ဘဲသားပိန်းဥနှပ်၊ သပြုသီးဟင်းလှော်၊ ကြက်ရိုးဟင်းချို


မြန်မာဟင်းပွဲတွေစရေးကတည်းက တစ်ခါမှ ဘဲသားနဲ့ပတ်သက်တဲ့ဟင်းမပါသေးဘူးဖြစ်နေတယ်။ ဒီတစ်ပတ်ပိတ်ရက်မှာတော့ ဘဲသားကိုအဓိကဟင်းပွဲအနေနဲ့ချက်မယ်စိတ်ကူးတယ်။ အရံဟင်းအတွက်ကတော့ မယ်တော်မားသားစားချင်နေတဲ့ သပြုသီးလေးကိုပဲ ဟင်းလှော်ပုံစံလေးချက်လိုက်မယ်။ ဟင်းချိုကတော့ လွယ်လွယ်ကူကူကြက်ရိုးဟင်းချိုလေးပဲချက်တော့မယ်။ ဘဲသားကိုတော့ မစားတာကြာနေလို့ သူ့ချည်းမစားချင်ဘူးဖြစ်နေတယ်။ မယ်တော်မားသားက ပိန်းဥလေးနဲ့နှပ်ရအောင်ဆိုမှ အဆင်ပြေတော့တယ်။ အမှန်ကတော့ ပိန်းခေါင်းနဲ့ချက်တာကပိုစားကောင်းပေမယ့် ပိန်းခေါင်းက၀ယ်လို့မရနိုင်ဘူးလေ။ အဲဒီတော့ ၀ယ်ရလွယ်တဲ့ပိန်းကြက်ဥလေးတွေနဲ့ပဲနှပ်ဖြစ်တော့တာပေါ့။ မယ်တော်မားသားကတော့ပြောပါတယ်။ ငါရှာကြည့်လိုက်ဦးမယ်။ မတွေ့တော့လည်းပိန်းဥလေးနဲ့ပဲနှပ်၊ ပိုတောင်အဆင်ပြေသေးဆိုတာနဲ့ ဈေးပြန်လေးစောင့်တော့လည်း ဈေးခြင်းတောင်းမှာပါတာက ပိန်းကြက်ဥလေးတွေပါပဲ။ အဲဒီတော့ ဘဲသားနဲ့ပိန်းဥနှပ်လေးချက်ဖို့ပြင်ရတော့တာပေါ့။

ဘဲသားပိန်းဥနှပ်

ဘဲသားကို ရေစင်စင်ဆေး၊ အနေတော်တုံးပြီး ဆား၊ သကြား၊ ကြက်သားမှုန့်၊ မဆလာနဲ့နယ်ပြီး ခနနှပ်ထား၊ အရောင်တင်မှုန့်ဇီယာ ကြက်သွန်နီ၊ ကြက်သွန်ဖြူကိုရောထောင်းပြီး နနွင်းမှုန့်နည်းနည်းထည့်ပြီးဆီသတ်။ ပြီးရင်နှပ်ထားတဲ့ဘဲသားကိုထည့်ပြီး ခပ်နာနာလေးလုံးပေး။ လုံးရေခမ်းပြီးဆီပြန်ပြီဆိုရင် ရေထည့်ပြီးနူးအောင်တည် တစ်ဝက်လောက်နူးပြီဆိုရင် ပိန်းဥ အခွံခွာပြီးကျက်ရုံကြော်ထားတာလေးပါထည့်လိုက်။ ဘဲသားလည်းနူး၊ ပိန်းဥလေးကလည်းအိ အရသာလေးလည်းအဆင်ပြေပြီဆိုရင် ဘဲသားပိန်းဥနှပ်ဟင်းတစ်ပွဲတော့ အဆင်ပြေပြီပေါ့နော်။

သပြုသီးဟင်းလှော်

သပြုသီးဟင်းလှော်အတွက်ကတော့ သပြုသီးကိုအပေါ်ကအခွံအရင့်တွေခွာ နုတာလေးတွေယူ ရေစင်စင်ဆေး။ မထူမပါးလေးလှီးပြီးရေစစ်ထား။ ကြက်သွန်နီနဲ့ အရောင်တင်မှုန့်လေးရောထောင်းပြီး နနွင်းမှုန့်လေးနည်းနည်းထည့်ပြီးဆီသတ်။ ဟင်းခပ်လုပ်မယ့်ပုဇွန်လေးနဲ့ ပုဇွန်ငံပြာရည်လေးပါ တစ်ခါတည်းထည့်ဆီသတ်။ ပြီးမှ သပြုသီးလှီးထားတာလေးတွေထည့်။ ခနလောက်လုံးပေးပြီးရေထည့်၊ နူးအောင်တည်။ သပြုသီးလေးတွေနူးလို့ အချဉ်လေးထွက်လာပြီဆိုရင် ငရုတ်သီးစိမ်းလေး ဓားပြားရိုက်ပြီးအုပ်လိုက်ရုံပါပဲ။

ကြက်ရိုးဟင်းချို

ကြက်ရိုးဟင်းချိုကတော့လွယ်ပါတယ်။ ကြက်ရိုးတွေကိုသွေးနဲ့ အချွဲစင်အောင်ဆေး၊ ရေနွေးဆူဆူထဲ မိနစ်ဝက်လောက်နှစ်။ ပြီးရင် အဲဒီရေကိုပြန်သွန်ပစ် ဒါမှအညှီနဲ့ အချွဲစင်သွားအောင် ရေနည်းနည်းနဲ့ နူးအောင်တည်။ နူးပြီဆိုမှ ကိုယ်လိုချင်သလောက်ရေထည့်ပြီး ဆူအောင်ပြန်တည်။ ဆား၊ သကြား၊ ကြက်သွန်ဖြူဓားပြားရိုက်လေးထည့်။ ပူပူလေးသောက်ချင်ရင် ငရုတ်ကောင်းမှုန့်လေးနည်းနည်းပါထည့်လိုက်ပေါ့နော်။ ဒီတစ်ပတ်အတွက်ကတော့ ဘဲသားပိန်းဥဆိမ့်ဆိမ့်လေးရယ်၊ သပြုသီးဟင်းလှော် ချဉ်စပ်လေးရယ်၊ ကြက်ရိုးဟင်းချို ပူပူလေးရယ်နဲ့ စားလို့မြိန်မှာသေချာတယ်။ ဆွေမျိုးတို့ရေ ဒါနဲ့ဘဲသားမစားတဲ့သူတွေကတော့ ဗမာကြက်ကြီးကြီးလေးနဲ့ ချက်ရင်လည်းရပါတယ်။ နောက်တစ်ပတ်မှ နောက်တစ်မျိုးထပ်ချက်ကြတာပေါ့နော်။

ဘယ်ဟင်းပဲလာလာ…ငပိရည်နဲ့တဆိုတွဲစားတတ်ပါတယ်… ဟဲလေး
ငယ်ငယ်တုန်းကတော့ ကိုယ်တိုင်ဟင်းချက်စားရတာကြိုက်ပါတယ်။ ကြီးလာတော့ ၀ါသနာမပါတော့ဘူး။ အကြိုက်ဆုံးက ငပိရည်ပါပဲ။ အရံဟင်းအနေနဲ့ပေါ့နော်။ ဘယ်ဟင်းပဲလာလာ ငပိရည်နဲ့ဆို ကျွန်တော်တွဲစားတတ်ပါတယ်။
 
Royal
 
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 


Share on Google Plus

0 comments:

Post a Comment