အနုပညာအလုပ်အပေါ် စေတနာမထားကြလို့ ရုပ်ရှင်လောကနိမ့်ကျလာတယ်…









အနုပညာအလုပ်အပေါ် စေတနာမထားကြလို့ ရုပ်ရှင်လောကနိမ့်ကျလာတယ်…
ကျော်သူ
 
ငါတို့ကတော့ ပရိသတ်အကြိုက် ဟာသတွေကြီးရိုက်မယ်၊ နယ်ကြိုက်ဖိုက်တင်းကားတွေကြီးပဲရိုက်မယ် ဆိုရင်တော့ ရေရှည်မှာမကောင်းဘူး။ ဇာတ်အိမ်ကောင်းကောင်းနဲ့အဓိပ္ပါယ်ရှိတဲ့ဇာတ်လမ်း၊ အများ အကျိုးပြု ဇာတ်ကားတွေကလည်း များများပေါ်ထွက်လာနိုင်ဖို့ အရေးကြီးတယ်။ အချစ်ဇာတ်ကား ဆိုရင်လည်း မိဘမေတ္တာတရားနဲ့ နှိုင်းယှဉ်ပြီးသရုပ်ဖော်ပြနိုင်ဖို့အရေးကြီးတယ်။ ဒါတွေတွက်ရမှာကထုတ် လုပ်သူတွေ။ သရုပ်ဆောင်အနုပညာရှင်တွေက ပရိသတ်ရဲ့ဦးဆောင်မှုနောက်ကိုလိုက်မှာလား။ ကျွန်တော့်တို့အနုပညာ သမားတွေအတွက် ဆိုရိုးစကားတောင်ရှိသေးတယ်။ အနုပညာသမားတွေက တိုင်းပြည်ရဲ့မျက်နှာဖုံးတဲ့ တိုင်းပြည်ရဲ့မျက်နှာဖုံးဆိုရင် အနုပညာသမားဆိုတာစံပြဖြစ်ရမယ်။ ကိုယ့်ရဲ့ကာရိုက်တာ၊ ကိုယ့် ဇာတ်ကောင်တွေကို သဘာဝကျကျပီပြင်အောင်သရုပ်ဆောင်ပြရမယ်။ ပြည်သူလူထုအကျိုးရှိမယ့် ဇာတ် ကား မျိုးကိုလည်း စံပြဖြစ်အောင်သရုပ်ဆောင်ပြရမယ်။ ပရိသတ်ရဲ့အကြိုက် ပရိသတ်ရဲ့ဦးဆောင်မှု နောက်လိုက်နေမယ်ဆိုရင်တော့ ကိုယ့်အတွက်ရော အနုပညာလောကအတွက်ပါ ရေရှည် အတွက် မကောင်းနိုင်ဘူး။

စက်ပစ္စည်းနဲ့နည်းပညာ အပိုင်းတွေတိုးတက်လာပေမယ့် အနုပညာဖန်တီးမှုအပိုင်းမှာ မတိုးတက်တာ အဲဒါစေတနာမထားတဲ့ အပိုင်းပေါ့။ ကိုယ့်အနုပညာအလုပ်အပေါ်စေတနာမထားကြလို့ ဒီလိုတွေ ရုပ်ရှင်လောက နိမ့်ကျလာတယ်။ ထုတ်လုပ်သူပိုင်းကလည်း စေတနာထားရမယ်။ ကိုယ်ကဇာတ်ကား တစ်ကားကို မြန်မြန်ပြီး မြန်မြန်ရုံတင်လို့ရအောင်လုပ်တယ်။ မြန်မြန်လုပ်တယ်ဆိုကတည်းက ဘယ်အရာမ ဆို အကောင်းထက် အဆိုးဘက်ကိုရောက်ဖို့များတယ်။ တကယ့်ကိုစေတနာထားပြီးကြိုး စားလုပ်ရင်တော့ စေတနာကောင်း ကျိုးကိုခံစားရမှာပဲ။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment