တစ်ကျော့ပြန် NOKIA












 အခုတစ်ခါ မိတ်ဆက်ပေးမှာကတော့ မကြာခင်ဈေးကွက်ထဲရောက်လာတော့မယ့် တစ်ချိန်က နာမည်ကျော်ခဲ့တဲ့ Nokia 6 စမတ်ဖုန်းပါ။ Nokia ဆိုတဲ့နာမည်ကိုပြောလိုက်တာနဲ့ မိုဘိုင်းဖုန်းလို့ တန်းသိနိုင်တဲ့အထိ ဈေးကွက်မှာအောင်မြင်ခဲ့တဲ့ ဒီအမှတ်တံဆိပ်ဟာ ကုမ္ပဏီရဲ့နည်းဗျူဟာတွေကို အသစ်ပြန်လည်ပြင်ဆင်ပြီး အရင်တုန်းကလို ကိုယ်ပိုင်OS နဲ့ မဟုတ်တော့ဘဲ ထိပ်တန်းစမတ်ဖုန်း တစ်လုံးအဖြစ် ဈေးကွက်ထဲကိုဝင်ရောက်လာတော့မှာဖြစ်ပါတယ်။ 

Nokia ဟာ အခုတစ်ခါတော့ အတော်လေးပြင်ဆင်လာခဲ့ပြီး အရင်တုန်းကအောင်မြင်ကျော်ကြားခဲ့ တဲ့အမည်နာမကို ပြန်ယူနိုင်မယ်လို့ထင်ကြေးပေးနေကြပါတယ်။

ဘာကြောင့်လဲဆိုတော့ Nokia 6 ရဲ့အဆင်အပြင်၊ အရည်အသွေးနဲ့ Android OS ကို ပေါင်းစပ်ထား တဲ့အပြင် ကိုယ်ပိုင်ဒီဇိုင်းဟန်ပန်ပါပေါင်းစပ်ထားတဲ့အတွက် စမတ်ဖုန်းအသုံးပြုသူတွေရဲ့အာရုံစိုက်မှုကို အထူးတလည်ခံယူခဲ့တဲ့ စမတ်ဖုန်းဖြစ်ပါတယ်။

 ဒီဖုန်းရဲ့တည်ဆောက်ထားပုံတွေကိုကြည့်ရမယ်ဆိုရင် ကွန်ယက်ချိတ်ဆက်မှုအပိုင်းမှာ 4G/3G/2G Network တွေအားလုံးမှာ ချိတ်ဆက်အသုံးပြုနိုင်ပြီး Dual-Sim အမျိုးအစားဖြစ်ပါတယ်။ 

စွမ်းဆောင်ရည်ပိုင်းမှာကောင်းမွန်အောင် Snapdragon 420 SOC ပေါ်မှာ 1.4 GHz Octa-core CPU, RAM 3 GB နဲ့ Storage ပမာဏအဖြစ် 32 GB, 64 GB ပါဝင်မှာဖြစ်ပါတယ်။ ကင်မရာပိုင်းမှာတော့ 16MP အရည်အသွေးရှိတဲ့ ကင်မရာကို dual-LED flash နဲ့အတူ နောက်ကျောဘက်မှာတပ်ဆင်ထားပြီး အရှေ့ဘက်မျက်နှာစာကင်မရာအဖြစ် 8MP အရည်အသွေးရှိတဲ့ကင်မရာကို တပ်ဆင်ပေးထားပါတယ်။ 

ဖုန်းရဲ့မျက်နှာပြင်အမျိုးအစားက IPS-LCD အမျိုးအစားဖြစ်ပြီး 5.5’ အရွယ်အစားရှိကာ၊ အရည်အသွေးအဖြစ် 1080 x 1920’ HD အရည်အသွေးနဲ့ အသုံးပြုနိုင်မှာဖြစ်ပါတယ်။ ဒါ့အပြင် အကြမ်းခံနိုင်မှုအတွက် မျက်နှာပြင်ကို Gorilla Glass 3 နည်းပညာနဲ့ ကာကွယ်ပေးထားပြီး အလေးချိန်အားဖြင့် 169g ရှိမှာဖြစ်ပါတယ်။

 ဒီဖုန်းဟာ Nokia ကို Android စမတ်ဖုန်းတစ်လုံးအဖြစ် အသုံးပြုလိုကြတဲ့ အမာခံပရိသတ်တွေအတွက် အထူးနှစ်ခြိုက်စေမှာဖြစ်ပြီး Nokia ဟာ သူရဲ့အရင်လိုအောင်မြင်မှုမျိုးပြန်လည်ရရှိအောင် ဘယ်လိုစွမ်းဆောင်ထားသလဲဆိုတာ စူးစမ်းလေ့လာကြည့်ချင်တယ်ဆိုရင်တော့ စမ်းသပ်အသုံးပြုဖို့တိုက်တွန်းလိုပါတယ်။

မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 

Share on Google Plus

0 comments:

Post a Comment