ဂျော်နီငပိနဲ့တော်ကီချက်ကြီးတို့ကြားမှာမွှေတဲ့ဇာတ်ကောင်နေရာကသရုပ်ဆောင်ထားပါတယ်ဆိုတဲ့သားစိုး



ဂျော်နီငပိနဲ့တော်ကီချက်ကြီး ရုပ်သံဇာတ်လမ်းတွဲမှာ မမျှော်လင့်ဘဲသရုပ်ဆောင်ဖြစ်သွားတာပါ။ ဒီဇာတ်ကို ကျွန်တော့်စိတ်ကူးက ရှစ်နှစ်လောက်ရှိပါပြီ။ အစကရုပ်ရှင်ဇာတ်ကားကြီးရိုက်ဖို့ ရည်ရွယ်ထားတာပါ။ Mntv နဲ့တွေ့တော့မှ ဇာတ်လမ်းတွဲရိုက်ဖို့ ပုံဖော်ဖြစ်ခဲ့တာပါ။ ဒီဇာတ်လမ်းတွဲမှာ ကျွန်တော့်အနေနဲ့ အစကသရုပ်ဆောင်ဖို့မရည်ရွယ်ခဲ့ပါဘူး။ မမျှော်လင့်ဘဲ ဇာတ်ညွှန်းဆရာ ကိုရွှေမိုးသက်ကြောင့် အခုလိုပါဝင်ဖြစ်တာပါ။ ဒီဇာတ်လမ်းတွဲမှာ ကျွန်တော်က အရက်ဆိုင်ပိုင်ရှင်တစ်ယောက်ပေါ့။ ဂျော်နီငပိနဲ့တော်ကီချက်ကြီးတို့ကြားမှာ မွှေတဲ့ဇာတ်ကောင်နေရာကသရုပ်ဆောင်ထားပါတယ်။ ဒီဇာတ်လမ်းတွဲမှာ ပေးချင်တဲ့မက်ဆေ့ခ်ျကတော့ လူငယ်တွေအခွင့်အရေးရချိ်န်မှာ လက်မလွှတ်မိအောင် အမိအရအသုံးချဖို့ ပြောချင်တာပါ။ ကျွန်တော်တို့ ငယ်ငယ်တုန်းကသင်ခဲ့ရသလိုပေါ့ ခွင့်သာခိုက်မှမလိုက်ချင်လျှင် အမိုက်နင့်အပြင်ရှိဦးမလားဆိုတဲ့စကားလိုပါပဲ။ ဒီဇာတ်လမ်းတွဲထဲမှာပါတဲ့ ဇာတ်ကောင်တွေက အခွင့်အရေးရချိန်မှာ အမိရမဆွဲထားဘဲ တလွဲတွေလုပ်ခဲ့လို့ အခွင့်ရေးကောင်းတွေ လက်လွှတ်ခဲ့ရတဲ့အကြောင်းကို မြန်မာမှုဇာတ်ကောင်တွေဖန်တီးပြီး ပုံဖော်ထားတာပါ။ ကျွန်တော်  မြန်မာနိုင်ငံမှာလက်ရှိဖြစ်ပေါ်နေတဲ့အခြေအနေလိုပေါ့။ လူငယ်တွေအများစုဟာ ပြောင်းလဲဖို့အခွင့်အရေးရနေချိန်မှာ မကြိုးစားဘဲ ကိုယ်ရသင့်တဲ့အခွင့်ရေးတွေဆုံးရှုံးလက်လွှတ်လိုက်ရမှာကို စိုးရိမ်သင့်တယ်လို့ပြောချင်တာပါ။ ဒီဇာတ်ကားမှာ ကျွန်တော့်ရဲ့သရုပ်ဆောင်မှုတွေအပေါ်မှာအားရကျေနပ်မှုတော့ မရှိပါဘူး အမှန်ပြောရင် သရုပ်ဆောင်တာ အများကြီးလိုအပ်ချက်တွေရှိမယ်လို့ထင်ပါတယ်။ ကျွန်တော့်လိုင်းလည်းမဟုတ်တော့ သရုပ်ဆောင်ရတာခက်ပါတယ်။ ဒါပေမဲ့ ကျွန်တော်အတတ်နိုင်ဆုံးကြိုးစားထားပါတယ်။ ပရိသတ်တွေကို အနုပညာသစ်တစ်ခုချပြချင်တာကြောင့်အရဲစွန့်ကြိုးစားထားပါတယ်။ အားပေးကြပါဦး။
Share on Google Plus

0 comments:

Post a Comment