ကိုယ်သတ်မှတ်ထားတဲ့ကတိလေးတွေ အောင်မြင်သလောက်ရှိနေပြီလား …








ဒီတစ်ခေါက်မှာလည်း ရည်မှန်းချက်တွေ မျှေလင့်ချက်တွေအကြောင်းပဲပြောပါမယ်။ လွန်ခဲ့တဲ့နှစ် ဒီဇင်ဘာလ ၃၁ ရက်နေ့ကို မှတ်မိပါသေးလား။ နောက်နေ့ကစပြီး ၀ိတ်ချမယ်၊ ဘယ်ရည်မှန်းချက်ရောက်အောင်လုပ်မယ်ဆိုပြီး သန္နိဌာန်ချခဲ့တာမျိုးလေးတွေကိုပေါ့။ ဒီနှစ်ထဲရော ကိုယ်သတ်မှတ်ခဲ့တဲ့ကတိလေးတွေက အောင်မြင်သလောက်ရှိနေပါပြီလား။ တကယ်လို့ တစ်ဝက်တပျက်နဲ့လက်လျော့ဖို့ကြိုးစားနေရင်တော့ အခုပြောမယ့်အကြောင်းအရာလေးတွေဖတ်ပြီး ကိုယ့်ကိုယ်ကိုစိတ်ခွန်အားပြန်လည်မွေးဖွားကြည့်ပါ။
ရှင်းလင်းပြတ်သားပါစေ
ပထမဆုံးအနေနဲ့ ကိုယ့်ရဲ့အိပ်မက်တွေရည်မှန်းချက်တွေကဘယ်အတိုင်းအတာအထိပေါက်ရောက်နေပြီဆိုတာကို ရှင်းလင်းပြတ်သားဖို့လိုပါတယ်။ '“၀ိတ်ချမယ်''ပိုက်ဆံစုမယ်” ဆိုတာတွေက ဘယ်လောက်အတိုင်းအတာအထိဝိတ်ချမှာလဲ၊ ဘယ်လောက်ငွေပမာဏစုမှာလဲ၊ သေချာမသတ်မှတ်ထားတဲ့ သာမန်ရိုးရှင်းတဲ့ သန္နိဌာန်လေးတွေပါ။ အဲဒါကြောင့် ကိုယ့်ကိုယ်ကို မေးခွန်းတွေနဲ့တွေဝေမိန်းမောမနေဖို့ တိကျပြတ်သားတဲ့ဆုံးဖြတ်ချက်ချထားဖို့လိုပါတယ်။
အစီအစဉ်ရေးဆွဲပါ
မြေပုံတစ်ခုမရှိပဲ မကျွမ်းကျင်တဲ့နေရာဒေသမှာ ခရီးမတွင်နိုင်သလို သေချာတဲ့အစီအစဉ်မရှိပဲ ရည်မှန်းချက်တွေကခရီးရောက်နိုင်မှာမဟုတ်ပါဘူး။ အဲဒါကြောင့် ကိုယ်သွားချင်တဲ့အတိုင်းအတာကို တိတိကျကျသိနိုင်ဖို့အတွက် ဘက်ပေါင်းစုံကဖြစ်နိုင်ခြေနည်းလမ်းတွေကိုရေးဆွဲထားပါ။ အဲဒီဖြစ်နိုင်ခြေတွေထဲကမှတစ်ဆင့် အဖြစ်နိုင်ဆုံးတွေကိုရှာဖွေဖော်ထုတ်ပါ။
ခွဲခြမ်းစိတ်ဖြာပါ
ခရီးလမ်းတစ်ခုမှာကိုယ်ဘယ်လောက်သွားခဲ့ပြီးပြီလဲဆိုတာ မှတ်တိုင်လေးတွေစိုက်ထူခဲ့သလို အိပ်မက်ပန်းတိုင်တွေစီအရောက်လှမ်းနေတဲ့အခါမှာလည်း ပေါက်ရောက်ခဲ့ပြီးတဲ့အောင်မြင်မှုလေးတွေကို တစ်ခုစီခွဲခြမ်းစိတ်ဖြာဖို့လိုပါတယ်။ ဥပမာ တစ်နှစ်အတွင်း ဘယ်နှစ်ပေါင်ဝိတ်ချမယ်ဆိုတဲ့ စိတ်ကူးအပေါ် တစ်လအတွင်းပေါင်ဘယ်လောက်ချနိုင်သလဲဆိုတဲ့ ကိုယ့်ရဲ့အောင်မြင်ခဲ့တဲ့မှတ်တိုင်လေးတွေကို ကြံဖန်ပြီးဂုဏ်ယူတတ်ဖို့လိုပါတယ်။
တာဝန်ယူပါ
ရည်မှန်းချက်တစ်ခုကိုလျှောက်လှမ်းတဲ့အခါ အောင်မြင်မှုအတွက်တာဝန်ရှိသလို ကျရှုံးမှုတွေအတွက်လည်း တာဝန်ရှိပါတယ်။ အဲဒါကြောင့် အောင်မြင်ပါစေ၊ ကျရှုံးပါစေ၊ ကိုယ့်ကြောင့်ဖြစ်ခဲ့တယ်ဆိုတာကို ၀န်ခံရဲတဲ့သတ္တိမွေးဖွားပါ။
ရင်ဖွင့်ပါ
တစ်ခါတရံမှာတော့ တစ်ယောက်တည်းသုတ်ခြေတင်ကြိုးစားနေရုံနဲ့မပြီးပါဘူး။ တစ်ခါတရံတစ်ယောက်တည်းလျှောက်လှမ်းနေရတာက ပျင်းဖို့ကောင်းပါတယ်။ အဲဒီအခါ ပတ်ဝန်းကျင်ဆိုတာလိုအပ်လာပါပြီ။ ကိုယ်ရဲ့အောင်မြင်မှု၊ ကျရှုံးမှု၊ ဆုံးရှုံးမှုတွေကို သေချာနားထောင်ပေးမယ့်သူငယ်ချင်းမိတ်ဆွေမျိုးရှိနေခြင်းကလည်း ကိုယ့်အတွက်ခွန်အားဖြစ်စေပါလိမ့်မယ်။
တစ်နေ့တစ်လှမ်းပုံမှန်လှမ်းခြင်း
လှေကားထစ်တွေကိုအဆင့်ကျော်ပြီးတက်ကြည့်ပါ။ အချိန်အတိုင်းအတာတစ်ခုကြာလာတဲ့အခါ ပင်ပန်းလာပါတယ်။ အဲဒီလိုပဲ ရည်မှန်းချက်ပန်းတိုင်ကိုလျှောက်လှမ်းတဲ့အခါမှာ လောဘမကြီးဖို့လိုပါတယ်။ ဒီနေ့ဘယ်လောက်ကြိုးစားမယ်။ နောက်တစ်နေ့ဘယ်လောက်ကြိုးစားမယ်ဆိုတဲ့ ပုံမှန်ကန့်သတ်ချက်လေးနဲ့ကြိုးစားပါ။
အောင်မြင်မှုတိုင်းကိုခံစားပါ
အောင်မြင်မှုတစ်ခုရလာသူတိုင်း ဒိုင်ယာရီရေးတာမျိုး၊ ကိုယ့်ကိုယ်ကို ပိုပြီးအားတက်လာအောင်ကြိုးစားဖို့ ပိုပြီးစိတ်အားထက်သန်လာအောင် ဂုဏ်ပြပွဲလေးတွေကျင်းပတာမျိုး ဒါမှမဟုတ် မိသားစု၊ မိတ်ဆွေတွေနဲ့ ဝေမျှတာမျိုးလေးတွေလုပ်ပေးပါ။
Plan A အလုပ်မဖြစ်တဲ့အခါ
Plan A အလုပ်မဖြစ်လို့ဆိုပြီး အကြောင်းပြချက်တွေမပေးပါနဲ့။ Plan A အလုပ်မဖြစ်တဲ့အခါ နောက်ထပ် B ကနေ Z အထိစာလုံးပေါင်း (၂၅)လုံးအစီအစဉ်ပေါင်း (၂၅)ခု ဆက်လုပ်နေနိုင်ပါသေးတယ်။ ကိုယ့်ဘက်ကစိတ်ဓာတ်ခွန်အားအပြည့်ရှိဖို့သာလိုအပ်တာပါ။
ရန်နိုင်

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 

Share on Google Plus

0 comments:

Post a Comment