ကိုယ့်ရဲ့တစ်နေ့တာကိုဒီလိုဖြတ်သန်းပါ…








နံနက်ခင်းအိပ်ရာထချိန်ဆိုတာ လူအများစုအတွက်ခက်ခဲတဲ့လုပ်ရပ်တစ်ခုပါ။ အိပ်ရာနိုးတာနဲ့ ဒီနေ့တစ်နေ့လုံးဘာလုပ်ရမယ်ဆိုတာ တွေးမိလိုက်ရုံနဲ့တင် တစ်ကိုယ်လုံးအင်အားတွေချိနဲ့သွားရလောက်တဲ့အထိ တစ်ခါတစ်ရံစိတ်တွေရှုပ်ထွေးသွားရလောက်တဲ့အထိဖြစ်စေပါတယ်။ ပြန်အိပ်ဖို့၊ ဆက်အိပ်ဖို့ကလည်းမဖြစ်နိုင်၊ အလုပ်ကလည်းမလုပ်လို့မဖြစ်နဲ့ တစ်ကိုယ်တော်ဒွိဟတွများနေတတ်ပါတယ်။ အဲဒီတော့ နံနက်ခင်းမှာစွမ်းအင်အပြည့်နဲ့တက်ကြွနိုးကြားနေစေဖို့ ဘယ်လိုပြင်ဆင်ကြမလဲ …
စောစောအိပ်ရာဝင
နံနက်ခင်းမှာပျင်းရိငြီးငွေ့ပြီးနိုးထလာရတဲ့ပထမဆုံးအကြောင်းရင်းက ညဘက်အိပ်ရေးမ၀လို့ပါ။ ပုံမှန်လုံလောက်စွာမအိပ်စက်နိုင်တဲ့အခါ လူကနိုးထချိန်မှာ ခေါင်းထဲမရွှင်မလန်းနဲ့တစ်နေ့တာကိုကျော်ဖြတ်ရတာ အခက်အခဲဖြစ်စေပါတယ်။ အဲဒါကြောင့် စောစောအိပ်ရာဝင်ပါ။
အိပ်ရာမ၀င်ခင်ပြင်ဆင်ပါ
နံနက်ခင်းမှာ တစ်နေ့တာလုပ်ရမယ့်အလုပ်တွေကိုတွေးပြီး စိတ်ကိုအလေးခံမှာလား။ အဲဒီလိုလုပ်မယ့်အစား ညကတည်းက နောက်တစ်နေ့လုပ်ရမယ့်အလုပ်တွေကိုအစဉ်လိုက်ပြင်ဆင်ထားလိုက်ပါ။ ညကတည်းကပြင်ဆင်ထားတဲ့အတွက် အိပ်ရာထတဲ့အခါ လုပ်စရာတွေကို အစဉ်လိုက်တန်းစီလုပ်သွားလိုက်ရုံပါပဲ။ အဲဒီတော့ ဘာပြီးရင်ဘာလုပ်မယ်ဆိုတာ စဉ်းစားစရာမလိုတဲ့အတွက် ဦးနှောက်အပင်ပန်းခံစရာမလိုတော့ပါဘူး။
နိုးတာနဲ့တန်းထ
လူတိုင်းနီးပါးလုပ်လေ့ရှိတာက အိပ်ရာနိုးနိုးချင်းမှာ ချက်ချင်းမထဘဲဇိမ်ယူနေခြင်းပါ။ အိပ်ရာထဲမှာလူးလှိမ်းပြီး အချိန်အကြာကြီးနေလေ ထဖို့ပိုပြီးပျင်းရိလာလေပါပဲ။ အဲဒီလိုနဲ့ မထချင်ထချင်ထလာရတဲ့အခါ ကိုယ်တိုင်ပဲစိတ်ထဲအနှောင့်အယှက်ဖြစ်နေပါတော့တယ်။ အကောင်းဆုံးကတော့ အိပ်ရာနဲ့ခပ်ဝေးဝေးလက်လှမ်းမမီတဲ့နေရာမှာ နာရီနှိုးစက်ပေးထားပါ။ အဲဒါမှ အသံမြည်တဲ့အခါ ချက်ချင်းထပိတ်တဲ့အလေ့အကျင့်ရလာပါလိမ့်မယ်။
ရေတစ်ဖန်ခွက်သောက်
အိပ်စက်နေချိန်မှာတစ်ကိုယ်လုံးက ပုံမှန်အနေအထားနဲ့တောင့်တင်းညောင်းညာနေတတ်ပါတယ်။ အဲဒါကြောင့် နံနက်မိုးလင်းတာနဲ့အကြောဆန့်လိုက်ပါ။ အကြောဆန့်လိုက်တဲ့အတွက် တစ်ကိုယ်လုံးညောင်းညာကိုက်ခဲမှုတွေပြေလျော့သွားစေသလို လူလည်းကြည်လင်လန်းဆန်းပေါ့ပါးသွားစေပါတယ်။
နံနက်စာစား
အာဟာရပြည့်ဝတဲ့နံနက်စာကလည်း နေ့တစ်နေ့ကိုကြည်ကြည်လင်လင်ကျော်ဖြတ်သွားဖို့မှာ အရေးကြီးတဲ့ကဏ္ဍကနေပါဝင်ပါတယ်။ နံနက်စာစားတဲ့လူတစ်ယောက်နဲ့ နံနက်စာမစားတဲ့လူတစ်ယောက် တစ်နေ့တာကိုကျော်ဖြတ်ရတဲ့စိတ်ခံစားချက်က သိသိသာသာကွာခြားပါတယ်။
မကောင်းတဲ့အတွေးတွေရှောင်
နံနက်ခင်းနိုးထချိန်မှာ သူများအကြောင်းမတွေးပါနဲ့။ ကိုယ်မလုပ်လိုက်ရတဲ့အရာတွေအတွက် နောင်တရမနေပါနဲ့။ ဒီနေ့ကို မနေ့ကထက်ပိုကောင်းအောင်ဘယ်လိုကျော်ဖြတ်မယ်ဆိုတဲ့စိတ်ပဲမွေးမြူထားပါ။ အားလုံးအဆင်ပြေသွားစေပါလိမ့်မယ်။
ရည်မှန်းချက်တွေသတိရ
ကိုယ်ဒီနေ့နိုးထလာရတာ ဘာအတွက်လဲ။ ကိုယ်နေ့စဉ်သွားတာ လှုပ်ရှားနေရတာဘာအတွက်လဲ။ ကိုယ့်ရည်မှန်းချက်တွေအထမြောက်ဖို့ပါ။ ဒီရည်မှန်းချက်တွေက ဘယ်သူ့အတွက်လဲ။ မိသားစုအတွက်၊ ကိုယ့်ဘ၀အတွက်။ ဒီလိုသာတွေးလိုက်မယ်ဆိုရင် သေချာပါတယ်… ကိုယ်နိုးထလာတဲ့နံနက်ခင်းတိုင်းက အားမာန်အပြည့်နဲ့တက်ကြွနေမှာပေါ့။
ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment