သူငယ်ချင်းတွေစုံပြီဆိုရင်…









၂၀၁၄၊ ၂၀၁၅၊ ၂၀၁၆၊ တစ်နှစ်ပြီးတစ်နှစ် ပြောင်းလဲလာမှုနဲ့အတူ လူသားတွေလည်း တစ်ယောက်နဲ့ တစ်ယောက် အချိန်မပေးနိုင်ကြတော့ပါဘူး။ အဲဒီအထဲမှာ သူငယ်ချင်းတွေနဲ့ အချိန်ဖြုန်းခဲ့တာလည်း အပါအ၀င်ပေါ့။ မတွေ့တာကြာတဲ့သူငယ်ချင်းတွေဆုံကြဖို့စီစဉ်ကြတဲ့အခါ ဟိုသွားရမလိုသည်သွားရမလို ပြောချင်တာတွေကလည်းများ တစ်နေကုန်တစ်နေခန်း မပြီးနိုင်အောင်အချိန်ကုန်သွားရတတ်ပါတယ်။ အဲဒီတော့ သူငယ်ချင်းတွေစုံကြတဲ့အခါဘာတွေလုပ်ကြမလဲ။

ပရဟိတလုပ်မယ်
သူငယ်ချင်းတွေနဲ့အတူပရဟိတလုပ်တာက မတူတဲ့ခံစားမှုတစ်ခုပါ။ သူ့အကြိုက်ကိုယ့်အကြိုက် သိနေတဲ့အတွက် အတူလုပ်ဆောင်ရတာလည်း ပျော်စရာကောင်းနေပါလိမ့်မယ်။ အဖွဲ့အစည်းတွေ နဲ့ချိတ်ဆက်ပြီး သူငယ်ချင်းတွေနဲ့အတူ တစ်စိတ်တစ်ဝမ်းတည်းလုပ်နိုင်တဲ့ ပရဟိတမျိုးရွေးချယ်လုပ်ကြည့်ပါ။ တစ်ယောက်နဲ့တစ်ယောက်မတူတဲ့ခံစားမှုလေးတွေရစေသလို တစ်ယောက်ကိုတစ်ယောက်လေး စားမိကြမှာပါ။ ပြီးတော့ မတွေ့တော့တာကြာတဲ့သူငယ်ချင်းတွေအတွက် အမှတ်တရကောင်းလေး တစ်ခုမဟုတ်ပါလား။

ဂိမ်းကစားမယ်
ဂိမ်းကစားတာကတစ်ယောက်နဲ့တစ်ယောက်ပိုပြီးစည်းလုံးသွားစေလို့ တစ်စုတစ်စည်းတည်း နဲ့ပျော်ပျော်ပါးပါးဆော့နိုင်ကြမှာပါ။ တစ်ယောက်အကြောင်းတစ်ယောက်သိနေတဲ့အတွက် ကစားတဲ့အခါလွပ်လွပ်လပ်လပ်နဲ့ ပျော်ရွှင်စရာကောင်းပါလိမ့်မယ့်။ ကစားရုံနဲ့တင်မပြီးပါဘူး။ ရှုံးသူကိုတစ်ခုခုခိုင်းရတာလည်း ပျော်စရာကောင်းတဲ့အမှတ်တရလေးဖြစ်မှာသေချာပါတယ်။

ရုပ်ရှင်ကြည့်မယ်
ရုပ်ရှင်ကြည့်မယ်ဆိုလို့ ရုပ်ရှင်ရုံမှာ ကြိုက်ကြိုက်မကြိုက်ကြိုက် ဇာတ်ဝင်ခန်းတွေကိုအချိန်ကုန်ခံ၊ ငွေကုန်ခံပြီး ကြည့်နေစရာမလိုပါဘူး။ တွေ့ဖို့ချိန်းကြတဲ့အခါ တစ်ယောက်ယောက်အိမ်မှာ လူစုံကြပြီး ကိုယ်ကြိုက်လို့ယူလာတဲ့အခွေတွေကို တရစပ်ထိုးကြည့်၊ စကားတွေတောင်စဉ်ရေမရပြော၊ မင်းသားမင်းသမီးသရုပ်ဆောင်တာတွေကိုဝေဖန်ရတာကလည်း ပျော်စရာကောင်းတဲ့ အချိန်လေးဖြစ်မှာမဟုတ်ပါလား။ 

ဒိတ်လုပ်ကြမယ်
အားလုံးကလက်တွဲဖော်မရှိရင်တော့ အဆင်ပြေကြမှာပါ။ ငယ်ငယ်က ကိုယ်ထားမယ့်ရည်းစားကို ဘေးကနေအကဲခတ်ခိုင်းသလိုပေါ့။ သူငယ်ချင်းတွေစုံရင် Social Media တွေကနေ ဒိတ်လုပ်တဲ့ website တွေကိုဝင်မွှေရတာလည်း အသက်ကြီးလာရင်ဘယ်တော့မှမရနိုင်တဲ့ ပျော်စရာအမှတ်တရတစ်ခုပါ။ 

တူတူပုန်းတမ်းကစားမယ်
တူတူပုန်းတမ်းကစားမယ်ဆိုလို့ အသက်ကြီးနေတဲ့လူတွေအဖို့တော့ ရယ်စရာကောင်းနေပါလိမ့်မယ်။ တကယ်တော့အသက်ကြီးတာကလည်း အခွင့်အရေးတစ်ခုပါ။ ငယ်ငယ်ကနဲ့မတူတဲ့အတွေးတွေရင့်ကျက်လာမှုနဲ့အတူ ပုန်းနေစရာစဉ်းစားတာတွေလိုက်ရှာဖို့ စဉ်းစားတာတွေကလည်း ပြောင်းလဲသွားပါလိမ့်မယ်။ ငယ်ငယ်ကနဲ့မတူတဲ့ပျော်ရွှင်မှုတစ်ခုကို ရလာမှာသေချာပါတယ်။ 

ခရီးအတူထွက်မယ်
ခရီးထွက်မယ်ဆိုရင်တော့ အချိန်ပေးဖို့လိုလာပါပြီ။ ဘယ်လိုပဲဖြစ်ဖြစ်ရသလောက်အချိန်လေးမှာ တတ်နိုင်သလောက်သွားကြတာကလည်း ပျော်ရွှင်မှုပါဘဲ။ ခရီးသွားတာက မသိသေးတဲ့တစ်ယောက်အကြောင်းတစ်ယောက်ပိုပြီးသိလာခွင့်ရလာပါလိမ့်မယ်။ ပြီးတော့ ပိုပြီးကောင်းတဲ့အမှတ်တရလေးတွေကို ဖန်တီးပေးနိုင်မှာမဟုတ်ပါလား။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment