Rogue Wizards







သင်ဟာတိုက်ခိုက်ရေးဂိမ်းတွေကို နှစ်သက်သူတစ်ယောက်ဆိုရင်တော့ ခုဖော်ပြပေးမယ့် Rouge Wizards ဆိုတဲ့ ဂိမ်းကိုကျိန်းသေပေါက် နှစ်ခြိုက်ပါလိမ့်မယ်။

 ဒီဂိမ်းဟာတိုက်ခိုက် ရေးလို့ ဆိုပေမယ့် ခုခံကာကွယ်ရင်းနဲ့ ပြန်လည်တိုက်ခိုက်ရတယ်ဆိုရင် ပိုမှန်ပါလိမ့်မယ်။ တစ်နည်းအားဖြင့် ကိုယ်ကာကွယ်ရမယ့် နယ်မြေထဲကို ၀င်ရောက်လာတဲ့ မကောင်းဆိုးဝါး မိစ္ဆာတွေကိုခုခံကာကွယ် တွန်းလှန်ရတဲ့ Defense ဂိမ်းမျိုးဖြစ်ပါတယ်။ တစ်နည်းအားဖြင့် သင်ဟာအရင်တုန်းကTnTလို Tower Defense ဂိမ်းမျိုးကိုဆော့ကစားဖူးတယ်ဆိုရင် တော့ ဒီဂိမ်းကိုခဏလေးအကျွမ်းတ၀င် ဆော့ ကစားနိုင်မှာဖြစ်ပါတယ်။ ဒီဂိမ်းရဲ့ အဓိကဇာတ်ကောင်ဖြစ်တဲ့ Rogue Wizards လို့ ခေါ်တဲ့ ငယ်ရွယ်တဲ့မှော်ဆရာလေးဟာသူ့ရဲ့ နယ်မြေထဲကို ၀င်ရောက်လာမယ့် မကောင်းဆိုးဝါးတွေကို ကိုယ့်ရဲ့ မဟာမိတ်တွေ၊ စုစည်းထားတဲ့ အင်အားတွေနဲ့ တွန်းလှန် ရမှာဖြစ်ပြီး turn-to-turn အလှည့်နဲ့ ဆော့ကစားရတာဖြစ်တဲ့အတွက် ဒီပွဲရဲ့ အနိုင်အရှုံးဆုံးဖြတ်ချက်ဟာတစ်ကွက်ရွေ့တဲ့အမှား၊ အမှန်ပေါ် မူတည်နေပါတယ်။ 

ကိုယ့်ရဲ့ ဆုံးဖြတ်ချက် တစ်ချက်မှားတာနဲ့ အင်ပါယာတစ်ခုလုံးကျဆုံးသွားနိုင်သလိုတစ်ကွက်ကောင်းအောင်မြင်တာနဲ့ ရန်သူတွေကိုအဆုံးသတ်ခြေမှုန်းနိုင်မှာဖြစ်ပါတယ်။ ဒါကြောင့် ဒီဂိမ်းဟာ Defense ဂိမ်းဆိုပေမယ့် Action/RPG ဂိမ်းလိုရသမျိုးလည်းပေးစွမ်း နိုင်နေပါတယ်။ တစ်ခါတစ်ရံကိုယ့်ရဲ့ ရန်သူတွေဟာကိုယ်မမြင်ရတဲ့ မြေအောက်တွင်းတွေ ထဲကထွက်ပေါ်လာပြီးကိုယ့်ကိုပတ်ပတ်လည် ၀န်းရံခံရတဲ့အဖြစ်မျိုးလည်းတွေ့ကြုံရမှာဖြစ်ပါတယ်။ ဒီလိုတွေ့ကြုံလာခဲ့ရင်တော့ Rouge Wizards လေးမှာအရေးကြုံတဲ့အခါ အသုံးချနိုင်မယ့် ထူးခြားတဲ့ မှော်စွမ်းအင်တွေ ပေါ်ထွက်လာပြီး ၀န်းရံနေတဲ့ ရန်သူတွေကိုတစ်ချက်တည်းနဲ့ ချေမှုန်းနိုင်ပါလိမ့်မယ်။ ဒါပေမဲ့ အဒီလိုအသုံးပြုနိုင်မယ့် စွမ်းအင်တွေကိုဂိမ်းစတင်တဲ့အချိန်ကတည်းကဘယ်လိုစွမ်းအင်မျိုးအသုံးပြုမယ်ဆိုတာ ကြိုတင်ရွေးချယ်ထားပေးရမှာဖြစ်ပါတယ်။ 

Rouge Wizards အတွက် spell book လို့ခေါ်တဲ့ မှော်စွမ်းအင်စာအုပ်ရှိပြီးအဲဒီစာအုပ်မှာဘယ်လိုတိုက်ခိုက်ရေးစွမ်းအင်တွေ၊ အကာအကွယ်တွေ အသုံးပြုမယ်ဆိုတာ ကြိုတင် စီမံခိုင်းစေထားရမှာဖြစ်ပါတယ်။ စွန့်စားခန်းဆန်ဆန် ဆော့ကစားရမယ့်ဒီဂိမ်းဟာအသံအရည်အသွေး၊ ပုံထွက်အရည်အသွေးပြောစရာမရှိအောင် ကောင်းမွန်ပြီးဆော့ကစားရတဲ့ game play ကလည်းရိုးအီသွာခြင်းမရှိတဲ့အတွက် ပြိုင်ဘက် Diablo III လိုဂိမ်းတွေထက် လူကြိုက်များတာတွေ့ရမှာဖြစ်ပါတယ်။ ဒါ့အပြင် ဒီဂိမ်းကိုဆော့ကစားဖို့ အ တွက် ဖုန်းရဲ့ hardware လိုအပ်ချက်လည်းသိပ်ကြီးကြီးမားမားမရှိတဲ့အတွက် အဆင်ပြေပြေဆော့ကစားနိုင်ကြမှာဖြစ်ပါတယ်။ 

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
Share on Google Plus

0 comments:

Post a Comment