခံဘူး။ အတိုက်အခံတွေရှိတယ်၊ အပြိုင်အဆိုင်တွေရှိမှလည်း လူတစ်ယောက်က
အောင်မြင်တာဖြစ်တဲ့အတွက် သည်းခံနိုင် သလောက်သည်းခံတယ်။ အကြောင်းအရင်းမရှိ တိုက်ခိုက်တာတွေကိုတော့ ၀ါဆိုလက်မခံပါဘူး။ ၀ါဆိုကငယ်ငယ်ကတည်းက စိတ်ကြီးတဲ့
သူတစ်ယောက်လည်းဖြစ်တယ်။ စိတ်လိုက်မာန်ပါ လုပ်တတ်တဲ့သူတစ်ယောက်ဖြစ်တဲ့အတွက် အနုပညာအလုပ်လုပ်တဲ့အခါမှာ ကိုယ့်စိတ်ကိုယ် ပြန်ထိန်းရတာပေါ့နော်။ ပရိသတ်နဲ့
ပတ်သက်လာရင်တော့ဝေဖန်အကြံပေး မှုတွေကကောင်းတဲ့အကြံပေးမှုတွေ လိုအပ်ချက်
ဝေဖန်ပေးမှုတွေကိုလက်ခံပါတယ်။ ကိုယ့်ကိုချစ်လို့ ပြောတဲ့ပရိသတ်တွေနဲ့ ကိုယ့်ကိုတိုက်ခိုက်လိုတဲ့
စိတ်နဲ့ ပြောတဲ့စကားလုံးတွေက သိသာပါတယ်၊ ကိုယ်ကတော့ရန်ကိုရန်ခြင်း မတုံ့ပြန်တော့ဘူး။ လျစ်လျူရှုထားလိုက်တယ်။ အချစ်ရေးနဲ့ပတ်သက်လို့ ပြောရမယ်ဆိုရင် ပရိသတ်တွေမြင်တဲ့အတိုင်း ဘယ်သူဘယ်ဝါနဲ့ ကြိုက်နေတယ်လို့ကတော့ ထွေထွေထူးထူးဖွင့်ပြောစရာမရှိပါဘူး၊ အချစ်ရေး ကတော့အေးအေးဆေးဆေးတည်တည်ငြိမ်ငြိမ်ပဲ ၀ါဆို့ရဲ့အချစ်တွေအကုန်လုံးကို ပရိသတ် တွေကိုပေးထားတယ်။ ၀ါဆို့ အသက်ငယ်ပါသေးတယ်။ လူငယ်သဘာဝချစ်တာ
ကြိုက်တာတော့ရှိဦးမှာပေါ့။ ၀ါဆို့ဘ၀မှာ ရှေ့ဆက် လုပ်စရာတွေက အများကြီးရှိပါသေးတယ်။ အဲဒီအတွက် ၀ါဆိုဝါသနာပါတဲ့ အနုပညာအလုပ်တွေဆက်လုပ်သွားမှာပါ။
---
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်



Share on Google Plus

0 comments:

Post a Comment