ကိုယ်လိုချင်တဲ့ နေရာတစ်ခုရဖို့ဆိုတာ လွယ်လွယ်ကူကူနဲ့မဖြစ်နိုင်ဘူး…စုမြတ်နိုးဦး





အနုပညာလမ်းတဖြည်းဖြည်းဖြတ်သန်းလာခဲ့တဲ့ ခြေလှမ်းတွေဟာ နေရာတစ်နေရာအတွက်မျှော်လင့်ချက်လေးနဲ့ဆက်ခွင့်ရလာတယ်လို့ပြောရမယ့် အခွင့်အရေးတွေနဲ့ ဆုမြတ်နိုးဦးရဲ့အနုပညာလှုပ်ရှားမှုတွေဟာ အရှိန်လေးရလာခဲ့တာတွေ့ရပါတယ်။ ဒုတိယမင်းသမီးတစ်ယောက်ရဲ့ ခေါင်းဆောင်ဖြစ်လာခဲ့တဲ့ဇာတ်ကားကတော့ ဒါရိုက်တာညိုမင်းလွင် ရိုက်ကူးထားတဲ့ ယက္ကန်း ဇာတ်ကားဖြစ်ပြီး ထုတ်လုပ်ရေးကုမ္ပဏီတစ်ခုနဲ့လည်း ခေါင်းဆောင်မင်းသမီးအဖြစ်နဲ့ (၁၀)ကားစာချုပ်ချုပ်ထားတယ်လို့သိရပါတယ်။

တစ်ခုလိုချင်ရင်တစ်ခုပြန်စွန့်ရတယ်ဆိုတဲ့စကားရှိတယ
အခုလက်ရှိမှာတော့ ''ယောက္ခမကြီးကိုချစ်တယ်''ဆိုတဲ့ ဇာတ်ကားလေး ရိုက်နေပါတယ်။ ဒါရိုက်တာဦးသိန်းဟန်(ဖီးနစ်)ပါ။ မင်းသားကတော့ ခန့်စည်သူ၊ နေဒွေး၊ စိုးမြတ်နန္ဒာနဲ့ မြတ်နိုးပေါ့။ မိသားစုဇာတ်ကားလေးပါပဲ။ အခုဆိုရင် မြတ်နိုးရဲ့ အနုပညာသက်တမ်း(၄)နှစ်ကျော်ရှိပြီ။ အဲဒီမှာအကောင်းနဲ့ အဆိုးတွေကတော့ ဒွန်တွဲနေတာပါပဲ။ တစ်ခုလိုချင်ရင်တစ်ခုပြန်စွန့်ရတယ်ဆိုတဲ့စကားရှိတယ်လေ။ ကိုယ်လိုချင်တဲ့နေရာတစ်ခုရဖို့ဆိုတာလွယ်လွယ်ကူကူနဲ့မရပါဘူး။ ပတ်ဝန်းကျင်ကြောင့်ပဲဖြစ်ဖြစ်၊ အလုပ်ကြောင့်ပဲဖြစ်ဖြစ်၊ ကိုယ်မကျွမ်းကျင်သေးတာကြောင့်လည်း ဖြစ်ကောင်းဖြစ်နိုင်ပါတယ်။ မြတ်နိုးကတော့ ကိုယ်ရှေ့ဆက်သွားမယ့်လမ်းခရီးအတွက် သင်ခန်းစာတွေမှတ်ပြီးတော့ အဆင်ပြေပြေနဲ့ပဲကျော်ဖြတ်ခဲ့တယ်။ လွတ်လပ်မှုတွေကလည်း အနည်းနဲ့အများဆုံးရှုံးသွားပေမယ့် နောင်တရတာမျိုးတော့မရှိပါဘူး။ ဒီအလုပ်ကိုမြတ်နိုး စလုပ်ကတည်းက ကိုယ်ကလုပ်ချင်လွန်းလို့ အိမ်ကိုခွင့်တောင်းပြီးလုပ်ခဲ့တာကြောင့်နောက်ပြန်လှည့်ဖို့ဆိုတဲ့စိတ်ကူးမျိုးမတွေးမိပါဘူး။

ကိုယ်က ခေါင်းဆောင်မင်းသမီးဆိုတာထက် သရုပ်ဆောင်ကောင်းတစ်ယောက်ဖြစ်အောင်ကြိုးစားသွားမှာပါ…
မြတ်နိုးဖြတ်သန်းလာခဲ့တဲ့လမ်းကိုသိပါတယ်။ ခေါင်းဆောင်မင်းသမီးဖြစ်ပြီလို့လည်း ကိုယ့်ကိုယ်ကိုယ်မမှတ်ယူပါဘူး။ (၁၀)ကားစာချုပ်ချုပ်ထားတာ (၃)ကားတော့ရိုက်ပြီးသွားပါပြီ။ ပြီးတော့ ကိုယ်က ခေါင်းဆောင်မင်းသမီးဆိုတာထက် သရုပ်ဆောင်ကောင်းတစ်ယောက်ဖြစ်အောင်ကြိုးစားသွားမှာပါ။ ပရိသတ်ရဲ့အားပေးမှုရလာတဲ့နေရာမို့လည်းတန်ဖိုးထားပါတယ်။ မြတ်နိုးအတွက်အနုပညာဝမ်းစာ အများကြီးဖြည့်ရဦးမှာပါ။ ကိုယ်လုပ်ရမယ့်ကာရိုက်တာအပေါ်မှာလေ့လာမှုအားကောင်းမှလည်း လုပ်နိုင်မှာပါ။ အနုပညာအရလုပ်ခွင့်ရတာလေးတွေက နည်းသေးတဲ့အတွက် ဇာတ်ရုပ်တွေ၊ ကာရိုက်တာတွေကတော့မစုံသေးပါဘူး။ ဒုတိယနေရာကပဲဖြစ်ဖြစ် ခေါင်းဆောင်ပဲဖြစ်ဖြစ် ကိုယ့်အလုပ်ကိုအကောင်းဆုံးဖြစ်အောင်ကြိုးစားပါတယ်။ မြတ်နိုးကမိန်းကလေးဆိုပေမယ့် တစ်ခါတစ်ခါမိန်းမမဆန်တာမျိုး၊ နွဲ့နွဲ့နှောင်းနှောင်းလည်းမရှိတော့ မိန်းကလေးတစ်ယောက်အနေနဲ့ ပဲများတဲ့အိုက်တင်မျိုး၊ တချို့အိုက်တင်တွေဆို မိန်းမမဆန်လို့ သူငယ်ချင်းတွေကတော်တော်လေးဝေဖန်ကြတာတောင်ခံရတယ်။

ဝါသနာပါပြီးလုပ်တာ ပိုသင့်တော်တယ်
အခုနောက်ပိုင်းအသစ်တွေပေါ်လာတာ ကောင်းပါတယ်။ ဒါပေမဲ့ တကယ်ဝါသနာပါပြီး လုပ်တာပိုသင့်တော်တယ်။ ကိုယ့်ရဲ့စီနီယာတွေကိုလေးစားပြီးတော့ အတုယူသင့်တာအတုယူ မေးသင့်တာတွေမေးပြီး ကြိုးစားလုပ်ပေါ့။ အဲဒါမှ ကိုယ်လိုချင်တဲ့နေရာကိုရမှာပေါ့။ အသစ်တွေ ပေါ်လာတိုင်းလည်းမြတ်နိုးမှာစိုးရိမ်စိတ်မရှိပါဘူး။ ဒီအလုပ်က ပင်လယ်ရေလိုပါပဲ။ ဘယ်လောက်သောက်သောက်မကုန်နိုင်ပါဘူး။ ကိုယ့်နေရာနဲ့ကိုယ်၊ ကိုယ့်ပရိသတ်နဲ့ကိုယ်ပါပဲ။ ကိုယ့်ပရိသတ်ကသူ့ကိုအားပေးနေတာရှိသလို သူ့ပရိသတ်ကလည်း ကိုယ့်ကိုအားပေးနေတာမျိုးလည်းရှိနိုင်ပါတယ်။ ဒါကတော့ ကိုယ့်ရဲ့ကြိုးစားမှုနဲ့ ကံတွေ စန်းတွေနဲ့ပဲ ဆိုင်ပါတယ်။ တစ်ယောက်နဲ့တစ်ယောက်ပြိုင်ဆိုင်နေဖို့မလိုပါဘူး။

အိမ်ထဲမှာပစ္စည်းလေးတွေက သူ့နေရာနဲ့သူ သပ်သပ်ရပ်ရပ်စီစီရီရီထားတာကိုသဘောကျတယ်…
အိမ်ကိုအလှဆင်ရတာထက် ရှင်းရှင်းလေးဖြစ်နေတာကိုသဘောကျတယ်။ အိမ်ထဲမှာ ပစ္စည်းလေးတွေက သူ့နေရာနဲ့သူ သပ်သပ်ရပ်ရပ်စီစီရီရီထားတာကို သဘောကျတယ်။ ပန်းချီကားတပ်ထားတာတို့၊ ဓာတ်ပုံချိတ်တာတို့မကြိုက်ဘူး။ မြတ်နိုးအခန်းထဲမှာဆိုရင် ဘာမှမရှိဘူး။ အရုပ်တွေပဲရှိတယ်။ ကျန်တာကတော့သိပ်ပြီးအလှမဆင်ဘူး။ လိုက်ကာဆိုရင် အစိမ်းရောင်သုံးတာများတယ်။ အရောင်နုလေးတွေသုံးတာများတယ်။

ကိုလေးဖြူတို့၊ ကိုအငဲတို့၊ ကိုမျိုးကြီးတို့လည်းကြိုက်တယ် အရမ်းဆူညံပြီးဝုန်းဒိုင်းကြဲနေတာမျိုးတော့မကြိုက်ဘူး…
မြတ်နိုးကသီချင်းအေးအေးလေးတွေကိုပိုကြိုက်တယ်။ Pop သီချင်းချိုချိုလေးတွေပေါ့။ ကိုလေးဖြူတို့၊ ကိုအငဲတို့၊ ကိုမျိုးကြီးတို့လည်း ကြိုက်တယ်။ အရမ်းဆူညံပြီး ၀ုန်းဒိုင်းကြဲနေတာမျိုးတော့မကြိုက်ဘူး။ သီချင်းအမျိုးအစားအကုန်လုံးကိုတော့ နားထောင်ပါတယ်။ မြတ်နိုးလည်း ပရိသတ်တွေကိုဖျော်ဖြေဖို့အတွက် တစ်ပုဒ်စနှစ်ပုဒ်စစီစဉ်ထားတာတော့ရှိပါတယ်။ အခွေတော့မထုတ်ပါဘူး။ မြတ်နိုးသီချင်းဆိုဖူးပါတယ်။ ကော့သောင်းနဲ့ကြံခင်းမှာဆိုဖူးတယ်။ ဒါပေမဲ့ သိပ်ပြီးအဆင်မပြေဘူးလို့ခံစားရတယ်။

ဘုရားတရားလုပ်တော့ စိတ်ငြိမ်တယ်၊ စိတ်အစွန်းမရောက်ဘူး
အမြဲတမ်းတော့ မေတ္တာသုတ်ရွတ်တယ်။ သရဏဂုံရွတ်တယ်။ ပဋ္ဌာန်းလည်းရွတ်တယ်။ ဒါကတော့ နေ့စဉ်ပုံမှန်လုပ်နေကျအလုပ်ပေါ့နော်။ အဲဒီလိုဘုရားတရားလုပ်တော့ စိတ်ငြိမ်တယ်၊ စိတ်အစွန်းမရောက်ဘူး။ ထိန်းထားနိုင်တာပေါ့။ လူတိုင်းကတော့အမှားနဲ့မကင်းဘူး။ ဒါပေမဲ့ ကိုယ့်ရဲ့စိတ်ကို ဖြူစင်အောင်၊ ရှင်းအောင်ထားတယ်။ သူများအပေါ်အငြိုးမထားဘူး။ အကုန်လုံးကို မေတ္တာထားတယ်။ ခရီးသွားရင်လည်းမြတ်နိုးက သံဗုဒ္ဓေကိုတစ်လမ်းလုံးရွတ်သွားတတ်တယ်။

ပရဟိတကိုလမ်းမှာကြုံရင်ကြုံသလိုလုပ်ဖြစ်တယ်
ပရဟိတကိုတော့ မြတ်နိုးတတ်နိုင်သလောက်ကူညီပေးပါတယ်။ လမ်းမှာကြုံရင်ကြုံသလိုလုပ်ဖြစ်တယ်။ မီးပွိုင့်မှာကားရပ်နေတဲ့အချိန် ဈေးရောင်းတဲ့ကလေးတွေကိုလည်း ကူညီသင့်သလောက်ကူညီတယ်။ အဲဒါလည်း ပရဟိတလို့ပြောရင်ရတာပဲလေ။ ကိုယ့်ပတ်ဝန်းကျင်ကလူတွေ လိုအပ်တဲ့အရာမျိုးတွေလှူတယ်။ မြတ်နိုးကအ၀တ်အစားပေါတဲ့အတွက် အ၀တ်အစားလှူတာမျိုးတွေလည်းရှိတယ်။ သူတို့လိုအပ်တာလေးဖြည့်ဆည်းပေးလိုက်တဲ့အတွက် ကိုယ့်ကိုယ်ကိုယ်ပီတိဖြစ်မိတယ်။ ကိုယ့်မွေးနေ့မှာဆိုရင် ပြီးခဲ့တဲ့နှစ်က ကျိုက်ထိုမြို့ကဘုန်းကြီးကျောင်းမှာ အလှူလုပ်ဖြစ်တယ်။ အဲဒီမှာရှိတဲ့ မိဘမဲ့ကလေးတွေ၊ ဆင်းရဲတဲ့ကလေးတွေကို လိုအပ်တဲ့အရာလေးတွေလှူဖြစ်တယ်။ ဒီနှစ်မွေးနေ့မှာလည်း လှူဖို့ရှိပါတယ်။


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်



Share on Google Plus

0 comments:

Post a Comment