နံနက်ခင်းတွေမှာ စိတ်ခွန် အားအပြည့်နဲ့နိုးထလာစေဖို့












နံနက်ခင်းတွေမှာ ကိုယ်ဟာဘယ်လိုနိုးထလာတတ်သလဲ။ နာရီအချက်ပေးသံမြည်လာမှ မထချင်ထချင်နဲ့ ထလာရတတ်သူလား။ ဒါမှမဟုတ် အိပ်ရာထဲတတ်နိုင်သလောက်အချိန်ဆွဲပြီးအိပ်နေတတ်သူလား။ ဒါမှမဟုတ် မိုးမလင်းခင်ကတည်းကထပြီး အလုပ်လုပ်ဖို့ကိုတက်ကြွနေတတ်သူလား။ ကိုယ်တိုင်ဆိုရင်ကော ဘယ်လိုနိုးထလာတာကိုသဘောကျသလဲ။ ပျော်ပျော်ရွှင်ရွှင်စိတ်ခွန်အား အပြည့်နဲ့နိုးထလာချင်တာ မဟုတ်ပါလား။

အိပ်စက်ပုံကိုပြောင်းလဲ
ပထမဆုံးက စောစောအိပ်ရာဝင်ဖို့ပါ။ အဲဒါမှလည်းစောစောနိုးထနိုင်မှာပါ။ နောက်ကျမှအိပ်ရာဝင်ရင်တော့ နောက်တစ်နေ့နံနက်ခင်းမှာ ပင်ပန်းနွမ်းနယ်နေပါလိမ့်မယ်။

နေ့သစ်ကိုအာရုံစိုက်
နိုးထလာပြီဆိုကတည်းက အပြုံးနဲ့စတင်ပါ။ အပြုံးကစိတ်ကိုလန်းဆန်းပြီး အကောင်းမြင်စိတ်တွေ မွေးဖွားပေးပါတယ်။ ပြီးတာနဲ့ ဒီနေ့အတွက်ဆိုတဲ့စိတ်ခွန်အားအသစ်နဲ့ ရှေ့ဆက်ပါ။ အတိတ်ကိုပြန်တွေးပြီးအာရုံတွေရှုပ်ထွေးနေမယ်ဆိုရင်တော့ နောင်တရနေပါလိမ့်မယ်။

လေ့ကျင့်ခန်းလုပ်
စိတ်ခွန်အားဖြည့်ဖို့ အကောင်းဆုံးကတော့ အကပါ။ သံစဉ်မြူးမြူးကြွကြွလေးနဲ့ကနေရင် စိတ်ကအလိုလိုလန်းဆန်းပျော်ရွှင်ရပါလိမ့်မယ်။

စိတ်ကူးကိုဖန်တီး
နောက်တစ်ခုက ကိုယ်လုပ်ချင်တဲ့၊ ဖြစ်ချင်တဲ့စိတ်ကူးအိပ်မက်တွေကို တစ်ခုချင်းဖန်တီးနေဖို့ပါ။ ဒါမှတ်ဉာဏ်စိတ်ထားတက်တက်ကြွကြွနဲ့ စောစောထရတာ အနှစ်သာရရှိမှာပေါ့။

အိမ်သန့်ရှင်းရေးလုပ်
နိုးထလာတဲ့အချိန် ညကမဆေးဘဲကျန်နေခဲ့တဲ့ ဘေစင်ပေါ်က ပုံနေတဲ့ပန်းကန်ပြားတွေ၊ အစာကျန်တွေကြောင့် စိတ်ကြည်ကြည်လင်လင်နဲ့ နေ့တစ်နေ့ကိုစတင်ဖို့ဆိုတာ ခက်ခဲပါလိမ့်မယ်။ အဲဒါကြောင့် တစ်နေ့တစ်နေ့ သန့်ရှင်းရေးလုပ်ပေးပါ။

ရည်မှန်းချက်ထား
ရည်မှန်းချက်ကြီးတစ်ခု အဲဒါရည်မှန်းချက်ကြီးဆီကိုသွားဖို့ ရည်မှန်းချက်သေးသေးလေးတွေက နံနက်ခင်းမှာ စိတ်အားတက်ကြွပြီးနိုးထလာရတဲ့အကြောင်းရင်းပါပဲ။ အဲဒါကြောင့် ကိုယ်ယုံကြည်မှုရှိတဲ့ ရည်မှန်းချက်ကြီးကြီးသာရှိပါ။

ပတ်ဝန်းကျင်ကိုအာရုံစိုက်
ကိုယ့်ပတ်ဝန်းကျင်မှာရှိတဲ့ သေးသေးမွှားမွှားလေးတွေကအစ အာရုံစိုက်ကြည့်ပါ။ အလုပ်တွေ ပြဿနာတွေကနေ ခဏလောက်မေ့ထားပြီး ပတ်ဝန်းကျင်မှာကိုယ်ဂရုစိုက်ဖို့လိုတဲ့ အသေးအမွှားလေးတွေကို အာရုံပြောင်းကြည့်လိုက်ပါ။
 ရန်နိုင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်



Share on Google Plus

0 comments:

Post a Comment