ခရီးသွားတယ်ဆိုတာ....ဂျာဆိုင်းအိမ်













ခရီးသွားတယ်ဆိုတာအရမ်းစိတ်လှုပ်ရှားဖို့ကောင်းတယ်…ဂျာဆိုင်းအိမ်
ညီမအတွက်ကတော့ ခရီးသွားတယ်ဆိုတာ ကိုယ့်အတွက်အသစ်အဆန်းတွေလည်းထိတွေ့ခံစားရစေတယ်။ စိတ်ကိုလည်း ပိုလှုပ်ရှားစေတယ်။ ခရီးသွားပြီဆိုရင် ဒီဒေသရဲ့ ဒီနိုင်ငံရဲ့ သူတို့ရဲ့ Culture ပြီးလို့ရှိရင် သူတို့ရဲ့အစားအစာ သူတို့လူမျိုးအကြောင်းတွေ အားလုံးအသစ်အဆန်းတွေဖြစ်စေတယ်။  အရမ်း စိတ်လှုပ်ရှားဖို့ကောင်းတယ်။

အင်းလေး၊ ပုဂံ၊ ကလော၊ ရှမ်းပြည်နယ်၊ အဲဒီဘက်တွေကို သွားဖြစ်ပါတယ်…
ပြည်တွင်းသွားဖူးတဲ့နေရာတွေကတော့ တော်တော်များများတော့ရှိတာပေါ့။ ဒါပေမဲ့ ခရီးသွား ဖို့ကောင်း တဲ့နေရာတွေကတော့ ချင်းပြည်နယ်ရယ်၊ ပြီးတော့ အင်းလေး၊ ပုဂံ၊ ကလော၊ ရှမ်းပြည်နယ် ဘက် တို့ပေါ့နော်။ အဲဒီဘက်တွေကိုကြိုက်တယ်။ အဲဒီဘက်တွေကိုသွားဖြစ်ပါတယ်။ 

အမှတ်တရအနေနဲ့ကတော့ တောင်ပေါ်စိန်လုံမြို့ကိုသွားတာ ဟိုရောက်တော့ဖျားသွားတယ်…
အမှတ်တရအနေနဲ့ကတော့ ညီမက ကချင်တိုင်းရင်းသူလည်းဖြစ်တဲ့အခါကျတော့ တစ်ခေါက် ခရီးသွား တဲ့အခါ ညီမတို့ကချင်ပြည်နယ်ပဲ။ ဒါပေမဲ့ ညီမမရောက်ဖူးဘူး။ ကချင်ပြည်နယ်က တရုတ်ပြည်နဲ့ နယ်စပ်ပေါ့နော်။ တောင်ပေါ်စိန်လုံမြို့ကိုသွားရတယ်။ အဲဒီမှာ တော်တော်အေးတယ်။ အခုအချိန်တောင် သူကတော်တော်လေးအေးတယ်။ ဆောင်းတွင်းလိုမျိုးခံစားရတယ်။ အဲဒီမှာညီမက မသိသေးဘူး။ 

ရန်ကုန်ကနေတစ်ခါတည်းလာတာဆိုတော့ အဲဒီအချိန်က ရန်ကုန်မှာကပူနေတာလေ။ ဟိုမှာအ ရမ်းအေးတာမနက်ဆိုရင်လည်းမြူခိုးတွေကအရမ်းများတဲ့အခါကျတော့ ညီမဟိုမှာရောက်ရောက်ခြင်း ဖျားသွားတာပေါ့နော်။ တကယ်လို့ကိုယ်ခရီးသွားမယ်ဆိုရင် အဲဒီနေရာက ရာသီဥတု အခြေအနေလေ့ လာပြီးမှသွားရင်ပိုကောင်းတာပေါ့။ ညီမဆိုကြိုတင်မလေ့လာသွားတော့ ဟိုရောက်တော့ဖျားသွားတယ်။ အဲဒါကတော့ အမှတ်တရပေါ့။ 

ဘန်ကောက်ခေတ်စားနေတော့ ဘန်ကောက်သွားဖြစ်တယ်…
ညီမပြည်ပခရီးစဉ်ကတော့အများကြီးမသွားဖူးဘူး။ အခုက ဘန်ကောက်ခေတ်စားနေတော့ ဘန်ကောက်သွားဖြစ်တယ်။ ပြီးတော့ မလေးရှား။ ပြီးတော့ ညီမကချင်ပြည်နယ်ဘက်က တရုတ်ပြည်ပေါ့။ အဲဒီလောက်ပါပဲ။ 

ညီမတို့ မလေးရှားသွားတုန်းက Immigration မှာ ထိန်းသိမ်းတာခဏခံလိုက်ရတယ်
ပြည်ပခရီးစဉ်အမှတ်တရလို့ပဲပြောရမလား။ ညီမတို့ မလေးရှားသွားတုန်းကပေါ့နော်။ ညီမတို့ အနုပညာမောင်နှမတွေ ၁၀ ယောက်ကျော်လောက်တော့ရှိတယ်ပေါ့နော်။  

 အဲဒီမလေးရှားကိုသွားတဲ့အချိန်မှာ Immigration မှာ ညီမတို့ထိန်းသိမ်းတာ ခဏခံလိုက်ရတယ်။ အုပ်စုလိုက်လူအများကြီးဆိုတော့ မလေးရှားနိုင်ငံက နိုင်ငံနည်းနည်းကျပ်တယ်ဆိုတော့ပေါ့နော်။ အဲဒီလိုဆိုတော့ ညီမတို့လူအများကြီးလာတာဆိုတော့ သူတို့က Immigration မှာခဏခေါ်သွားတယ်။ 

ညီမအဲဒီမှာနည်းနည်းလန့်သွားတာပေါ့နော်။ နာရီဝက် ၁နာရီလောက်ညီမတို့ကိုသူတို့က မဖြတ်ခိုင်းဘူး။ Immigration မှာစောင့်ခိုင်းပြီးတော့ အကြာကြီးပဲ။ တစ်ခါမှလည်းအဲဒီလိုမဖြစ်ဖူးဘူးဆိုတော့ အဲဒီအချိန်မှာနည်းနည်းတော့ထိတ်လန့်သွားတာပေါ့။ အဲဒါကတော့အမှတ်တရပါပဲ။ 

ခရီးသွားရင်တော့ Sunglasses ၊ Sunblocks တွေသုံးတယ်…
ခရီးသွားရင်မပါမဖြစ်ယူသွားတဲ့ပစ္စည်းကတော့ ညီမဒီတိုင်းနေရင် Sunglass တွေမသုံးဘူး။ ခရီးသွားရင်တော့ Sunglasses Sunblocks တွေသုံးတယ်။ အဲဒါတွေထည့်တယ်။ ညီမလက်ကိုင်အိတ်ထဲမှာအဲဒါကိုအမြဲတမ်းထည့်ထားတယ်။ ခရီးသွားရင်ပထမဦးဆုံးမပါမဖြစ်ယူသွားတဲ့ပစ္စည်းပါ။ 

မေနိုင် တွေ့မေးသည်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment