သူ့မိဘ ကိုယ့်မိဘတွေနဲ့ ပထမဆုံးတွေ့မယ်ဆိုရင် ဒီလိုပြင်ဆင်သွားပါ…








သူပြောတော့ပြဿနာမရှိပါဘူးတဲ့။ ဒါပေမဲ့  ချစ်သူရည်းစားတွေအတွက် အရေးကြီးဆုံးက နှစ်ယောက်ထဲချစ်နေရုံနဲ့မပြီးဘဲ သူ့ဘက်မိသားစု၊ ကိုယ့်ဘက်မိသားစုက အပြန်အလှန်လက်ခံဖို့ပါဘဲ။ ဘယ်သူတစ်ဦးတစ်ယောက်ကမှတော့ မိဘတွေသဘောမတူလို့ချစ်နေပါလျက်နဲ့ ကွဲသွားရတဲ့ဝေးသွားရတဲ့ အဖြစ်ကိုလိုချင်ကြမှာမဟုတ်ပါဘူး။ အဲဒီနေရာမှာ ပေါင်းသင်းဆက်ဆံရေးကအရေးတကြီးလိုအပ်လာပါပြီ။ အဲဒီတော့သူ့မိသားစု ကိုယ့်ကိုလက်ခံလာစေဖို့ဘယ်လိုကြိုးစားကြမလဲ။
အ၀တ်အစားသတိပြု
ပထမဆုံးအမြင်ဆိုတာ လူတိုင်းအတွက်အရေးကြီးပါတယ်။ အဲဒါကြောင့် သူ့မိဘနဲ့တွေ့ဆုံရဖို့သွားတဲ့အခါ ယောက်ျားလေးဖြစ်စေ၊ မ်ိန်းကလေးဖြစ်စေ အ၀တ်အစားကိုသပ်သပ်ရပ်ရပ်ဝတ်ဆင်တတ်ဖို့ကအရေးကြီးဆုံးဖြစ်ပါတယ်။
ကြိုတင်ပြင်ဆင်
ပထမဆုံးသူ့မိဘတွေနဲ့သွားတွေ့တော့မယ်ဆိုတော့ စိတ်တွေလှုပ်ရှားမှာကျိန်းသေပါပဲ။ စိတ်တွေလှုပ်ရှားတာနဲ့အတူ စကားတွေမှားမှာကလည်းသေချာပါတယ်။ အဲဒါကြောင့် ကိုယ့်ချစ်သူလက်တွဲဖော်တစ်ယောက်တည်းအကြောင်းကို သိရုံနဲ့မပြီးသေးပါဘူး။ သူ့မိဘတွေရဲ့ယုံကြည်မှု၊ ဘာတွေကြိုက်တတ်တယ်၊ ဘာတွေမကြိုက်ဘူးဆိုတာမျိုး သူတို့ကျင့်သုံးတဲ့ဓလေ့စရိုက်လေးတွေကို ဦးဆုံးလေ့လာထားဖို့လိုပါတယ်။ ဒါလေးတွေက ကိုယ့်ကိုအမှတ်ရစေမှာမဟုတ်ပါလား။
ကူညီတတ်ပါစေ
သူ့မိဘတွေနဲ့သွားပြီးတွေ့ဆုံရမယ့်နေရာမှာ သတိထားရမှာက ကိုယ်ကဧည့်သည်မဟုတ်ပါဘူး။ သူတို့နဲ့အတူ ဘ၀ထဲကိုဝင်ရောက်လာမယ့် အိမ်သားတစ်ယောက်ပါ။ အဲဒါကြောင့် ကိုယ့်ကိုယ်ကိုယ်ဧည့်သည်လိုမျိုးစတိုင်လ်အပြည့်၊ ဣိနြေ္ဒကြီးတစ်ခွဲသားနဲ့ထိုင်နေဖို့မကြိုးစားပါနဲ့။ သူ့မိဘတွေကို “ဘာကူညီပေးရမလဲ”ဆိုတာမျိုးကမ်းလှမ်းပါ။  ၀ိုင်းပြီးအတူတူကူညီပေးလိုက်ပါ။
အရမ်းချစ်မပြပါနဲ့
မိဘနဲ့သားသမီးကဖြတ်သန်းလာရတဲ့ မျိုးဆက်ပတ်ဝန်းကျင်ကမတူပါဘူး။ ဒါမေပဲ့ ကိုယ့်သားသမီးအရွယ်တွေကိုကြည့်ပြီး အကဲခက်နိုင်ပါတယ်။ သူ့မိဘတွေဆီက အမှတ်များများရဖို့ အသိအမှတ်ပြုခံရဖို့ ဟန်ဆောင်ပန်ဆောင်တွေလုပ်ပြမနေပါနဲ့။ ပုံမှန်အတိုင်းသာဆက်ဆံပေးပါ။
လက်ဆောင်ပစ္စည်းယူသွားပါ
ပထမဆုံးသွားပြီးမိတ်ဆက်တာဆိုတော့ လက်ဗလာချည်းနဲ့သွားတာ ကောင်းမှာမဟုတ်ပါဘူး။ အဲဒါကြောင့် ကိုယ့်ချစ်သူရဲ့မိဘတွေ သူတို့ဘာကြိုက်တယ်ဆိုတာ တိုင်ပင်ပါ။ သူ့မိဘကြိုက်တတ်တာလေးတွေဝယ်ပေးပါ။ လက်ဆောင်ပစ္စည်းတန်ဖိုးက အရမ်းကြီးနေစရာလည်းမလိုပါဘူး။ ဒီနေရာမှာလက်ဆောင်ဆိုတာ “လေးစားမှု”လို့အဓိပ္ပာယ်ဖွင့်ပါတယ်။
သူ့ကိုမိဘတွေရှေ့မဝေဖန်နဲ့
ကိုယ်နဲ့ကိုယ့်ချစ်သူက အပြင်မှာတစ်ယောက်နဲ့တစ်ယောက်ပြောမနာဆိုမနာဝေဖန်တတ်ကြပေမယ့် မိဘတွေရှေ့မှာတော့သတိထားဖို့လိုပါတယ်။ ကိုယ့်မိဘတွေအတွက်တော့ ကိုယ်ကကလေးတစ်ယောက်လိုပါဘဲ။ အဲဒါကြောင့် မိဘတွေရှေ့မှာ သူ့အကြောင်းမဝေဖန်ဖို့တော့သတိထားပါ။
အကြံပြုချက်ကိုလက်ခံပါ
မတူညီတဲ့မိသားစုနဲ့သွားတွေ့တာဖြစ်တဲ့အတွက် သူတို့ပြောတဲ့စကားတွေထဲမှာ ကိုယ်မကြိုက်တာတွေကို ခွန်းတုံ့ပြန်တာမျိုး၊ အကြံပြုချက်တွေကိုစောဒကတတ်တာမျိုးမလုပ်မိစေနဲ့။ ကိုယ်မတတ်နိုင်တာတွေ လွယ်လွယ်ဂတိမပေးမိစေနဲ့။ အကြံပြုစကား၊ ဆုံးမစကားတွေကို နားထောင်ပေးလိုက်ပါ။ ကိုယ်လုပ်တာမလုပ်တာကတော့ ကိုယ့်ရဲ့ဆုံးဖြတ်နိုင်စွမ်းအပေါ်မှာသာမူတည်ပါတယ်။
ပတ်ဝန်းကျင်ကိုဂရုစိုက်နုတ်ဆက်
မိဘတွေနဲ့သွားတွေ့တာဆိုလို့ သူ့ရဲ့အိမ်သားတွေကိုလည်းမသိချင်ယောင်ဆောင်နေလို့မရပါဘူး။ ကိုယ့်ဘက်ကအတတ်နိုင်ဆုံးချိုချိုသာသာပြုံးပြပါ။ ယဉ်ကျေးစွာပြုမူပြပါ။
ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment