ပွဲခံမယ်ရုပ်ရှင်ဇာတ်ကားကြီး ၁၈ ရက်နေ့ကစပြီးရုံတင်ပါမယ်။ ----- အိချောပို






ပွဲခံမယ်ရုပ်ရှင်ဇာတ်ကားကြီး ၁၈ ရက်နေ့ကစပြီးရုံတင်ပါမယ်။ အဲဒီကားမှာ တချို့အခန်းတွေဆိုရင် ဒိုင်ယာလော့မပြောရဲတဲ့အခန်းတွေရှိတယ်။ မလုပ်ရဲတဲ့အိုက်တင်လေးတွေလည်းရှိပါတယ်။ ဒါပေမဲ့ အကောင်းဆုံးဖြစ်အောင်အတတ်နိုင်ဆုံးကြိုးစားထားတယ်…
အိချောပို

ပွဲခံမယ်ရုပ်ရှင်ဇာတ်ကားကြီး ၁၈ ရက်နေ့ကစပြီးရုံတင်ပါမယ်။ အဲဒီဇာတ်ကားလေးကလည်း အိချော အများကြီးအပင်ပန်းခံထားရတယ်။ အရမ်းကြိုးစားထားတယ်။ အိချောရိုက်နေကြ ကာရိုက်တာလည်း မဟုတ်ဘူး။ သူပေးချင်တဲ့ဇာတ်လမ်းကမက်ဆေ့ခ်ျလေးလည်းပေါ်အောင်လို့ အဲဒီကားမှာ တချို့အခန်းတွေဆိုရင် ဒိုင်ယာလော့မပြောရဲတဲ့အခန်းတွေရှိတယ်။ မလုပ်ရဲတဲ့ အိုက်တင်လေးတွေလည်းရှိပါတယ်။ ဒါပေမဲ့ အကောင်းဆုံးဖြစ်အောင်အတတ်နိုင်ဆုံးကြိုးစားထားတယ်။ ပရိသတ်တွေကလည်း ကြည့်ပြီးတော့အားပေးပြီးတော့ ဝေဖန်အကြံပြုပေးလို့ရပါတယ်။ အိချောဘက်ကလည်း လက်ခံဖို့အဆင်သင့်ပါပဲ။ 

ဇာတ်ဝင်ခန်းထဲမှာကိုထွန်းထွန်းကိုတကယ်နမ်းလိုက်မိတာလား
ရိုက်နေရင်းနဲ့ နည်းနည်းပါးပါးထိသွားတာရုံလောက်ပါပဲ။ အိချောတို့က ဒီဇာတ်ကားလေးက တစ်ကားလုံးက သာသာယာယာကြည်ကြည်နူးနူး နုနုဖတ်ဖတ်သိပ်မရှိဘူး။ Love Sense လေးတစ်ခုပဲ တစ်ယောက်နဲ့တစ်ယောက် အရမ်းကိုချစ်တယ်ဆိုတာကိုပြချင်နေတာ။ ဒါရိုက်တာကလည်း ဘေးမှာထိုင်နေပြီးဟိုလိုလုပ်လိုက်၊ ဒီလိုလုပ်လိုက်ဆိုပြီးတော့ ဘေးမှာခိုင်းနေတယ်။ အဲဒါလေးကို အိချောတို့ဘက်ကအကောင်းဆုံးဖြစ်အောင်ကြိုးစားသွားတာပါ။ 

အမှတ်တရဖြစ်ခဲ့ရတဲ့ ဇာတ်ဝင်ခန်းဆိုရင်ရော
ဇာတ်လမ်းလေးကိုယ့်ကိုလာပေးတုန်းကတော့ ကိုထွန်းထွန်းပါးရိုက်လိုက်တဲ့အခန်းဆိုရင် ကောင်မလေးကပြုတ်ကျသွားတယ်။ ဒီလောက်ပဲရေးထားတာလေ။ တကယ်တမ်းရိုက်တော့မှ ရေထဲပြုတ်ကျသွားတာတို့ ကိုယ်လည်းကြိုတင်မသိထားဘူး။ ဒီကားမှာ ဘာမှလည်းကြိုတင်ကာကွယ်မှုမရှိထားဘူးပေါ့နော်။ လျှပ်တပြတ်နဲ့ ဒါရိုက်တာက Sense တွေကိုကြည့်ရင်းနဲ့ ဒီနေရာလှတယ်။ ဟိုနေရာလှတယ်ဆိုပြီးတော့ သူ့ဘာသာသူစီစဉ်သွားတာပေါ့။ အဲဒီနေရာမှာ သမီးဒီရေကန်ထဲပြုတ်ကျလိုက်လို့ရလား။ ပါးတော့ရိုက်လိုက်မယ်။ ရိုးရိုးမိန်းကလေးတွေပါးရိုက်လိုက်လို့လဲကျတဲ့ပုံစံမျိုးမလိုချင်ဘူးတဲ့ဆိုတော့  ဟုတ်လို့ဆိုပြီးတော့ ရေထဲကိုပြုတ်ကျသွားတယ်။ အိချောကို တချို့ပရိသတ်တွေကမေးတယ် လူစားလဲတာလားဆိုတော့ မဟုတ်ပါဘူး။ ကိုယ့်ဘာသာအနာခံပြီးတော့ ပြုတ်ကျထားတာပေါ့နော်။ ရေကန်ထဲမှာဆိုရင်ပုလင်းကွဲတွေရော၊ ဒူးတွေတောင်ကွဲတယ်။ ပြီးတော့တော်တော်နဲ့လည်းမထနိုင်ဘူးလေ။ ကိုထွန်းထွန်းပြောတဲ့ ဒိုင်ယာလော့ကိုကိုယ်ကဒူးထောက်ပြီးတော့စောင့်နေတာဆိုတော့ အောက်မှာပုလင်းကွဲတွေကလည်းရှိတယ်။ အဲဒါမျိုးလေးတွေလည်းအပင်ပန်းခံထားတယ်။ ပြီးတော့ကိုယ်အဆိပ်သောက်ပြီးတော့ အမြုပ်တွေထွက်နေတဲ့အချိန်မှာ ရွာကလူတွေက၀ိုင်းပြီးတော့ လှည်းပေါ်တင်လိုက်တာကလည်း နည်းနည်းတော့နာတာပေါ့နော်။
ပြီးတော့ အဲဒီလှည်း လှည့်လည်းလှည့်တော့ တကယ်မူးလာတာပေါ့။ မူးပြီးတော့ တော်တော်နဲ့မဆင်းနိုင်ဘူး။ အဲဒီလိုလေးတွေလည်းကြုံတွေ့ရပါတယ်။ ဒါကလည်း ကိုယ့်ရဲ့ကြိုးစားမှုပေါ့လေ။ ကိုယ်အတတ်နိုင်ဆုံး ကိုယ်ရတဲ့ဘောင်လေးအတွင်းမှာ ကြိုးစားထားတာပါ။ 

ဒီလိုဇာတ်ရုပ်မျိုး လာကမ်းလှမ်းခဲ့ရင်ရောလက်ခံမှာလား
ဇာတ်လည်းကြိုက်တယ်။ ကိုယ့်အတွက်လည်း လုပ်ကွက်ရှိတယ်။ ပရိသတ်လည်း လက်ခံနိုင်မယ်။ စိတ်ဝင်စားနိုင်မယ့်ဇာတ်မျိုးဆိုရင် အိချောရိုက်မယ်။

အဲဒီလိုအမှတ်တရတွေရှိပေမယ့်လည်းကြောက်တဲ့စိတ်ရှိပုံမပေါ်ဘူး
အလုပ်ဇောကပ်နေပြီဆိုရင် ကြောက်နေရကောင်းမှန်းလည်းမသိဘူး။ အဲဒါပြီးသွားမှ ကိုယ့်ကိုယ်ကိုယ်ပြန်တွေးပြီးတော့ကြောက်တာပေါ့။ ဘေးကထိုင်ကြည့်တဲ့သူတွေတောင်မှ ကြောက်တယ်ပေါ့နော်။ ကြောက်စိတ်တော့ရှိတာပေါ့။ ဒါပေမဲ့ အလုပ်မှာပဲအာရုံကပ်နေတာဆိုတော့ သူများတွေကလည်း ဒီလိုလုပ်လိုက်ရင်တော့ကောင်းတယ်ပေါ့။

SBT
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 



Share on Google Plus

0 comments:

Post a Comment