ရည်မှန်းချက်တွေဘယ်လိုရှာဖွေမလဲ…

လူတိုင်းရည်မှန်းချက်နဲ့ရှင်သန်နေကြခြင်းမဟုတ်ပါ။ ဒါပေမဲ့ တစ်နေ့မှာတော့ ရုတ်တရက်နိုးလာပြီး 'ငါ့ရည်မှန်းချက်ကဘာလဲ'ဆိုပြီး မေးခွန်းပြန်မေးရလောက်တဲ့အထိကိစ္စတစ်ခုဖြစ်သွားနိုင်ပါတယ်။

ကိုယ့်ပတ်ဝန်းကျင်ကလူတွေ စောစောစီးစီးရည်မှန်းချက်ကိုယ်စီနဲ့ရှေ့ဆက်နေတာကိုမြင်ကောင်းမြင်ဖူးပါလိမ့်မယ်။ ကိုယ့်ရဲ့ ပတ်ဝန်းကျင်ကသူငယ်ချင်းတွေအိမ်ထောင်ပြုသွားသူတွေ၊ အလုပ်အကိုင်နဲ့လူတွေ။ အဲဒီလူတွေကိုမြင်တဲ့အတွက်ကြောင့်ပဲ ငါ့ရည်မှန်းချက်ကဘာလဲဆိုပြီး မေးခွန်းထုတ်စရာတွေဖြစ်လာပါတော့တယ်။

ကိုယ်သွားချင်တဲ့ရည်မှန်းချက်တွေကို ရှာဖွေဖို့ဆိုတာခက်ခဲသလို ဒီရည်မှန်းချက်ကိုရှာဖွေဖို့ အသည်းအသန် ဖြစ်ဖို့မလိုပါဘူး။ အဲဒီတော့ ကိုယ့်ရည်မှန်းချက်ပန်းတိုင်ကိုဘယ်လိုရှာဖွေနိုင်မလဲ။

ရည်မှန်းချက်ဘာလို့ရှာဖွေချင်တာလဲ

ကိုယ်ဘာကြောင့်ရည်မှန်းချက်ရှာဖွေချင်တာလဲသိဖို့က အရေးကြီးပါတယ်။ ဘာကြောင့်လိုချင်တယ်။ ဘာကြောင့်လိုအပ်တယ်ဆိုတာကိုယ်တိုင်နားမလည်ဘဲနဲ့ ရည်မှန်းချက်ကိုရှာဖွေဖို့ဆိုတာခက်ခဲပါလိမ့်မယ်။ အထူးသဖြင့် ဘ၀တိုးတက်စေဖို့လား။ နံနက်ခင်းတစ်ခုမှာ နိုးထလာရတာဘာကြောင့်လဲ။ ဘ၀ကို စိတ်လှုပ်ရှားစရာ၊ ပျော်ရွှင်ကျေနပ်စဖွယ် ပျော်ရွင်ဖြတ်သန်းသွားစေချင်လို့လား။

နှလုံးသားကိုလိုက်လျောပါ

ကိုယ့်ဘ၀ရဲ့ရည်မှန်းချက်ကို ရှာဖွေနေချိန်မှာ ဦးနှောက်ကိုခေတ္တဘေးဖယ်ထားဖို့လည်းလိုပါတယ်။ ဦးနှောက်နဲ့ဆုံးဖြတ်တာကအကြောင်းပြချက်အမျိုးမျိုးနဲ့ ပျက်သွားစရာရှိနိုင်ပါတယ်။ အဲဒါကြောင့် ကိုယ့်စိတ်ထဲမှာဘာဖြစ်ချင်သလဲ။ ကိုယ့်ရဲ့မျော်လင့်ချက်၊ စိတ်ကူး၊ ဖန်တီးနိုင်စွမ်းတွေက ဘာလဲဆိုတာနှလုံးသားထဲကခံစားဖို့လိုပါတယ်။ 

အခက်အခဲဖြတ်သန်းဖို့လို

ရည်မှန်းချက်တစ်ခုရှာဖွေတဲ့အခါ စွမ်းအား၊ အချိန်ဆိုတာလိုအပ်ပါတယ်။ တစ်ခါတရံ စွန့်လွှတ်မှုတွေတောင်လိုအပ်လာပါတယ်။ ရည်မှန်းချက်တစ်ခုကိုရှာဖွေနေချိန်မှာ ပျော်ရွှင်မှုတွေတွေ့လာနိုင်သလို တစ်ခါတရံအရှုံးပေးချင်လက်လျော့ချင်လောက်အောင်ပင်ပန်းမယ့် အချိန်တွေလည်းတွေ့လာနိုင်ပါတယ်။ ဒီလိုကြုံလာရမယ့် အခက်အခဲတွေကိုကျော်ဖြတ်နိုင်စွမ်းက ကိုယ့်ရဲ့ရည်မှန်းချက်တစ်ခုကို ဘယ်လောက်သည်းခံရှာဖွေနိုင်စွမ်းကိုဖော်ပြနေပါတယ်။

အတိတ်ကိုပြန်တွေး

ကလေးဘ၀တုန်းကကြီးလာရင်ဘာဖြစ်ချင်တယ်ဆိုတဲ့အတွေး ကိုယ်စီရှိခဲ့ကြပါလိ့မယ်။ တချို့တွေက စာရေးဆရာ၊ ပန်းချီဆရာဖြစ်ချင်ခဲ့ကြတယ်။ တချို့ကစီးပွားရေး၊ ပညာရေးမှာ ထူးချွန်ချင်ကြပါတယ်။ ဒါပေမဲ့ အသက်ကြီးလာတာနဲ့အမျှ ပတ်ဝန်းကျင်ရဲ့ဖိစီးမှုတွေခံလာရတဲ့အခါ ရည်မှန်းချက်တွေပျောက်ဆုံးကြကုန်ပါတယ်။ အဲဒါကြောင့် ရည်မှန်းချက်တွေကိုရှာဖွေနေချိန်မှာ ကလေးဘ၀တုန်းက ဘာဖြစ်ချင်ခဲ့တယ်ဆိုတာလေးတွေကိုလည်း ပြန်တွေးကြည့်ဖို့လိုပါတယ်။ 

ကမ္ဘာကြီးကိုကယ်တင်မလား

လက်ရှိအချိန်မှာသတင်းတွေ ဖတ်လိုက်မယ်၊ ကြည့်လိုက်မယ်ဆိုရင် ကမ္ဘာကြီးကဘာတွေဖြစ်နေတယ်ဆိုတာကို နားလည်လာပါလိမ့်မယ်။ ကင်ဆာက ကမ္ဘာအနှံ့ဖြစ်ပျက်နေပါတယ်။ သွေးတိုး၊ ဆီးချိုရောဂါတွေ၊ ပညာရေး၊ ကျန်းမာရေးတွေလည်း တဖြည်းဖြည်းနိမ့်ပါးဆုတ်ယုတ်နေပါတယ်။ အဲဒီတော့ ရည်မှန်းချက်ကိုရှာဖွေနေချိန်မှာ သတင်းတွေကို မျက်ခြေမပြက်ကြည့်ခြင်းကလည်း ကိုယ့်ဘာသာလုပ်ချင်တယ်ဆိုတဲ့ရည်မှန်းချက်တွေကိုရှာဖွေရာမှာ အထောက်အကူပြုပါလိမ့်မယ်။ 

အရေးကြီးတာက

အချစ်ရေးနဲ့ပတ်သက်လာရင်တော့ တစ်ဦးတစ်ယောက်တည်းရှာဖွေဖို့လိုပေမယ့် ရည်မှန်းချက်ကိုရှာဖွေတဲ့နေရာမှာတော့ ပြောင်းပြန်ဖြစ်ပါတယ်။ တတ်နိုင်သလောက်ကိုယ်လုပ်ချင်တာတွေကို များများရှာဖွေထားဖို့လိုပါတယ်။ 

ပရဟိတ

နောက်ဆုံးဘာမှရှာဖွေမရတဲ့အခါ ပရဟိတဘက်ကိုပြောင်းပြီး လုပ်ကြည့်ပါ။ ပရဟိတလုပ်တာက ကိုယ်ဘာလုပ်ချင်တယ်ဆိုတဲ့ အတွေးကိုပေါက်ဖွားစေသလို ဘ၀မှာလိုအပ်တဲ့နေရာမှာ ၀ိုင်းပြီးဖြည့်ဆည်းပေးနေရတာဖြစ်တဲ့အတွက် ရည်မှန်းချက်ရှာဖွေဖို့လမ်းစရသွားစေပါလိမ့်မယ်။

 ရန်နိုင်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်

Share on Google Plus