အိနုဝေ ( Miss Myanmar World 2017 2nd Runner Up )









Miss Myanmar World က လူသိများတယ်… မီဒီယာအားကောင်းတယ်… Forever BEC Teroကလုပ်တဲ့အတွက်ဆုရသည်ဖြစ်စေ မရသည်ဖြစ်စေ… အကျိုးကျေးဇူးရမယ်… အတွေ့အကြုံလည်းရမှာကြောင့်ဝင်ပြိုင်ဖြစ်တာပါ…
အိနုဝေ ( Miss Myanmar World 2017 2nd Runner Up )

ဆယ်တန်းအောင်စာရင်းထွက်ပြီးတော့ ဆရာဂျွန်လွင်စီမှာ Model သင်တန်း စတက်ဖြစ်ပါတယ်…
ညီမရဲ့လတ်တလောအနုပညာလှုပ်ရှားမှုကတော့ မဂ္ဂဇင်းတွေ၊ ဂျာနယ်တွေ၊ ကြော်ငြာတွေ၊ ပြီးတော့အလှကုန်လေးတွေ အင်္ကျီလေးတွေ ကြော်ငြာရိုက်နေပါတယ်။ ညီမအခု Miss Myanmar World 2017 မှာ 2nd Runner Up ရထားပါတယ်ရှင်။ ညီမက ရခိုင်တိုင်းရင်းသူတစ်ယောက်ပါ။ ညီမဒီအနုပညာလောကထဲကို ဘယ်လိုဝင်လာသလဲဆိုတော့ ဆယ်တန်းအောင်စာရင်းထွက်ပြီးတော့ ဆရာဂျွန်လွင်ဆီမှာ ၂၀၁၄ ကုန်ခါနီး Model သင်တန်းစတက်ဖြစ်ပါတယ်။ တက်ရင်းနဲ့ Miss Myanmar International 2014 ၀င်ပြိုင်ရင်းနဲ့ Top 5 Finalist, Miss Beauty & Healthy ဆုရရှိထားပါတယ်။
ပြိူင်ပွဲကတော့သိပ်မရှိပါဘူး။ ဒါပေမဲ့ Miss Myanmar International 2014  အဲဒါပြိုင်ခဲ့တယ်။ ပြီးတော့ အခုဒီ Miss Myanmar World 2017 ကို ပြိုင်ဖူးပါတယ်။ 

Miss Myanmar International 2014 မှာ အင်္ဂလိပ်စာလိုအပ်ချက်လေးတွေရှိသေးတာကြောင့် Top 5 ပဲဝင်ခဲ့တာပါ…
Miss Myanmar International 2014 မှာ Top 5 နဲ့ Beauty & Healthy ဆုရရှိခဲ့ပါတယ်။ အဲဒီတုန်းကကျတော့ Top Ten ကို Miss Myanmar International 2014 မှာ အင်္ဂလိပ်လိုမေးပါတယ်။ အဲဒီတုန်းက ကိုယ်ကအင်္ဂလိပ်စာလိုအပ်ချက်လေးတွေရှိသေးတာကြောင့် Top 5 ပဲဝင်ခဲ့တာပါ။ ပြီးတော့ ဒီ Miss Myanmar World 2017 မှာကျတော့ Second Runner Up နဲ့ Miss Popular ဆုရရှိခဲ့ပါတယ်။  

ကိုယ့်အတွက်အပြောင်းအလဲကကျတော့ Model တစ်ယောက်ဖြစ်ဖြစ် Miss တစ်ယောက်ဖြစ်ဖြစ် အင်္ဂလိပ်စာကတော့လိုအပ်တယ်…
ဖြတ်သန်းလာခဲ့တဲ့ကာလတစ်လျှောက် ကိုယ့်အတွက်အပြောင်းအလဲကကျတော့ Model တစ်ယောက်ပဲဖြစ်ဖြစ် Model တစ်ယောက်ပဲဖြစ်ဖြစ် အင်္ဂလိပ်စာကတော့လိုအပ်တယ်ပေါ့နော်။ အခုလောလောဆယ်အင်္ဂလိပ်စာတော့ လေ့လာနေပါတယ်။ ကိုယ့်အပြောင်းလဲကကျတော့ ကိုယ်က Model တစ်ယောက်ဖြစ်စေ၊ Miss တစ်ယောက်ဖြစ်စေ၊ သာမန်လူနဲ့မတူဘူး။ အရင်တုန်းကတော့ ကိုယ်ကသာမန်လူဖြစ်တဲ့အခါကျတော့ ပုံမှန်လောက်ပဲ။ အသားအရေတွေဘာတွေလည်းဂရုမစိုက်ဘူး။ အခုနောက်ပိုင်းအသားအရေတွေပိုဂရုစိုက်လာတယ်။ အလှအပပိုင်းတွေ ဘယ်လိုပြင်ဆင်ရမယ်။ ဘယ်လိုနေထိုင်ရမယ်။ Miss ကဘယ်လိုသွားလာနေထိုင်ရမယ်။ Model တစ်ယောက်က ဘယ်လိုသွားလာနေထိုင်ရမယ်။ အဲဒီလို အပြောင်းအလဲလေးတွေတော့ ရှိတယ်ပေါ့နော်။ 

Miss Myanmar World ကလူသိများတယ်။ မီဒီယာအားကောင်းတယ်။ Forever BEC Tero ကလုပ်တဲ့အတွက်ဆုရသည်ဖြစ်စေ၊ မရသည်ဖြစ်စေ၊ အကျိုးကျေးဇူးရမယ်။ အတွေ့အကြုံလည်းရမှာကြောင့်ဝင်ပြိုင်ဖြစ်တာပါ
Miss Myanmar World ကို ဘာကြောင့်ဝင်ပြိုင်ဖြစ်သလဲဆိုတော့ သူငယ်ချင်းတွေက Miss Myanmar International 2014 ပြိုင်ပြီးကတည်းက မပြိုင်ဖြစ်သေးတာရယ်၊ ကိုယ့်ကိုအားပေးတဲ့ပရိသတ်တွေ ကိုယ့်ရဲ့ Fan တွေရှိတယ်။ ပြီးတော့ ဆရာတို့ ပြီးတော့ အိမ်က အဖေ၊ အမေတို့ကလည်း ၀င်ပြိုင်ကြည့်သမီးပေါ့နော်။ ဒီ Miss Myanmar World က ကောင်းတယ်။ ပြီးတော့ မီဒီယာလည်း လူသိများတယ်ပေ့ါနော်။ မီဒီယာအားကောင်းတယ်။ ပြီးတော့ Forever BEC ကလုပ်တဲ့အတွက် ကိုယ်လည်းဆုရသည်ဖြစ်စေ၊ မရသည်ဖြစ်စေ၊ ကိုယ့်အတွက်အကျိုးကျေးဇူးရမယ်။ ပြီးတော့ ကိုယ့်အတွက်အတွေ့အကြုံလည်းရမယ်ဆိုတာကြောင့်ဝင်ပြိုင်ဖြစ်တာပါ။

Miss Myanmar World အယောက် ၂၀လုံး ညီအစ်မတွေလို ခင်သွားတယ်…
ပြိုင်ပွဲအတွေ့အကြုံတွေကတော့ အများကြီးရပါတယ်။ ပြီးတော့ ညီမတို့ Miss Myanmar World အယောက် ၂၀လုံး ညီအစ်မတွေလိုခင်သွားတယ်။ ပြီးတော့ ပြိုင်ပွဲတစ်လျှောက်လုံးကိုယ်မသိတဲ့ဟာတွေ ကိုယ့်ရဲ့လိုအပ်ချက်တွေ ပြီးတော့ ခရီးသွားခဲ့တဲ့အတွေ့အကြုံတွေ ပြီးတော့ လူတွေကိုဘယ်လိုပေါင်းသင်းဆက်ဆံရမလဲဆိုတာတွေ သိလာတယ်။ Miss တစ်ယောက်က ဘယ်လိုနေထိုင်ရမယ်။ Miss တစ်ယောက်က ဘယ်လိုလမ်းလျှောက်ရမယ်။ Miss တစ်ယောက်က အသားအရေကိုဘယ်လိုဂရုစိုက်ရမယ်ဆိုတာပိုသိလာပါတယ်။
Miss Myanmar International တုန်းက ညီမစိတ်လှုပ်ရှားပြီး မေးခွန်းမှားတာတွေရှိတယ်။ သင်ခန်းစာပေါ့နော်… 

Miss Myanmar International ပြိုင်ပွဲသင်ခန်းစာကကျတော့ ညီမစိတ်လှုပ်ရှားတယ်။ မေးခွန်းဖြေတဲ့အခါမှာ နည်းနည်းထစ်သွားတာတွေဘာတွေရှိတယ်။ အဲဒါကြောင့်မို့လို့ နောက်တခါကျလို့ရှိရင် ကိုယ့်ကိုယ်ကိုယ်သေသေချာချာပြင်ဆင်မယ်။ လုံးဝစိတ်လှုပ်ရှားမှုမရှိအောင်လို့ပေါ့နော်။ 

အဲဒီမှာ ညီမပထမဆုံးထွက်ရတာနဲ့လည်းဆိုင်သွားတယ်ထင်ပါတယ်။ ညီမစိတ်လှုပ်ရှားပြီးတော့ မေးခွန်းမှားတာတွေရှိတယ်။ အဲဒါတွေကတော့ ညီမအတွက် သင်ခန်းစာပေါ့နော်။
2nd Runner Up ရတဲ့အပေါ်ကျေနပ်ပါတယ်။ ဘာဖြစ်လို့လဲဆိုတော့ ကိုယ့်မှာလိုအပ်ချက်လေးတွေရှိသေးလို့ ကိုယ့်ကြိုးစားမှုလေးတွေလိုသေးလို့မရသေးတာ။ ဒါပေမဲ့လည်း ညီမအနေနဲ့ကိုယ့်လိုအပ်ချက်လေးတွေသိလာတဲ့အတွက်ပေါ့နော်။ ကိုယ်ကိုယ်ကိုယ်ကျေနပ်မိပါတယ်။
ဘ၀မှာအပျော်ရွှင်ရဆုံးအချိန်တွေကတော့ရှိပါတယ်။ ဘယ်လိုအချိန်တွေလဲဆိုတော့ ဥပမာ  ကိုယ်တစ်ခုခုလုပ်လိုက်လို့ အဖေအမေစိတ်ချမ်းသာသွားရတဲ့အချိန်ပေါ့နော်။ အဲဒီအချိန်လေးတွေကတော့ ညီမဘ၀မှာအပျော်ရွှင်ရဆုံးအချိန်လေးတွေပါပဲ။ 

စိတ်ဓာတ်ကျအားငယ်နေတဲ့အချိန်မျိုး စာအုပ်လေးတွေဖတ်တာ ယောဂကျင့်တာတို့လိုမျိုးလေးတွေ ဖြတ်သန်းခဲ့တယ်…
စိတ်ဓာတ်ကျတဲ့အချိန်ကတော့ ညီမအရမ်းကြီးမရှိပါဘူး။ ညီမက အရမ်းကြီးပျော်နေတတ်တဲ့အတွက် တစ်ခါတလေစကားတစ်ယောက်တည်းပြော ကိုယ်စိတ်ကျစရာတွေးလာပြီဆိုလို့ရှိရင် သီချင်းနားထောင်တာတို့ Gym ဆော့တာတို့ အိပ်လိုက်တာတို့ အဲဒါမျိုးပြုလုပ်ပါတယ်။ စိတ်ဓာတ်ကျအားငယ်နေတဲ့အချိန်မျိုးဖြစ်လာရင်တော့ ညီမစာအုပ်လေးတွေဖတ်တာတို့ ပြီးတော့ယောဂကျင့်တာတို့ အဲဒီလိုမျိုးလေးတွေဖြတ်သန်းခဲ့တယ်ပေါ့နော်။ 

နောက်နှစ် Miss Universe Myanmar ၀င်ပြိုင်မှာပါ
နောက်နှစ်ပြိုင်ပွဲတွေဝင်ပြိုင်ဖို့ရှိပါတယ်။ Miss Universe Myanmar ၀င်ပြိုင်မှာပါ။ အဲဒီအတွက်ညီမအခုကတည်းကပြင်သွားမှာပါ။
တခြားအနုပညာလှုပ်ရှားမှုကတော့ ညီမ Miss မပြိုင်ခင်ကတည်းက Model တစ်ယောက်ဖြစ်တဲ့အတွက် Model နဲ့ပတ်သက်တဲ့ Show တွေ၊ ပြီးတော့ ညီမဓာတ်ပုံတွေလည်းရိုက်သွားမယ်။ ညီမက Miss Myanmar World နဲ့ပတ်သက်တဲ့ ဓာတ်ပုံတွေ အနုပညာလှုပ်ရှားမှုတွေ တတ်စွမ်းသမျှလုပ်ဆောင်သွားမှာပါ။ 

ပရိသတ်တွေမသိတဲ့ အိနုဝေအကြောင်းတော့မရှိပါဘူး။ ပရိသတ်ကြီးညီမကိုအားပေးကြပါဦး။ ညီမကိုချစ်ပေးကြတဲ့အတွက်လည်း အရမ်းကျေးဇူးတင်ပါတယ်။ ညီမအနုပညာနဲ့ပတ်သက်ပြီးတော့ အကုန်လုံးကိုကြိုးစားလုပ်ဆောင်သွားမှာပါ။ အားလုံးကိုကျေးဇူးတင်ပါတယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment