မျက်ဝန်းကျဉ်းသူတွေအတွက် မိတ်ကပ်…








မျက်ဝန်းရဲ့အရွယ်အစားနဲ့ ပုံပန်းသဏ္ဍာန်က ပြုပြင်လို့မရပါဘူး။ မျိုးရိုးလိုက်တာကြောင့်ပါ။ ဒါပေမဲ့ အလှကိုလိုအပ်သလိုပြောင်းလဲနိုင်တာရှိပါတယ်။ အဲဒါကတော့ မိတ်ကပ်ဗဟုသုတပါ။ အထူးသဖြင့် မျက်ဝန်းသေးသူတွေအတွက် ဒီမိတ်ကပ်ပညာက အတော်ကိုအသုံးဝင်ပါတယ်။

မျက်ခုံးအောက်ကို အသားပေး
အလင်းဖောက်တဲ့အရောင်တစ်မျိုးကို မျက်ခုံးအောက်မှာချယ်ပေးတာကမျက်လုံးကိုကြီးသွားပြီး တောက်ပသွားသယောင်ထင်ရစေပါတယ်။

ကွန်ဆယ်လာသုံး
မျက်ဝန်းတ၀ိုက် ညိုမည်းတာတွေက မျက်လုံးကိုပိုသေးသွားသယောင်ထင်ဟပ်စေပါတယ်။ အဲဒါကြောင့် ကိုယ့်အသားအရေထက်ဖျော့တဲ့ concealer တစ်မျိုး မျက်ဝန်းတ၀ိုက်ခြယ်ပေးပါ။ အဲဒါမှ မျက်ဝန်းကထင်ပေါ်သွားပါလိမ့်မယ်။

မျက်ခုံးမွှေးရိတ်
မျက်ဝန်းကျဉ်းတဲ့အတွက် မျက်ခုံးက ပိုပြီးသိသာထင်ရှားနေဖို့လိုပါတယ်။ အဲဒါကြောင့် အစွန်ထွက်နေတဲ့ အမွှေးအမျှင်တွေကအစမရှိရလေအောင် သေချာရိတ်ပေးပါ။

Eyeliner အလွန်အကျွံမသုံးနဲ့
Eyeliner အထူကြီးသုံးလိုက်တာကလည်း မျက်ဝန်းကိုပိုပြီးကျဉ်းသွားသလို ခံစားရစေပါတယ်။ အဲဒါကြောင့် Eyeliner ခပ်ပါးပါးမျှင်မျှင်လေးသာသုံးပေးပါ။

မျက်ဝန်းအတွင်းကို ဂရုစိုက်
မျက်ဝန်းအတွင်းဒေါင့်လေးတွေကိုလည်း အရောင်ဖျော့ပြီးတောက်ပတဲ့ eye shadow လေးသုံးပေးပါ။

အပြောင်အလက်တွေသုံး
မျက်ဝန်းကိုပြောင်လက်စေတဲ့ Eye Shadow တွေသုံးတာကလည်း မျက်လုံးကိုပိုပြီး ညှို့အားကောင်းသွားစေပါလိမ့်မယ်။

မျက်တောင်ကော့
မျက်တောင်လေးတွေကိုလည်း ညီညီညာညာကော့ပျံနေအောင် ကော့ပေးပါ။ ဒါမှ မျက်ဝန်းကိုတိတိကျကျ သတ်မှတ်လိုက်သလိုဖြစ်ပြီး ပိုပေါ်လွင်စေပါလိမ့်မယ်။

ဖောင်းအစ်နေတဲ့မျက်လုံးတွေ
မျက်လုံးတွေဖောင်းအစ်နေတဲ့အတွက် မျက်လုံးကပိုပြီးကျဉ်းမြောင်းသွားပါလိမ့်မယ်။ အဲဒါကြောင့် ဖောင်းအစ်နေတဲ့မျက်လုံးပေါ်ကို သခွားသီးပါးပါး၊ အာလူးပါးပါးလေး ကပ်ထားပေးပါ။
ဝဿန်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment