အမေကဘေးကနေအမြဲခွန်အားတွေပေးတယ်…ဆန်းသစ်လ

လက်ရှိအနုပညာလှုပ်ရှားမှု

လက်ရှိမှာတော့  ညီမတစ်ကိုယ်တော်အခွေလေးက နောက်လစက်တင်ဘာ၃ရက်နေ့မှာထွက်ရှိမှာဖြစ်တဲ့အတွက် အဲဒီအတွက်လုပ်နေပါတယ်။ ပြီးတော့ ဒီရက်ပိုင်းအတွင်းမှာ အခွေထဲမှာပါမယ့်သီချင်းလေးတစ်ပုဒ်ကို အွန်လိုင်းပေါ်အရင်ဆုံးတင်မယ်ပေါ့နော်။ အဲဒီအတွက်လည်းကြိုးစားနေတယ်။ ပြီးတော့ ညီမ MRTV-4 ကလာတဲ့ Glaxy Star သီချင်းဆိုပြိုင်ပွဲ အဲဒီမှာလည်း Second Host အနေနဲ့ပါဝင်နေရပါတယ်။ မကြာခင်မှာ Live လွင့်တော့မှာပါ။ 

ဒီအခွေလေးဖြစ်ဖို့ ညီမအများကြီးကြိုးစားထားရတယ်…

ဒီအခွေလေးကိုစလုပ်နေတာက ၂၀၁၄ အကုန် ၂၀၁၅ နှစ်ဆန်းပိုင်းလောက်ကတည်းကဆိုတော့ ညီမဒီအခွေက ၂နှစ်ကျော်သွားပြီပေါ့နော်။ သီချင်းလေးတွေလည်း ညီမစုနေတာကြာပြီ။ သီချင်းလေးတွေစုလိုက် ကိုယ်မကြိုက်လိုက်နဲ့ သီချင်းအပုဒ်ရေတောင်တော်တော်များသွားပြီ။ အဲဒီကမှ ညီမသွင်းတယ်။ မကြိုက်လို့ပြန်ထုတ်တယ်။ အသစ်ထပ်သွင်းတယ်။ ၂နှစ်ကျော်လောက်ကြိုတင်ပြီးတော့ပြင်ဆင်ရတယ်။ 

ဒီအခွေလေးကိုနောက်ဆုံးအချောသတ်ဖြစ်တာကတော့ ၂၀၁၇ နှစ်ဆန်းပိုင်းလောက်မှစပြီးတော့ သေချာလုပ်ဖြစ်တာပေါ့နော်။ အဲဒီတော့ ဒီအခွေလေးဖြစ်ဖို့ ညီမအများကြီးကြိုးစားထားရတယ်။ အချိန်ရော၊ လူရော၊ ငွေကြေးရောပေါ့နော်။ ညီမတို့သားမိနှစ်ယောက်လုံး ညီမရော ညီမအမေရော အတူတူကြိုးစားထားတယ်။ ဒီအခွေလေးထဲမှာ သီချင်းကအဟောင်းလည်းပြန်ဆိုထားတယ်။ Own Tune အသစ်တွေလည်းအများကြီးပါတယ်။ အဟောင်းကတော့ အားလုံး ၃ပုဒ်ပေါ့နော်။ တေးရေးဆရာ ဦးသုခမန်လှိုင်ရယ်၊ တေးရေး ဆရာကိုအောင်ရယ်၊ တေးရေး ဆရာဦးညီညီလွင်ရယ်။ သီချင်းအဟောင်း ၃ပုဒ်ကို ပြည်လည်သီဆိုထားတယ်။ ကျန်တာအားလုံးက အသစ်တွေချည်းပါပဲ။ ညီမသီချင်းခွေထဲမှာ တေးရေးဆရာတွေအားလုံး ၁၁ ယောက်ပါတယ်ပေါ့နော်။ ညီမသီချင်းအားလုံးကလည်း ၁၁ ပုဒ်ပါ။ ဒီအခွေလေးထဲမှာတော့ ညီမရှိသမျှအစွမ်းနဲ့ကြိုးစားထားပါတယ်။ ဒီအခွေလေးကတော့ စက်တင်ဘာ၃ရက်နေ့မှာထွက်မှာပေါ့နော်။

အခွေနဲ့ပတ်သက်တဲ့အခက်အခဲ

အခက်အခဲကဘာဖြစ်လဲဆိုတော့ ညီမက သီချင်းကိုရွေးလိုက်တဲ့အခါမှာ ၃-၄ လ ကြာရင်အဲဒီသီချင်းကိုမကြိုက်တော့ဘူး။ အဲဒါနဲ့ပဲ အချိန်တော်တော်ကြာသွားတာပေါ့နော်။ ပြီးတော့ အစ်ကိုတွေအားမယ့်အချိန်နဲ့ညှိရတယ်။ သူတို့အားမယ့်အချိန်ညှိလိုက် ကိုယ်ကသီချင်းမကြိုက်လိုက်နဲ့ မကြာသင့်တာပိုပိုကြာသွားတယ်။ ဒါပေမဲ့ အခုသူတို့လည်းအားတဲ့အချိန်မှာ ညီမအခွေလေးကိုအကောင်းဆုံးလုပ်ပေးတာဆိုတော့ ထွက်လာတဲ့ Result ကိုတော့ ညီမတအားကျေနပ်တယ်ပေါ့နော်။ ဒီအခွေထဲမှာဆိုရင်လည်း ကိုယ်မထင်ထားတဲ့လူတွေက ကိုယ့်ကိုကူညီပေးတယ်ပေါ့နော်။ သူတို့စိတ်ရင်းအမှန်နဲ့လုပ်ပေးတာမြင်ရတော့ ညီမတကယ်ကိုဝမ်းသာမိတယ်။ အဆိုပိုင်းမှာ နာမည်သိပ်မရသေးတဲ့လူတစ်ယောက်ကို တေးရေးဆရာအကြီးကြီးတွေကိုယ်တိုင်ကလည်း သူတို့သီချင်းကို စိတ်ရင်းအမှန်နဲ့သေသေချာချာလေးပေးတဲ့အတွက် ညီမကျေးဇူးတင်ပါတယ်လို့။ ဘာလို့လဲဆိုတော့ သူတို့စိတ်ထဲကလာတဲ့ နှလုံးသားနဲ့ခံစားထားတဲ့သီချင်းတစ်ပုဒ်ကိုပေးဆိုဖို့ဆိုတာလည်း မလွယ်ဘူးပေါ့နော်။ အဲဒီအတွက်ကြောင့် ညီမကိုယုံယုံကြည်ကြည်နဲ့ပေးဆိုတဲ့အတွက်လည်း ညီမအကောင်းဆုံးကြိုးစားထားပါတယ်။ ခက်ခဲတာကတော့ အများကြီးပါပဲ။

ကျန်တာကတော့အရမ်းအမြူးကြီးတွေမပါဘူး။ ပထမကတော့ EDM ပုံစံတွေ ညီမထည့်မယ်ဆိုပြီးတော့ တစ်ပုဒ်လုပ်သေးတယ်…

ညီမအသံက အေးတယ်၊ ချိုတဲ့ဘက်သွားတဲ့အခါကျတော့ Pop ကတော့အများဆုံးပါတယ်ပေါ့နော်။ ညိမ့်ညိမ့်ညောင်းညောင်းလေးတွေအများဆုံးပါတယ်။ ကျန်တာကတော့အရမ်းအမြူးကြီးတွေမပါဘူး။ ပထမကတော့ EDM ပုံစံတွေ ညီမထည့်မယ်ဆိုပြီးတော့ တစ်ပုဒ်လုပ်သေးတယ်။ ဒါပေမဲ့ ညီမမထည့်တော့ဘူးပေါ့နော်။ တခြားသီချင်းတွေနဲ့အဆင်မပြေမှာ မလိုက်မှာစိုးလို့မထည့်ဖြစ်ဘူး။ ဒါပေမဲ့ အဟောင်းလေးတွေကို Version ပြန်ပြောင်းပြီးဆိုထားတာလေးတွေပါမယ်။ Pop သီချင်းချိုချိုလေးတွေ Own Tune လေးတွေပါမယ်ပေါ့နော်။ မကြာခင် ဒီရက်ပိုင်းအတွင်းမှာ အွန်လိုင်းတင်မယ်ပေါ့နော်။ အဲဒါကတော့ ကိုရွှေထူးရေးပေးထားတဲ့ဆူးပေးတဲ့ဆုဆိုတဲ့သီချင်းလေးပေါ့။ အဲဒီသီချင်းလေးဆိုရင်လည်း ပထမသူပေးတာတစ်ပုဒ်၊ သူကိုယ်တိုင် စိတ်တိုင်းမကျလို့ ညီမကိုသီချင်းပြန်လဲပေးတဲ့အတွက်ကြောင့် ညီမလည်းတကယ်ကိုကျေးဇူးတင်ပါတယ်။ သူဆိုရင်လည်းကူညီပေးတယ်ပေါ့နော်။ အဲဒီအတွက်ကြောင့် ဒီနေရာကနေကိုရွှေထူးကိုကျေးဇူးတင်ကြောင်းပြောချင်ပါတယ်။ အဲဒီသီချင်းလေးကို ညီမကိုယ်တိုင်လည်းသဘောကျတယ်။ သူကလည်းတကယ်သဘောကျတယ်။ အဲဒီအတွက်ကြောင့် ဒီသီချင်းလေးတင်ရမှာက ညီမတော်တော်လည်းရင်ခုန်နေတယ်။ ဘာဖြစ်လို့လဲဆိုတော့ သူ့ရဲ့မှန်းထားသလောက် ကိုယ်မဆိုနိုင်မှာလည်းကြောက်တယ်ပေါ့နော်။ 

ညီမကပြန်ဆိုတဲ့အခါမှာ အစ်ကိုရွှေထူးရဲ့ပုံစံမျိုးမဟုတ်ဘဲနဲ့ မိန်းကလေးခံစားချက်နဲ့ပြန်ဆိုမှာဆိုတော့ ပုံစံချင်းတော့တူချင်မှတူမယ်ပေါ့…

