ဂီတအလုပ်ကိုသုံးပုံနှစ်ပုံလုပ်ပြီး သရုပ်ဆောင်အလုပ်ကိုတော့တစ်ပုံလောက်ပဲလုပ်ဖြစ်မှာပါ… ပိုပို

ဒါရိုက်တာကျော်နှင်းဆီရိုက်ကူးတဲ့ ဒိုင်ယာယီအသစ်အချစ်ကဆိုက်ကို ဗီဒီယိုဇာတ်ကားရိုက်ကွင်းမှာ အဓိကသရုပ်ဆောင်ပိုပိုနဲ့တွေ့ဆုံခိုက် သူမရဲ့ပထမဆုံးခေါင်းဆောင်အဖြစ်ရိုက်ကူးမှုနဲ့ ဂီတနဲ့သရုပ်ဆောင် အနုပညာအားပြိုင်မှုတွေနဲ့အတူ လက်ရှိအနုပညာလှုပ်ရှားမှုတွေအကြောင်းမေးမြန်းခဲ့သမျှကတော့…

ဒီဇာတ်ကားမှာ ဘယ်လိုကာရိုက်တာနဲ့သရုပ်ဆောင်ထားလဲ…

ဒိုင်ယာယီအသစ်အချစ်ကဆိုက်ကိုဆိုတဲ့ ဗီဒီယိုဇာတ်ကားမှာညီမက ဆိုက်ကိုဖြစ်နေတဲ့ကောင်မလေးနေ ရာက သရုပ်ဆောင်ထားပါတယ်။ ဒါရိုက်တာကျော်နှင်းဆီပါ။ မင်းသားကကိုထူးခြားပါ။

ပထမဆုံးခေါင်းဆောင်မင်းသမီးအဖြစ်ရိုက်ကူးတာလား…

ဒီဇာတ်ကားက ခေါင်းဆောင်မင်းသမီးအနေနဲ့ပထမဆုံးရိုက်ကူးတဲ့ဇာတ်ကားဖြစ်ပါတယ်။ ရင်ခုန်ပါတယ်။ ပျော်လည်းပျော်တယ်။ စိတ်လှုပ်ရှားပါတယ်။ ကိုယ်တိုင်ခေါင်းဆောင်အဖြစ်ရိုက်ကူးရတော့ တာဝန်လည်း ပိုကြီးပါတယ်။ ရိုက်ရတာလည်းဆိုက်ကိုဖြစ်တဲ့ကောင်မလေးနေရာကတော့ဆိုတော့ ပိုပြီးတော့ ရင်ခုန်ပါ တယ်။ ဆိုက်ကိုကာရိုက်တာကခက်ခဲပါတယ်။ ပေါ့ပေါ့ပါးပါးဆိုတော့ ပိုလုပ်နိုင်ပါတယ်။ ဆိုက်ကိုဆိုတော့ မျက်လုံးအိုက်တင်တွေက အစသေချာကြိုးစားပြီးလုပ်ရပါတယ်။ တချို့လိုအပ်တဲ့အခက်အခဲတွေကိုလည်း ဒါရိုက်တာကျော်နှင်းဆီကသင်ပေးပါတယ်။ 

သရုပ်ဆောင်လုပ်ဖြစ်ပုံကိုပြောပြပေးနိုင်မလား…

သရုပ်ဆောင်အလုပ်ကိုအဆင်သင့်လို့လုပ်တာမဟုတ်ပါဘူး။ ၀ါသနာပါလို့လုပ်တာပါ။ ငယ်ငယ်လေး ကတည်းကအဆိုရောသရုပ်ဆောင်ရော ရိုက်ကူးရေးပိုင်းတွေရောဝါသနာပါခဲ့တာပါ။ ဇာတ်ကားတွေ ကြည့်ရင်တောင် ဘယ်နေရာမှာငါဘယ်လိုသရုပ်ဆောင်လိုက်ရမှာ ဘယ်လိုရိုက်ချင်တာဆိုတာ မျိုးတွေဖြစ်ပါတယ်။ 

ဂီတနဲ့သရုပ်ဆောင်ဘယ်အရာကိုဦးစားပေးမလဲ…

ဂီတနဲ့သရုပ်ဆောင်အလုပ်ကိုနှိုင်းယှဉ်လိုက်ရင် ပိုပိုကတော့ဂီတအလုပ်ကိုပဲဦးစားပေးလုပ်သွားမှာပါ။ ဂီတအလုပ်ကိုသုံးပုံနှစ်ပုံလုပ်ပြီး သရုပ်ဆောင်အလုပ်ကိုတော့တစ်ပုံလောက်ပဲလုပ်ဖြစ်မှာပါ။ သရုပ်ဆောင်လုပ်တယ်ဆိုတာကလည်း ပရိသတ်တွေအတွက် အနုပညာအသစ်တစ်ခု အနေနဲ့ချပြဖို့ လုပ်တာပါ။ သရုပ်ဆောင်အလုပ်ကိုလည်းကြိုးစားလုပ်သွားမှာပါ။ 

လက်ရှိဂီတလှုပ်ရှားမှုလေးပြောပြပေးပါ…

ဂီတလှုပ်ရှားမှုအနေနဲ့ကတော့ စတုတ္ထမြောက်သီချင်းခွေကို MTV ရိုက်နေပါတယ်။ မကြာခင်အချိန်မှာ ပရိသတ်လက်ထဲရောက်နိုင်အောင်ကြိုးစားဖန်တီးနေပါတယ်။ သီချင်းသစ်တွေအတွက်လည်းကြိုးစားနေတယ်။

သရုပ်ဆောင်တာနဲ့ပတ်သက်ပြီးပရိသတ်တွေကိုပြောချင်တဲ့စကား

သရုပ်ဆောင်အလုပ်နဲ့ပတ်သက်ရင်တော့ အသစ်တစ်ယောက်ဖြစ်နေတာမို့ ပိုပိုကြိုးစားသရုပ်ဆောင်ထားတာတွေကို ပရိသတ်တွေကိုအားပေးကြပါဦးလို့ပြောချင်ပါတယ်။ 

ပုညဗိုလ်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်

 

Share on Google Plus