လူဖြူလူမဲဖြစ်တာနဲ့အကျင့်မကောင်းတဲ့သူ လူဆိုးစသဖြင့်ပေါ့လေ မကောင်းမြင်ကြတာများပါတယ်…ပက်ထရစ်ရှာ











လူမျိုးမတူဘာသာမတူ ယဉ်ကျေးမှုမတူတဲ့ လူဖြူတစ်ယောက်နဲ့ချစ်သူဖြစ်တဲ့အပေါ်မှာ ခံစားချက်ရှိကြတာ ပရိသတ်တွေကို ညီမနားလည်ပေးနိုင်ပါတယ်… ညီမတို့နိုင်ငံမှာက နိုင်ငံခြားသား လူဖြူလူမဲဖြစ်တာနဲ့အကျင့်မကောင်းတဲ့သူ လူဆိုးစသဖြင့်ပေါ့လေ မကောင်းမြင်ကြတာများပါတယ်…ပက်ထရစ်ရှာ


အခုချိန်မှာ အနုပညာရှင်အချို့ဟာ သူတို့ရဲ့အချစ်ရေးကိစ္စတွေနဲ့ပတ်သက်ပြီး ပရိသတ်တွေကို ပွင့်ပွင့်လင်းလင်းပြောပြလာကြပါပြီ။ ဒီတစ်ခါအချစ်ရေးနဲ့ပတ်သက်ပြီး ပရိသတ်တွေကိုပြောပြလာတဲ့ အနုပညာရှင်တစ်ယောက်ကတော့ သရုပ်ဆောင်ပက်ထရစ်ရှာပါ။ 

ဒါရိုက်တာမောင်မျိုးမင်း(ရင်တွင်းဖြစ်)ရိုက်ကူးတဲ့ ရာဇ၀င်ရိုင်းသူများရုပ်ရှင်ဇာတ်ကားအထူးပြသပွဲမှာ ပက်ထရစ်ရှာနဲ့တွေ့ဆုံခိုက်အချစ်ရေးနဲ့ပတ်သက်ပြီး မီဒီယာတွေရဲ့မေးမြန်းမှုကိုအခုလိုဖြေကြားခဲ့ပါတယ်။ 

ပက်ထရစ်ရှာရဲ့ အချစ်ရေးအကြောင်းလေးသိချင်ပါတယ်…
အခုညီမမှာ ချစ်သူရှိပါတယ်။ သူကဥရောပသားတစ်ယောက်ပါ။ စိတ်သဘောထားပြည့်ဝပြီ လူကြီးဆန်တဲ့ သူပါ။ ညီမအတွက်အကောင်းဆုံးလူအဖြစ်ရွေးချယ်ထားတာပါ။

အချစ်ရေးနဲ့ပတ်သက်ပြီးဝေဖန်မှုတွေကိုဘယ်လိုဖြေရှင်ချင်လဲ…
မြန်မာပရိသတ်တွေရဲ့ခံစားချက်ကို ညီမနားလည်ပေးနိုင်ပါတယ်။ လူမျိုးမတူဘာသာမတူ ယဉ်ကျေးမှုမတူတဲ့ လူဖြူတစ်ယောက်နဲ့ ချစ်သူဖြစ်တဲ့အပေါ်မှာ ခံစားချက်ရှိကြတာကို ညီမပရိသတ်တွေကို နားလည်ပေးနိုင် ပါတယ်။ ညီမတို့နိုင်ငံမှာက နိုင်ငံခြားသား လူဖြူလူမဲဖြစ်တာနဲ့ အကျင့်မကောင်းတဲ့သူ လူဆိုးစ သဖြင့်ပေါ့လေ မကောင်းမြင်ကြတာများပါတယ်။ ယဉ်ကျေးမှုမတူတဲ့ နိုင်ငံခြားတိုင်းတစ်ပါးသားနဲ့ မြန်မာမိန်းကလေးချစ်သူလိုမျိုးတွဲတာ လက်ထပ်တာမျိုးမဖြစ်စေချင်ကြတဲ့အမြင်တွေက ညီမတို့ဆီမှာအများစုရှိကြပါတယ်။ 

အချစ်ရေးနဲ့ပတ်သက်ပြီ ပရိသတ်တွေကိုဘာပြောချင်လဲ…
သူနဲ့ညီမဘာသာမတူတာတောင် ညီမဘုရားသွားရင်ညီမတို့ဘာသာတရားကို လိုက်လုပ်ပေးတယ်။ ညီမအတွက်လူကြီးလူကောင်းဆန်ပြီး အဆင်ပြေတဲ့လူတစ်ယောက်မို့ ချစ်သူအဖြစ်ရွေးချယ်ထား တဲ့အပေါ်မှာ ညီမပရိသတ်တွေနားလည်ပေးနိုင်လိမ့်မယ်လို့ မျှော်လင့်ပါတယ်။

ခြားနာချက်တွေများတဲ့အချစ်ကိုဘာကြောင့်ရွေးချယ်ဖြစ်တာလဲ…
အချစ်ကိုဘယ်လိုရှေ့ဆက်သွားမယ်ဆိုတာမျိုးတော့မတွေးထားဘူး။ ညီမချစ်သူနဲ့မတူညီတဲ့ ခြားနာချက်တွေ များပေမယ့် ညီမထက်လည်းလိမ္မာယဉ်ကျေးတဲ့သူဖြစ်သလို အရာရာညီမဆန္ဒကိုဦးစားပေးတယ်။  ညီမ ချစ်သူက ဥရောပသားတစ်ယောက်ဖြစ်ပေမယ့် ယဉ်ကျေးလိမ္မာတဲ့သူဖြစ်သလို မိဘကိုလည်း ညီမထက် ရိုသေတဲ့သူပါ။ တစ်ခါတလေညီမအမေကိုပြန်ပြေတာတွေ့ရင်သူကမိဘကို ဘာအကြောင်း မှပြန်ခံမပြော ရဘူး လို့ဆိုဆုံးမပါတယ်။ လူကြီးလူကောင်းဆန်တယ်။ ညီမအတွက် လူကြီးတစ်ယောက်လို ဆိုဆုံးမနိုင် တယ်။ သူကညီမထက်တောင် ယဉ်ကျေးလိမ္မာတဲ့သူဖြစ်လို့ ညီမကိုလည်းပြောဆိုဆုံးမနိုင်တဲ့သူဖြစ်တယ်။ ဒါ့ကြောင့်မတူညီမှုတွေများပေမယ့် ချစ်သူအဖြစ်ရွေးချယ်လိုက်တာပါ။  

အနုပညာရှင်တစ်ယောက်အနေနဲ့လက်မခံနိုင်တဲ့ဝေဖန်မှုတွေရှိလား…
အနုပညာရှင်တစ်ယောက်အနေနဲ့ဝေဖန်မှုတွေကို လက်ခံပါတယ်။ ဒါပေမဲ့အချစ်ရေးနဲ့ပတ်သက်ပြီး လူမူရေးကိစ္စတွေမှာ စာဖတ်လို့မကောင်းတဲ့ လူမြင်လို့မတင့်တယ်တဲ့ဝေဖန်မှုတွေကို လက်ခံနိုင်ဖို့ ခက်ပါတယ်။ မိုက်မိုက်ရိုင်းရိုင်းဆဲဆိုနေတဲ့ဝေဖန်မှုတွေဟာ ညီမပရိသတ်အစစ်အမှန်မဖြစ်နိုင်ဘူးလေ။ ဒီလိုဝေဖန်မှုတွေက လူအများမြင်လို့မသင့်တော်တဲ့ ပုဂ္ဂိုလ်ရေးတိုက်ခိုက်တဲ့ဝေဖန်မှုတွေကို ညီမလက်မခံနိုင်ဘူး။

ပုညဗိုလ်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 

Share on Google Plus

0 comments:

Post a Comment