ဖားသားမန်ကျဉ်းရွက်ကြော် ပိန်းရိုးဟင်းခါး ပဲထောပတ်နှပ်








ဒီတစ်ပတ်တော့မိုးတွင်းမှစားရတဲ့ဖားသားကိုကင်မွန်းချဉ်ရွက်နဲ့ကြော်မယ် ပြီးရင်မယ်တော်မားသားရော ကိုယ်ပါကြိုက်တဲ့ ပိန်းရိုးကိုဟင်းခါးပူပူမွှေးမွှေးလေးချက်မယ်။ ပြီးမှအပူနဲ့အစပ်ဖြေဖို့ ပဲထောပတ်ချိုချိုဆိမ့်ဆိမ့်လေးနှပ်လိုက်မယ်။ ဒါဆိုရင်တော့မယ်တော်မားသားရောကိုပါအကြိုက်တွေကြီးမို့ ထမင်းစားလို့ကတော့မြိန်ဦးမှာအသေအခြာပဲပေါ့ဆွေမျိုးတို့ရာ။

ဖားသားကင်မွန်းချဉ်ရွက်ကြော်
ဖားအကောင်ခပ်လတ်လတ်လေးတွေကိုရေသေခြာဆေး ရေနွေးဖျောပြီးအရေခွံခွာ အရေခွံကြိုက်တဲ့ သူကျတော့လည်းမခွာပဲအချွဲစင်အောင်ပဲသခြာဆေးပြီး စဉ်းထားလိုက်မယ် ပြီးရင်ငါးငံပြာရည်လေးထည့်ပြီး နှံ့အောင်နယ် ခနနှပ်ထားလိုက်မယ်။ 

မန်ကျဉ်းရွက်လေးတွေကိုမလိုတာတွေဖယ်ပြီး ရေစင်စင်ဆေးရေပြန်စစ်ထားလိုက်မယ် ငရုတ်သီးခွဲခြမ်း ကြက်သွန်ဖြူနီကို ရောပြီးထောင်းထားတာကို နနွင်းမှုန့်နည်းနည်းထည့်ပြီးမွှေးလာတဲ့အထိဆီသတ် ပြီးမှနှပ်ထားတဲ့ဖားသားထည့်ပြီးခပ်နာနာလေးလုံးပေး။ ရေနည်းနည်းချင်းထည့်ပြီးဖားသားနူးတဲ့အထိတည် အရသာလိုအပ်ရင်ဆားလေးကြက်သားမှုန့်လးထည့်ပေါ့နော်။


ရေခန်းဆီပြန်လို့ဖားသားလေးကြွပ်လာပြီဆိုမှမန်ကျည်းရွက်လေးတွေထည့်ပြီးပြန်ကြော်လိုက်ပေါ့နော်
ဒါဆိုရင်တော့ အရမ်းစားလို့ကောင်းတဲ့ဖားသားမန်ကျည်းရွက်ကြော်တစ်ပွဲရပြီပေါ့ဆွေမျိုးတို့ရာ။


ပိန်းရိုးဟင်းခါး
ပိန်းရိုးကိုအခွံခွာ အနေတော်လေးတွေပိုင်းရေစင်စင်ဆေးပြီး နူးတဲ့ထိပြုတ် ပြီးမှအရည်တွေ သွန်ပြီးရေပြန်စစ် ကြေအောင်ခြေထား ပုဇွန်ကိုရေသေခြာဆေးအခွံခွာပြီးကြေရုံလေးလက်နဲ့အသာဖြစ်ထား ကြက်သွန်ဖြူနဲ့ငရုတ်ကောင်းကိုရောထောင်းထား။ ရေဆူလာရင် ပုဇွန်ထည့် ကြက်သွန်ဖြူနဲ့ ငရုတ်ကောင်းရောထောင်းထားတာထည့်ငါးငံပြာရည်သင့်ရုံထည့် ပြီးမှပြုတ်ပြီးခြေထားတဲ့ပိန်းရိုးထည့်
ဆယ်မိနစ်လောက်တည်ပြီးအရသာမြည်းကြည့်အပေါ့အငံလိုအပ်ရင်တော့ ဆားနဲ့ငါးငံပြာရည်သင့်ရုံထည့်ပေါ့နော်။ ဒါဆိုရင်တော့ပိန်းရိုးဟင်းခါးပူပူမွှေုးမွှေးလေးတစ်ခွက်ရပါပြီ။


ပဲထောပတ်နှပ်
ပဲထောပတ်တွေကိုအခွံခွာ ရေသေခြာဆေးရေပြန်စစ်ထားကြက်သွန်နီကိုခပ်ပါးပါးလှီး ရွှေရောင်သန်းတဲ့အထိကြော်၊ ပြန်ဆယ်ပြီးဆီစစ်ထားကြက်သွန်နီကြော်ထားတဲ့ဆီထဲကို ဓါးပြားရိုက်ပြီးစဉ်းထားတဲ့ကြက်သွန်ဖြူထည့်ဆီသတ် စိမ်းနံ့ပျောက်လို့မွှေးလာပြီဆိုတာနဲ့ပဲထည့် နနွင်းမှုန့်သင့်ရုံထည့်ပြီး ခပ်နာနာလေးလုံးပေး
ပြီးမှရေနည်းနည်းချင်းထည့် ဆားလေးသင့်ရုံထည့်ပြီးပဲနူးတဲ့အထိတည် ပဲနူးလို့ရေခန်းဆီလည်းပြန်ပြီ
အရသာအပေါ့အငံလည်းစိတ်ကြိုက်ရပြီဆိုရင်တော့အပေါ်ကနေကြက်သွန်နီကြော်လေးဖြူးပေးလိုက်ရုံပေါ့နော်
ဒါဆိုရင်တော့ အရသာရှိတဲ့ပဲထောပတ်နှပ်ချိုချိုဆိမ့်ဆိမ့်လေးတစ်ပွဲရပြီပေါ့

ဒီတစ်ပတ်တော့ဒီလောက်ပဲချက်ကျတာပေါ့ဆွေမျိုးတို့ရာနောပ်တစ်ပတ်မှနာက်တစ်မျိုးချက်ဖို့ပြန်ဆုံကျတာပေါနော်
အားလုံးအဆင်ပြေပျော်ရွှင်ကျပါစေ


Royal(Laputta)

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
Share on Google Plus

0 comments:

Post a Comment