ညအိပ်ခွန်နဲ့ပတ်သက်၍ ပြောစရာစကားများရှိပါသည်…







ခုပြောတဲ့အခွန်ကမြို့တော်စည်ပင်ရုံးကထုတ်ထားတာပါ။ တစ်နည်းအားဖြင့်စည်ပင်ဥပဒေပေါ့။
အများပြည်သူပိုင်ဧရိယာအတွင်းဘာလုပ်လုပ်အခွန်အခပေးရသည်။ မိမိပိုင်ဧရိယာကို အိမ်ရှေ့ရေမြောင်းဖုံး အထိပဲသတ်မှတ်ထားလို့ ရေမြောင်းဖုံးကျော်တာနဲ့အများပြည်သူပိုင်ဧရိယာထဲဝင်ပါပြီ။

ဒါကြောင့်မို့လမ်းပေါ်မှာမရွှေ့မပြောင်းနိုင်တဲ့မီးစက်ကြီးများကိုထားမည်ဆိုပါက-အမြင့်မပါ အလျား အနံကို တွက်ပြီးလမ်းတံတားမှာနှစ်စဉ်အခွန်ဆောင်ပေးရပါသည်။

1996 ကထဲကမိမိအလုပ်လုပ်တဲ့ ၅၂လမ်းရုံးခန်းအတွက်မီးစက်အခွန်ကိုမြို့တော်ခမ်းမ အထိ သွားခါဆောင်ပေးရပါသည်။ ဒီအတိုင်းလွယ်လွယ်ဆောင်လို့မရပါ။ သက်ဆိုင်ရာမြို့နယ်လျှပ်စစ်ရုံး ရ၀တတို့နဲ့လာရောက်စစ်ဆေးဓါတ်ပုံရိုက်ပြီးမှခွင့်ပြုပါသည်။

အရင်ကျောင်းသားဘ၀ကအကြောင်းလေးပြောချင်မိပါသည်။ ဒေသကောလိပ်တက်ခါစ အပြာစာအုပ်လေးတွေကိုကိုင်ပြီး နိုင်ငံရေးသိပ်ပ္ပံကိုသင်ရသည့်အခါတွင် မှတ်မိခဲ့သောစကားလုံးကိုခုထိ မမေ့ပါ။ ဘာတဲ့  
နိုင်ငံတော်သည် နိုင်ငံတော်၏မြေပေါ်မြေအောက် ရေပေါ်ရေအောက် လေပေါ်လေအောက်အားလုံးတို့၏ ပင်ရင်းပိုင်ရှင်ဖြစ်သည်ဟုအတိအလင်းကြေငြာထားတာကိုသိခဲ့ရသည်။

သင်ခဲ့ရသည်။ ကျွန်ုပ်တို့၏ယုံကြည်ချက်ဆိုသည့်စာပိုဒ်သည်စာအုပ်ရှေ့တစ်ရွက်မှာအမြဲပါသည်။
ပထမနှစ်လား ဒုတိယနှစ်လားမမှတ်မိအတန်းတင်စာမေးပွဲတွင် ယုံကြည်ချက်ဟူသည်ကားအဘယ်နည်း။ ကျွန်ုပ်တို့၏ယုံကြည်ချက်ကိုသင်ရေးပါဟု နံပါတ် ၁ မေးခွန်းတွင် တည့်(ဒဲ့)မေးလိုက်သည်။ 

အခြားအရေးကြီးတာတွေအလွတ်ကျက်ထားတာမပါလို့ စိတ်ညစ်ရတဲ့အထဲ ဒီလိုမထင်မှတ် တဲ့မေးခွန်းကိုမေးတာ ခံလိုက်ရသောကြောင့် ယုံကြည်ချက်ဟူသည်မှာ ကျွန်ုပ်ထံမှပိုက်ဆံချေးထားသော အဆောင်နေဖဲသမားသူငယ်ချင်းထံမှပိုက်ဆံကိုဘယ်တော့မှပြန်မရနိုင်ဟု ယုံကြည်မိပါသည်ဟု ရေးဖြေပေးလိုက်သည်။

ကျွန်ုပ်တို့၏ယုံကြည်ချက်မှာ ယခုစာမေးပွဲကိုဘယ်လိုဖြေဖြေအောင်ရမည်။ မအောင်ရင်စာဖျက်တဲ့ ဆရာညံ့လို့ဟုရေးလိုက်မိသည်။ ဒါကိုအခန်းစောင့်ဆရာမကလာကြည့်ပြီး ဒီခလေးတော့ဒုက္ခရောက်တော့ မှာပဲဟုအတင်းပြန်ဖျက်ခိုင်းသည် ဆရာမကိုအားနာလို့ဘောပင်နဲ့ပြန်ခြစ်ပေးလိုက်သည်။

ဘာပြောပြောတစ်ပုဒ်တော့အမှတ်လျော့သွားပြီး ပွတ်ကာသီကာနဲ့တော့အောင်လာပါသည်။ ဒါနဲ့ပဲ ဆက်ပြောရအောင် နိုင်ငံတော်သည် ပင်ရင်းပိုင်ရှင်အရှင်သခင်ဖြစ်သည်လို့သင်သိထားလိုက်ပါ။ ဒါကြောင့်ဘာမှသင်မပိုင်တော့ပါ။

အခွန်ဆောင်လည်းမပိုင်တော့ပါဘူး။လစဉ် နှစ်စဉ်ဆောင်မှဒဏ်ကြေးကလွတ်မှာပါ။ ရက်လွန်တာနဲ့ဒဏ် ပါပဲ။ ခု ညအိပ်ခွန်ကိစ္စဟိုးလေးတစ်ကျော်ဖြစ်လာတာ မသိလို့မဟုတ်။ ခုမှထအက်ရှင်ယူလို့ဖြစ်ပေသည်။
သင် ကညနမှာနှစ်လဲသက်တမ်းတိုးတိုင်း စည်ပင်မမတို့ကပြေစာဖြတ်ခါနီးတိုင်း ဂိုဒေါင်ရှိလား ညအိပ်ခွန်ယူမှာလားဆိုပြီးအမြဲမေးပါသည်။

မယူပါဘူးအစ်မဆိုလိုက်ပါက ဂိုဒေါင်ရှိပါသည်ဟုခံဝန်ပြီးသားဖြစ်သွားပါသည်။ ဒါလည်းမဆန်းသေး။ ဆန်းလာတာကကားလောကမူဝါဒများကြောင့် ကားညအိပ်ရပ်နားစရာဂိုဒေါင်ပါကင်နေရာရှိမှ ကားပါမစ် ချပေးမည်ဟု ရန်ကုန်မြို့တော်တစ်ခုတည်းထုတ်လိုက်တဲ့ကားဆက်ခြားမူဝါဒကြောင့် သဘောသဘာဝများပြောင်းလဲသွားတာပါ။ 

အထူးသဖြင့်မှတ်ပုံတင်သန်းကောင်စားရင်းကိုပြတာနဲ့ ကားပါမစ်လျှောက်ပြီးသွင်းရတဲ့ ဖရီးပါမစ်မော်ဒယ်မြင့်များပါ။ ဒီနေရာမှာလည်းလူတွေအများသိထားတာက 1300cc အောက်ကားများကိုဖရီးပါမစ်ထင်ထားကြဆဲပါ။ တစ်ကယ်တော့ 1350cc အောက်ကားများကို
CIF-5000$ သာသတ်မှတ်ထားခြင်းပါ။ 1350cc ကျော်တာနဲ့ 5000$ထက်မကတန်ဘိုးတွက်ချက်ကောက်တာပါ။

သတ်မှတ်မော်ဒယ်ခုနှစ်အတွင်း အင်ဂျင်ဘယ်လောက်ကြီးကြီးဖရီးပါမစ်နဲ့သွင်းလို့ရပါတယ်။
ဒါကြောင့်ကျွန်တော်ကိုယ်တိုင် 2011mdl/1800cc RVR 2009mdl/မာစီးဒီးစ် 1800cc C-200 Kompressor 2009mdl/-2400cc Harrier ကားများကိုသွင်းခဲ့ပါတယ်။
ဒီအချိန်အထိဖရီးပါမစ်ကားများအတွက်ညအိပ်ခွန်ယူလည်းရတယ်။ မယူလည်းရတယ် ပါကင်ပြစရာမလိုခဲ့လို့ပါ။

စောစောကပြောသလို ပါကင်ပြခိုင်းတဲ့မူဝါဒပေါ်လာတော့ 9I / အရောက် ပါကင်ပြသွင်းတဲ့ပထမဆုံးကားက 9I/1927 ဆိုပြီးမှတ်တမ်းတင်ထားလိုက်တယ်။
သူ့နောက်သွင်းသမျှ ညအိပ်ခွန်မပေးရဆိုပြီး ယေဘူယျညွှန်ကြားချက်ထွက်လာပါတော့တယ်။
ဒီမှာတင်စည်ပင်ရုံးလည်းတိုင်ပတ်တော့တာပဲ။ 

ကားဟောင်းအပ်အရည်ကျိုစလစ်နဲ့အစားထိုးသွင်းလာတဲ့ကားများက ညအိပ်ခွန်ယူလို့ရ တယ်လို့ပြောလာပြန်တော့ လာယူကြတာပေါ့။ စာအုပ်နဲ့ဝှီးတက်ကိုင်လာတဲ့ ကားပိုင်ရှင်ကို ဒီကားကပါကင်နဲ့သွင်းတဲ့ကားလား စလစ်အစားထိုးသွင်းတဲ့ကားလားဆိုတာကို စည်ပင်ကမခွဲတတ်ပြန်ဘူး။
ဒါကြောင့်စလစ်အစားထိုးဖြစ်ကြောင်းအထောက်အထားပြပါဆိုပြီး လိုအပ်တဲ့စာရွက်စာတမ်းတွေတောင်း ပါလေရော။

ပွဲစားတန်းကအဆင့်ဆင့်လက်ပြောင်းရောင်းတဲ့ကားများမှာ ငယ်စာရင်းတွေဘယ်ပါပါ့မလဲ။ စာရွက်စိမ်းတို့ ကားဟောင်းနံပါတ်ပါတဲ့သံရည်ကျိုစာရွက်တို့ပေါ့။ ဒါနဲ့တိုင်ပတ်အကကျားမြီးဆွဲအက ကကြရပါတယ်။
ဒါနဲ့ပတ်သက်လို့တစ်ခုပြောချင်တာ လွယ်လွယ်လေးပါ။ ယာဉ်အကြောင်းအကုန်သိတဲ့ ကညနက ကမ ၃ဆိုတဲ့ကားစာအုပ်မှာ ပါကင်ပြဖရီးသွင်းတဲ့ကားလား။

စလစ်အစားထိုးနဲ့သွင်းတဲ့ကားလားဆိုတာကိုကြိုတင်ခါခွဲခြားပြီး တုံးထုပေးလိုက်ရင်ပြီးတာပဲ မဟုတ်လား ခင်ဗျာ။ လုပ်ပေးရင်ရလို့ပြောတာပါ။ အသင်းအဖွဲ့ကုပ္ပဏီအသီးသီးက လွဲပြောင်းရောင်းချထားတဲ့ ကားတွေမှန်း သိပေမယ့် စာအုပ်မှာအမည်ပြောင်းနေရပ်ပြောင်း ခွင့်မပြုဆိုပြီးတုံးထုပေး ထားတာတွေ ကိုမြင်ဘူးထားလို့ပါ။ ခုဆိုရင် ညအ်ိပ်ခွန်ယူလို့ရတဲ့ကားများသက်ဆိုင်ရာ ရုံးမှာအပြေးအလွှား သွားယူကြသော်လည်း ခုဆိုပွဲကတော်တော်ကြီးနေပါပြီ။ ဒဏ်ကြေးကလည်း ၁သိန်းဆိုတော့ လိုအပ်တဲ့စာရွက်စာတမ်းတွေကလည်းများရပြီပေါ့ဗျာ။

ခုကနဦးလိုင်စင်စ၀င်တဲ့ကားများကို စလစ်ကပ်သွင်းနဲ့ပါကင်ပြဖရီးပါမစ်သွင်းကားတွေကိုကညနရုံးချုပ်က ကနဦး စသတ်မှတ်ပေးလိုက်ရင် စည်ပင်ကလည်းလွယ်ကူပါပြီ။ RVR နဲ့ RAV4 တောင်မခွဲတတ်တဲ့ စည်ပင်ကမမတို့အတွက်လည်း အရမ်းလွယ်သွားပေလိမ့်မည်။ ညအိပ်ခွန်မပေးရတဲ့ကားများကို မှားပေးမိတဲ့မွမွတို့ကိုလည်း ရုံးတွင်းဥပဒေအရပြန်လည်အရေးယူမည်လို့လည်း စာရွက်တစ်ရွက်မှာဖတ်လိုက်ရပါတယ်။

ပေးသင့်မပေးသင့်ကားကိုကားစာအုပ်ခွဲခြားရေးပေးလိုက်ရင် အခွန်ထမ်းပြည်သူတွေအတွက် လည်း အဆင်ပြေပေလိမ့်မည်။

နောက်ထပ်သိချင်တာကလည်း ခု MDY/BGO/AYA/SHAN ဆိုသည့်နံပါတ်တတ်ပြီး ရန်ကုန်မှာထဲထဲဝင်ဝင် သုံးနေတဲ့ကားတွေအတွက်ရောနောက်ပိုင်းဘယ်လိုလာမှာလဲ၊ ဘယ်လိုလုပ်မှာလဲ၊ လုပ်ခဲ့ရင်ရော စည်ပင်ဥပေဒနဲ့လားမော်တော်ယာဉ်ပဒေနဲ့လား၊

ခုကထဲက ကွဲကွဲပြားပြားပြောထားပေးပါ။ ဘယ်ဥပဒေအသက်ဝင်ဝင် နောက်က ဒဏ်ကြေးဆိုတာပါလာစမြဲဆိုတော့ယုံကြည်ချက်ဟူသည်ကား အဘယ်နည်း။
ကျွန်ုပ်တို့၏ယုံကြည်ချက်ကိုသင်သိသမျှဖြေပါ။ ( ၁၆-မှတ် )
ကားမိတ်ဆွေများကိုခင်မင်လျက်…
ကိုသက်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment