ပြောင်းလဲချင်သော်လည်း တားဆီးနေသောစိတ်…








အောင်မြင်မှုကိုပိတ်ဆို့စေတဲ့အကြီးမားဆုံးအရာကတော့ ကိုယ့်ကိုယ်ကိုယ်ယုံကြည်စိတ်နည်းနေခြင်းပါ။ တကယ်တော့လူတွေကမွေးလာကတည်းက အရည်အချင်းကအတူတူပါပဲ။ တချို့က ဘ၀အစမှာအဆင်ပြေပြေစခဲ့ရတာပေါ့။ ဒါပေမဲ့ ပြောင်းလဲချင်တဲ့လူက ပြောင်းလဲချင်စိတ်ရှိရင် ဘယ်အရာမဆိုပြောင်းလဲနိုင်ပါတယ်။ သတ္တိရှိမယ်ဆိုရင်ကိုယ်ရောက်နေတဲ့နေရာကနေ ရှေ့တစ်လှမ်းတိုးပြီး သူများနဲ့မတူတဲ့အရာတွေကိုခံစားရနိုင်ပါတယ်။ ဒါပေမဲ့လည်း ဒီအချက်တွေက အလွယ်တကူမရနိုင်ပါဘူး။ ကိုယ်လုပ်နိုင်ပါလျှက် ကိုယ့်ကိုယ်ကိုယ်ပိတ်ဆို့တားဆီးထားတဲ့အရာတွေရှိနေပါသေးတယ်။

“မလုပ်နိုင်ဘူး”ဆိုတဲ့စကားလုံး

ငါ မာရသွန်မပြေးနိုင်ဘူး။ ငါဘွဲ့ရနိုင်မှာမဟုတ်ဘူး။ ငါအလုပ်အသစ်စလုပ်ဖို့မဖြစ်နိုင်ဘူး။ ဘယ်အရာကိုမှ အစမပြုရသေးခင် မလုပ်နိူင်ဘူးဆိုတဲ့ အငြင်းစားလုံးတွေက ကိုယ့်ရဲ့အောင်မြင်လိုစိတ်ကို ပိတ်ဆို့နေတဲ့ကန့်သတ်ချက်တွေပါ။

လုံခြံမှုယူလွန်းခြင်း

လူအများစုဖြစ်လေ့ရှိတဲ့ပြဿနာတစ်ခုက ကိုယ့်ကိုယ်ကိုယ်လုံခြုံစိတ်ချတဲ့ဘောင်အတွင်းမှာနေခြင်းပါဘဲ။ ဒါက ကိုယ်မရင်းနှီးမကျွမ်းဝင်တဲ့အရာတွေကို ဘာမှမလုပ်ဖူးလို့လည်း အဓိပ္ပါယ်သက်ရောက်ပါတယ်။ မလုပ်တော့ အသစ်အသစ်တွေကိုမသိဘူး။ မသိတော့ဘာမှတိုးတက်မှုမရှိဘူးပေါ့။ နောက်ဆုံးရလာဒ်က ဘာမှမအောင်မြင်တော့ပါဘူး။

စိတ်ရှည်သည်းခံမှုကင်းမဲ့ခြင်း

လူတိုင်းချက်ခြင်းထလုပ် လက်ငင်းအကြိုးခံစားချင်ကြတာသဘာဝပါ။ လက်ငင်းမခံစားရတဲ့အခါ လုပ်လက်စတွေကိုရပ်တန့်လိုက်တာတွေတောင်ရှိပါတယ်။ ဘဝမှာအောင်မြင်ပါတယ်ဆိုတဲ့အရာတွေက အချိန်ယူကြရတာချည်းပါဘဲ။ အဲဒါကြောင့် ကိုယ့်ဘဝကြီးကိုပြောင်းလဲပြစ်ချင်တယ်ဆိုတယ်ဆိုရင် ပြောင်းလဲဖို့အတွက် အချိန်ယူရပါလိမ့်မယ်။

အပြောင်းအလဲကိုကြောက်ရွံ့ခြင်း

အပြောင်းအလဲကိုကြောက်ရွံ့တာကလည်း လူအများစုအတွက်ပြဿနာတစ်ခုပါ။ သူတို့နေ့စဉ်ကျင်လည်နေတဲ့ပတ်ဝန်းကျင်ကနေပြောင်းလဲရမယ်ဆိုတဲ့အခါ မဖြစ်လာသေးတဲ့ဆုံးရှုံးမှုတွေကို ကြိုတင်တွေးယူကြပါတယ်။ အဒါကလည်း ကိုယ့်စိတ်ကိုယ်ဟန့်တားနေတဲ့အရာတစ်ခုပါ။

မကွဲပြားချင်ဘူး

တစ်စုံတစ်ယောက်လုပ်သွားတဲ့နောက်ကနေ သူ့လမ်ကြောင်းအတိုင်း လိုက်လုပ်သွားရတာလွယ်ကူပါတယ်။ ဒါပေမယ့် ဒါကိုယ်လုပ်ချင်တာလားဆိုတာ ကိုယ့်ကိုယ်ကိုယ်ပြန်မေးကြည့်ပါ။ အောင်မြင်နေတဲ့လူတွေ၊ ခေါင်းဆောင်ကောင်းတွေက သူများနဲ့မတူတဲ့အတွေး၊ လမ်းကြောင်းတွေကနေမတူခွဲထွက်ပြီး အောင်မြင်လာကြသူတွေပါ။

မျှော်လင့်ဖို့မေ့လျော့နေကြတယ်

တစ်ခါတရံမှာလူတွေကလက်တွေ့ကျလွန်းတဲ့အတွက် အနာဂတ်ကိုမျှော်လင့်ဖို့မေ့လျော့နေတတ်ကြပါတယ်။ အဲဒါကြောင့်လည်း မျှော်လင့်ချက်ဆိုတဲ့အရာကို ကြောက်ရွံ့လာကြပါတယ်။ ရည်မှန်းချက်တွေကို နည်းလမ်းကျကျစဉ်းစားလွန်းတဲ့အတွက် 'အိမ်မက်တွေ တကယ်ဖြစ်လာမယ်' ဆိုတဲ့စကားလုံးကိုမေ့လျော့လာကြပါတယ်။

ရှုံးနိမ့်မှုကို လက်မခံလွန်းခြင်း

အလုပ်တစ်ခုက မအောင်မြင်ရင်၊ အောင်မြင်ရင်ဆိုတဲ့ဖြစ်နိုင်ခြေ (၂)ခုဘဲရှိပါတယ်။ ဖြစ်နိုင်ခြေနှစ်ခုထဲက အောင်မြင်မှုကိုပဲလိုချင်ကြတာ လူတွေရဲ့သဘာဝပါ။ မအောင်မြင်ရင်ဆိုတဲ့စကားလုံးက အလုပ်တစ်ခုကိုရှေ့ဆက်တိုးဖို့ အတားအဆီးတစ်ခုဖြစ်နေပါတယ်။

နှလုံးသားကိုနားထောင်ပါ

တစ်ခါတစ်ရံမှာ နှလုံးသာရဲ့စကားသံက ကိုယ်တကယ်အဖြစ်ချင်ဆုံးဆန္ဒဖြစ်နေပါတယ်။ ဦးနှောက်ကိုပဲသုံးပြီး ဘ၀ကိုရှေ့ဆက်နေတဲ့ခေတ်ကြီးထဲမှာ လူသားတွေက နှလုံးသားဆိုတာကိုမေ့လျော့လာကြပါတယ်။

ရန်နိုင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်



Share on Google Plus

0 comments:

Post a Comment