တစ်ကိုယ်တည်းအချိန်ဖြုန်းပါ








တစ်ချို့ကပြောကြတယ်။ တစ်ယောက်တည်းနေတာများရင် စိတ်ကျဝေဒနာ၊ အထီးကျန်စိတ်တွေဖြစ်စေ တယ်တဲ့။ ဒါပေမဲ့ ပိုပြီးတိုးတက်မှု၊ ဖန်တီးမှု၊ တည်ငြိမ်မှုတွေရဖို့အတွက် တစ်ယောက်တည်းနေသင့်တဲ့အချိန်ကလည်းအရေးကြီးပါတယ်။ အဲဒီလိုပြောလို့အမြဲတမ်း အချိန်တိုင်းတစ်ယောက်တည်းနေဖို့ ကိုဆိုလိုတာမဟုတ်ပါဘူး။ တစ်နေ့မှာတစ်ခဏလောက်ကိုယ့်အတွက်သီးသန့်ကိုယ်ပိုင်အချိန်ပေးဖို့ပါ။ အဲဒီတော့ တစ်ကိုယ်တည်းနေခြင်းကဘာကောင်းကျိုးတွေရှိသလဲဆိုတာလေ့လာကြည့်ကြရအောင်။

အလုပ်တွေပြီးမြောက်စေတယ်
အသက်တွေတစ်နှစ်ပြီးတစ်နှစ်ကြီးလာတာနဲ့အမျှ၊ အလုပ်တွေများလာတာနဲ့အမျှသူငယ်ချင်း၊ မိတ်ဆွေ၊ မိသားစုတွေအတွက်ပေးရတဲ့အချိန်တွေပိုပြီးနည်းပါလာပါတယ်။ တကယ်လို့ အဲဒီအလုပ်တာဝန်တွေမရှိဘူးဆိုရင် တစ်နေရာရာမှာတော့ရှိနေမှာပေါ့။ မဟုတ်ဘူးလား။ တကယ်တော့လူတွေကတစ်ကိုယ်တည်းရှိနေချိန်မှာပိုပြီးဖန်တီးမှုအားကောင်းတယ်။ အလုပ်တွေပိုပြီးမြောက်တယ်။ ပိုပြီးထုတ်လုပ်နိုင်စွမ်းရှိတယ်ဆိုတာသုတေသနပညာရှင်တွေက ထောက်ပြပြီးသွားပါပြီ။
စိတ်ဖိစီးမှုလျော့ကျစေတယ်
ဆူညံတဲ့ပတ်ဝန်းကျင်က လူတစ်ယောက်နဲ့တည်ငြိမ်အေးချမ်းတဲ့ပတ်ဝန်းကျင်ကလူနှစ်ယောက် မျက်နှာကိုယှဉ်ကြည့်ပါ။ ဘယ်သူကပိုပြီးအေးချမ်းနိုင်မလဲလို့။ လူတိုင်းမှာဖိအားဆိုတာရှိကြပါတယ်။ လုပ်ငန်းခွင်ကလူကလည်း အလုပ်နဲ့ဆိုင်တဲ့ဖိအားတွေရှိတယ်။ ပတ်ဝန်းကျင်မှာပေါင်းသင်းဆက်ဆံရတဲ့လူက ပတ်ဝန်းကျင်နဲ့အံဝင်ခွင်ကျဖြစ်ဖို့ဖိအားတွေရှိတယ်။ ဒါပေမဲ့တစ်ယောက်တည်းအချိန်ကုန်ဆုံးတဲ့အခါမှာတော့ ဒီဖိအားတွေကမရှိသလောက်ဖြစ်သွားပါပြီ။ ပတ်ဝန်းကျင်ကိုဂရုစိုက်စရာမလိုတော့ဘဲ ကိုယ့်အတွေးနဲ့ကိုယ်အလုပ်လုပ်လာနိုင်မယ်။ ကိုယ့်အရှိန်နဲ့ကိုယ်အလုပ်လုပ်လာနိုင်မယ်။
အမှီအခိုကင်းလာမယ်
တစ်ယောက်တည်းနေပြီဆိုမှတော့အားလုံးဟာကိုယ့်ခြေ၊ ကိုယ့်လက်ချည်းပဲပေါ့။ အခက်အခဲရှိလည်းပတ်ဝန်းကျင်ကိုအကူအညီတောင်းရမယ့်အစား ကိုယ့်ဖာသာလုပ်တတ်လာမယ်။ ဖြေရှင်းတတ်လာမယ်။ ကိုယ်လုပ်တာမှားသွားရင်လည်းအမှားကိုစိုးရိမ်စိတ်ကင်းကင်းနဲ့တာဝန်ယူတတ်လာမယ်။ နောက်ဆုံးတော့အမှီအခိုကင်းပြီး ကိုယ့်ကိုယ်ကိုယ်ယုံကြည်မှုရှိလာပါတော့တယ်။
စစ်မှန်မှုကိုရှာတွေ့လာမယ်
အဖွဲ့လိုက်ခရီးသွားတာဖြစ်စေ၊ ပါတီပွဲတွေတက်တာဖြစ်စေ၊ ပတ်ဝန်းကျင်နဲ့အံဝင်ခွင်ကျလိုက်လျောညီထွေဖြစ်အောင်ပြောဆိုဆက်ဆံရပါတယ်။ ကိုယ်မချစ်မနှစ်သက်သူလည်း ပြုံးပြနှုတ်ဆက်ပြရနဲ့။ နောက်ဆုံးကိုယ့်ရဲ့စစ်မှန်မှုပါပျောက်ဆုံးလာပါတယ်။ အဲဒီတော့တစ်ယောက်တည်းနေကြည့်ပါ။ ဒီလိုဟန်ဆောင်ပန်ဆောင်တွေမလုပ်ရတော့ဘဲ ကိုယ့်ရဲ့စစ်မှန်မှုကိုရှာတွေ့သွားမှာပေါ့။
ဘ၀ကြီးကရိုးရှင်းလာမယ်
ဘ၀ဆိုတာရှုပ်ထွေးပွေလီဖို့မဟုတ်ပါဘူး။ ဒါပေမဲ့ အားလုံးကရှုပ်ထွေးဆန်းပြားမှုကိုဦးတည်လာနေကြပါတယ်။ တစ်ယောက်တည်းအချိန်ကုန်ဆုံးချိန်မှာတော့ ကိုယ်ကသာလက်လွှတ်ပေးတတ်မယ်ဆိုရင် ဘ၀ရဲ့ရိုးရှင်းမှုကိုတစ်ဖန်ပြန်လည်ခံစားမိလာပါလိမ့်မယ်။ ဘ၀ဆိုတာ မာရသွန်အပြေးပြိုင်ပွဲမဟုတ်သလို သူများတကာထက်လက်ဦးမှုရယူရမယ့်ပြိုင်ပွဲတစ်ခုလည်းမဟုတ်ပါဘူး။
အပန်းပြေစေတယ်
တစ်ခါတစ်ရံ ပတ်ဝန်းကျင်ကလူတွေကြောင့်စိတ်ညစ်ရတဲ့စိတ်ဖိစီးရတဲ့အခြေအနေမျိုးကြုံဖူးကြမှာပါ။ ကိုယ့်ကိုယ်ငြိုငြင်ကြမလား။ စိတ်ကွက်ကြမလားဆိုပြီးစိတ်ထဲပင်ပန်းနေမှာပါ။ တစ်ယောက်တည်းရှိနေချိန်မှာတော့ ဒီလိုအခြေအနေတွေကိုစိတ်ပူပန်နေစရာမလိုတော့ပါဘူး။ ပေါ့ပေါ့ပါးပါးသက်တောင့်သက်သာဖြစ်သွားပြီးပေါ့။
နက်နက်နဲနဲစဉ်းစားချိန်ရစေတယ်
လူတစ်ယောက်ရဲ့အမြင့်မားဆုံး ဖန်တီးမှု၊ စွမ်းဆောင်နိုင်မှု ဘယ်ကရသလဲဆိုရင် နက်နက်နဲနဲတွေးတောမှုကနေရပါတယ်။ ဒီလိုတွေးနိုင်ဖို့ဆိုတာ ပတ်ဝန်းကျင်ကတိတ်ဆိတ်ငြိမ်သက်ပြီးအေးချမ်းနေဖို့လိုပါတယ်။ ဒီလိုအခြေအနေမျိုးကို တစ်ယောက်တည်းရှိတဲ့အချိန်ကနေပဲရနိုင်တာပါ။
ဆက်ဆံရေးကိုပိုပြီးကောင်းမွန်စေတယ်
တစ်ယောက်တည်းရှိနေပြီဆိုမှတော့ လုပ်စရာအလုပ်မရှိ၊ တွေးစရာအတွေးမရှိ၊ တစ်ခြားသူတွေအစားကိုယ့်ကိုယ်ကိုယ်ပြန်ပြီးတွေးမိမြင်လာပါတယ်။ ကိုယ့်ရဲ့အားနည်းချက်၊ အားသာချက်အမှားအယွင်းတွေကိုပြန်လည်ဆန်းစစ်လာနိုင်တဲ့အတွက် လူအများနဲ့ဆက်ဆံရေးကပိုပြီးကောင်းမွန်လာနိုင်ပါတယ်။
ပျော်ရွှင်ဆဲပါ
တစ်ယောက်တည်းနေရလို့ ပျော်ရွှင်မှုတွေကုန်ဆုံးသွားမယ်ထင်ပါသလား။ လုံးဝမှားပါတယ်။ ဥပမာ တစ်ယောက်တည်းရုပ်ရှင်ကြည့်ရတာမျိုးပထမတော့အူကြောင်ကြောင်နိုင်ကောင်းနိုင်နေပါလိမ့်မယ်။ ပတ်ဝန်းကျင်ကဆူညံသံတွေမရှိသလို၊ အလိုဆန္ဒတွေမရှိတဲ့ဘ၀ကို တဖြည်းဖြည်းအသားကျလာမှာမဟုတ်ပါလား။
ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment