တစ်ယောက်တည်းပျင်းရိငြီးငွေ့တဲ့အခါ…










လူတိုင်းက တစ်နေ့တာမှာပျင်းရိငြီးငွေ့စရာကောင်းတဲ့အချိန် အနည်းဆုံးကြုံဖူးကြမှာပါ။ ဘာမှလုပ်စရာ ကိုင်စရာမရှိ ပျင်းလွန်းလို့ အိပ်ရာထဲတစ်နေကုန်နီးပါးလှဲနေတာ၊ အိမ်ထဲမှာဘဲ မရေတွက် နိုင်လောက်အောင် အကြိမ်ပေါင်းများစွာလမ်းလျှောက်နေရတဲ့ အခြေအနေမျိုးတွေ့ကြုံဖူးမှာပါ။ အဲဒီလို အချိန်မျိုးမှာ ပျော်ရွှင်စရာ၊ စိတ်အပန်းဖြေစရာအခြေအနေတစ်ခုတောင့်တဖူးမှာပေါ့။ ပျင်းရင်ဘာလုပ်ကြမလဲ။

ပဟေဠိဂိမ်းကစားပါ
ငယ်ငယ်တုန်းကတော့ ဂိမ်းကစားတာလောက်ပေါ့။ ဂ်ိမ်းကစားရရင် တစ်လောကလုံးကိုမေ့လျော့နေတာမျိုး၊ ဒါပေမယ့် အသက်အရွယ်ရလာတဲ့အခါ ဂိမ်းလည်းကစားတာကစားပါရဲ့။ ဒါပေမယ့် တစ်နေကုန် လည်းမကစားနိုင်။ ဂိမ်းလည်းကစား၊ ဟိုဟာလည်းလုပ်ချင်၊ ဒီဟာလည်းလုပ်ချင်၊ စိတ်ကလည်းဂနာမငြိမ်နဲ့ တဖြည်းဖြည်းပျင်းရိလာပါတယ်။ အဲဒီလိုအခြေအနေမျိုးမှာတော့ ပဟေဠိဖွက်တာလိုမျိုး စိတ်ကိုတွေးရ တဲ့အလုပ်ပေးရတဲ့ဂိမ်းမျိုးကစားကြည့်ပါ။ စိတ်လည်းကြည်လာသလို ဉာဏ်ရည်လည်း ထက်မြတ်လာ ပါလိမ့်မယ်။

အဖွဲ့လိုက်ကစားပါ
တစ်ယောက်တည်းကစားတာထက် အသင်းအဖွဲ့လိုက်ကစားတာပိုကောင်းပါတယ်။ ကိုယ်နဲ့ပြိုင်ဘက် သူငယ်ချင်းတွေလည်းရှိနေတဲ့အတွက် သူတို့နဲ့ယှဉ်ပြိုင်အနိုင်ယူလိုစိတ်တွေ ဖြစ်ပေါ်စေသလို တစ်ယောက်နဲ့ တစ်ယောက် ပိုပြီးရင်းနှီးမှုရစေပါလိမ့်မယ်။

ပုံဆွဲပါ
ပျင်းရိငြီးငွေ့စရာအချိန်တွေကိုကျော်ဖြတ်ဖို့ နောက်ထပ်နည်းလမ်းတစ်ခုကတော့ ပန်းချီဆွဲတာပါ။ ပန်းချီ ဆွဲတာက ဦးနှောက်ထဲအရောင်တွေစပ်ဟပ်စေရတာဖြစ်သလို စိတ်ထွက်ပေါက်ပေး ရာလည်းရောက် ပါတယ်။ တည်တည်ငြိမ်ငြိမ်နဲ့ ဖန်တီးရေးဆွဲရတာဖြစ်တဲ့အတွက် စိတ်လည်းပိုပြီးတည်ငြိမ်စေပါတယ်။

အစဉ်တကျပြန်စီပါ
စာအုပ်တွေစီတာက ပျင်းရိငြီးငွေ့နေချိန်မှာ ပိုပြီးပျင်းစရာကောင်းတဲ့အလုပ်လို့ထင်ရပေမယ့် တကယ်က မဟုတ်ပါဘူး။ ပျော်စရာတောင်ပိုကောင်းနေပါသေးတယ်။ လက်ရှိစာအုပ်စင်နဲ့မတူတဲ့ပုံစံမျိုး အသစ်အ ဆန်းဖြစ်သွားအောင် စာအုပ်တွေကိုပြန်စီပါ။ စာအုပ်တွေပြန်ရှင်းလင်းရင်းနဲ့ ကိုယ်ဖတ်ခဲ့၊ မှတ်ခဲ့တဲ့ မှတ်စုလေးတွေပြန်လှန်ဖတ်ရတဲ့အရသာက ဘာနဲ့မှမလဲနိုင်အောင်ပါဘဲ။

သီချင်းဆိုပါ
ပျင်းရိငြီးငွေ့နေမှတော့ စိတ်ကိုလန်းဆန်းအောင်လုပ်ရမှာပေါ့။  အဲဒီတော့ သူငယ်ချင်းတွေစုပြီးသီချင်းဆိုပါ။ သူငယ်ချင်းတွေနဲ့ ပျော်ပျော်ပါးပါးကခုန်သီဆိုနေတာက စိတ်ကိုတစ်ဖန်ပြန်လည် လန်းဆန်းစေပါလိမ့်မယ်။

လမ်းလျှောက်ပါ
ပျင်းရိငြီးငွေ့တာကိုဖြေပျောက်ဖို့ နည်းလမ်းကောင်းတစ်ခုရှိပါသေးတယ်။ အဲဒါကတော့ လမ်းလျှောက်ခြင်း ပါပဲ။ အိမ်ထဲမှာလမ်းလျှောက်တာထက် အပြင်ထွက်ပြီးလမ်းလျှောက်ပေးပါ။ လမ်းလျှောက်ရင်း သဘာဝ ပတ်ဝန်းကျင်အလှကိုခံစားပြီး ပတ်ဝန်းကျင်ကလူအများကိုလေ့လာပါ။ စိတ်ထဲမှာကြည်လင် လန်းဆန်းလာပါလိမ့်မယ်။

စာတိုလေးတစ်ခုပို့ပါ
ပျင်းရိငြီးငွေ့နေချိန်မှာ တစ်ယောက်နဲ့တစ်ယောက်စာတိုလေးတွေပို့ပါ။ သူငယ်ချင်းအချင်းချင်းပျော်ရွှင်ရင်း စာလေးတွေပို့တာကလည်း စိတ်ကိုပျော်ရွှင်စေပါလိမ့်မယ်။

စာရင်းလုပ်ပါ
စာရင်းလုပ်ပါဆိုလို့ ဂဏန်းသချာင်္၊ စာရင်းဇယားတွေကိုပြောတာမဟုတ်ပါဘူး။ နောက်တစ်နေ့ကျရင် ဘာလုပ်မယ်၊ ဘာအစီအစဉ်တွေရှိတယ်ဆိုတာတွေကိုပြောတာပါ။ ဒီလိုအစီအစဉ်တွေမရှိရင်တောင် ဘာစားမယ်၊ ဘာသောက်မယ် ဆိုတာလေးတွေစဉ်းစားပြီး စာရင်းလုပ်ပါ။ စိတ်ကတစ်ဖန်ပြန်ပြီးကြည်လင်လာပါလိမ့်မယ်။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment