မင်းသားဆိုတဲ့ခံယူချက်နဲ့မလုပ်ဘူး…X Box








သရုပ်ဆောင်လုပ်ရင် မင်းသားဆိုတဲ့ခံယူချက်နဲ့မလုပ်ဘူး…#X Box

       လက်ရှိ ကျွန်တော့်ရဲ့ အနုပညာလှုပ်ရှားမှုကတော့ ကျွန်တော့်ဒုတိယခွေအတွက် သီချင်းသစ်တွေလုပ် နေတယ်။ ပထမခွေက သီချင်းတွေကို MTV ရိုက်နေတယ်။ နောက်ကျွန်တော့် ရှိုးပွဲတွေသီချင်းလိုက်ဆို နေ ပါတယ်။ ကျွန်တော်သီချင်းရေးတဲ့အခါ မြူးဇစ်အပေါ်မှာမူတည်ပြီးရေးပါတယ်။ ဥပမာ- မြူးမြူး ကြွကြွဖြစ်တဲ့ မြူးဇစ်ကိုခံစားပြီးရေးမယ်ဆိုရင် ကြုံတွေ့ဖူးတဲ့ခံစားချက် ပျော်ရွှင်မှုတွေကို သီချင်းထဲမှာထည့်ရေးတယ်။ မုန်းရင်မုန်းတဲ့အကြောင်း၊ ချစ်ရင်ချစ်တဲ့အကြောင်း၊ လွမ်းရင်လွမ်းတဲ့ အကြောင်းပေါ့နော်။ ခံစာချက်ပေါင်း စုံနဲ့တွေးပြီး သီချင်းတွေရေးပါတယ်။ တစ်မျိုးနဲ့တစ်မျိုးတော့ မတူဘူးပေါ့။ 

ဒုတိယသီချင်းခွေ အသစ်ကိုလာမယ့် ၂၀၁၇ ခုနှစ် အစပိုင်းမှာထွက်နိုင်အောင် ကျွန်တော်ကြိုးစားနေပါ တယ်။ အခုလို ဂီတလမ်းကြောင်းပေါ် အချိန်တိုလေးအတွင်းမှာ အောင်မြင်မှုရခဲ့တယ်ဆိုတာက ကျွန်တော့် အနုပညာအလုပ်တွေကို တစ်စိုက်မတ်မတ်လုပ်ခဲ့တာကြောင့် ဒီအကျိုးခံစာရတဲ့သဘောပါ။ အခုဆိုဂီတ လမ်းကြောင်းပေါ်မှာ ကျွန်တော့်အတွက်ထိုက်သင့်တဲ့နေ ရာလေးတစ်ခုရလာတယ်လို ဆိုရမှာပေါ့။

သရုပ်ဆောင်ဝါသနာပါတယ်ဆိုပေမယ့် ကျွန်တော်မင်းသားပဲ ဖြစ်ရမယ်လို့တော့ စိတ်ကူးမရှိပါဘူး။ မင်းသားလုပ်ဖို့အတွက်စိတ်လည်းမ၀င်စားပါဘူး။ ကျွန်တော် သီချင်းတွေဆိုသွားမယ်။ အကယ်၍ အကြောင်းအရာတိုက်ဆိုင်လို့ သရုပ်ဆောင်လုပ်ရမယ်ဆိုရင်လည်း သရုပ်ဆောင်ဆိုတဲ့ ခံယူချက်နဲ့ပဲ လုပ်သွားမှာပါ။ မင်းသားဆိုတဲ့ခံယူချက်နဲ့ လုပ်သွားမှာမဟုတ်ပါဘူး။ 

ကျွန်တော် ဦးစားပေးလုပ်နေတာက ဟစ်(ပ်)ဟော့ အဆိုတော် တစ်ယောက်ဆိုပေမယ့် မယ်လိုဒီ သီချင်းတွေဆိုရင်လည်း ကျွန်တော့်အနေနဲ့ ပေါ့(ပ်)သိပ် မဆန်တဲ့မယ်လိုဒီသီချင်းတွေရေးထားတာရှိပါတယ်။ မယ်လိုဒီသီ ချင်းတွေလည်းဆိုမှာပါ။ အဓိကတော့ ကျွန်တော်ဟစ်ဟော့ဆိုဖြစ်တာများပါတယ်။ ကျွန်တော့်ကို အားပေးကြတဲ့ ပရိသတ်တွေ အားလုံးကို အရမ်းကျေးဇူးတင်ပါတယ်။ ကျွန်တော် သီချင်းသစ်တွေ အများကြီး လုပ်ထားပါတယ်။ ကျွန်တော့် ရှိုးပွဲတွေလည်း အားပေးကြပါဦးလို့ ပြောချင်ပါတယ်။
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်







 
Share on Google Plus

0 comments:

Post a Comment