ဒီသီချင်းလေးက ပထမကိုရွှေထူးက သူကိုယ်တိုင်ဆိုဖို့လုပ်ထားတာပေါ့နော်။ သူရိုက်ထားတဲ့ ဒီရုပ်ရှင်ကားကြီးမှာထည့်ဖို့အတွက်သူလုပ်ထားတာ။ ရုပ်ရှင်ဇာတ်ဝင်တေးအနေနဲ့ပေါ့နော်။ သူ့ရဲ့ခံစားချက်လေးနဲ့သူရေးထားတာပေါ့။ ဒါပေမဲ့ ညီမအတွက်ပေးမယ်ဆိုပြီးတော့ ရည်ရွယ်ချက်မရှိဘူး။ သူကိုယ်တိုင်ဆိုဖို့လုပ်ထားတာပေါ့နော်။ ညီမကိုနောက်ထပ်ပေးတာက သီချင်းတစ်ပုဒ်ပေါ့နော်။ သူပေးတဲ့ပထမသီချင်းလေးကိုသဘောကျတယ်။ ယူမယ်ဆိုပြီးလုပ်ထားပြီးတော့မှ  သူ့ဘက်ကနေပြီးတော့မှ ပြန်ဖုန်းဆက်တယ်။ ညီမလေးရေ ဒီသီချင်းကအစ်ကို့အနေနဲ့ပေါ့ပေါ့ပါးပါးဖြစ်နေတယ်လို့ထင်တဲ့အတွက်ကြောင့် နောက်တစ်ပုဒ်လဲပေးမယ်။ နောက်တစ်ပုဒ်ကတော့တကယ်ကိုကောင်းတယ်။ အစ်ကိုကိုယ်တိုင်ဆိုဖို့ရေးထားတာဆိုတော့ ညီမပိုပြီးတော့ဝမ်းသာသွားတာပေါ့နော်။ စိတ်စေတနာကောင်းကောင်းနဲ့ နောက်ထပ်ကောင်းတဲ့သီချင်းတစ်ပုဒ်ကိုပေးတဲ့အတွက်ကြောင့်မို့ ညီမတောင်မထင်ထားဘူး။ အရမ်းပျော်သွားတယ်။ အဲဒီမှာ ဆူးပေးတဲ့ဆုသီချင်းလေးကို သူကိုယ်တိုင်ရှင်းပြတယ်။ ဒီသီချင်းလေးဟာ ကိုနေတိုးတို့ ကိုရွှေထူးတို့ မမိုးစက်ဝိုင်တို့ရိုက်ကူးထားတဲ့ ရုပ်ရှင်ကားကြီးရှိတယ်။ အဲဒီရုပ်ရှင်ကားကြီးထဲမှာ ဇာတ်ဝင်သီချင်းအဖြစ်သုံးဖို့လုပ်ထားတာ။ အဲဒါကိုမသုံးဖြစ်ဘဲနဲ့ အင်ဖနတီကိုထည့်ဖြစ်သွားတာလေ။ ဒီသီချင်းလေးကိုမသုံးဖြစ်လိုက်ဘူး။ သူဆိုဖို့ရည်ရွယ်ထားတာဆိုတော့ သူကိုယ်တိုင်ဆိုမယ့်သီချင်းလေးကို ညီမကိုပေးတာဆိုတော့ တကယ်ကိုအတိုင်းမသိညီမ၀မ်းသာတယ်။ ဒီသီချင်းလေးရဲ့ပုံစံက သီချင်းထဲကယောက်ျားလေးက ဂျလေဘီလေးပေါ့။ ဆိုးတယ်။ ဒါပေမဲ့ကောင်မလေးကိုသူအရမ်းချစ်တယ်။ ကောင်မလေးကအရမ်းချမ်းသာတဲ့ သူဌေးသမီးပေါ့။ သူနဲ့အဆင့်အတန်းခြင်းကွာတယ်။ မဖြစ်နိုင်မှန်းသိရက်နဲ့သူချစ်နေတယ်ပေါ့နော်။ လုံးဝအဆွေးလေးအမျောလေး သီချင်းလေးက။ သူရေးနေကျပုံစံနဲ့လည်း သိပ်မတူဘူး။ လုံးဝကွဲထွက်တယ်ပေါ့နော်။ ညီမကပြန်ဆိုတဲ့အခါမှာ အစ်ကိုရွှေထူးရဲ့ပုံစံမျိုးမဟုတ်ပဲနဲ့ မိန်းကလေးခံစားချက်နဲ့ပြန်ဆိုမှာဆိုတော့ ပုံစံချင်းတော့တူချင်မှတူမယ်ပေါ့။ 

ကိုယ့်ဘက်ကကြိုးစားမှုကိုတော့မလျှော့နဲ့… အကောင်းဆုံးလုပ်ဆိုပြီး အမေကဘေးကနေအမြဲခွန်အားတွေပေးတယ်…

စိတ်ခွန်အားပေးတဲ့သူက အမေပေါ့နော်။ ညီမဒီအခွေလေးစလုပ်ကတည်းက စိတ်ဓာတ်တွေကတက်လိုက်ကျလိုက် ဖြစ်မှဖြစ်ပါ့မလားစိုးရိမ်စိတ်တွေကြောက်ရွံ့စိတ်တွေရော လုပ်ချင်စိတ်တွေရော ဖြစ်ချင်စိတ်တွေရော အများကြီးပဲ စိတ်တွေအကုန်လုံးကရောထွေးပြီးတော့ ရှုပ်ရှက်ခတ်နေတာပေါ့နော်။ ကိုယ်ကိုယ်တိုင်တစ်ခါတလေစိတ်ဓာတ်အားတွေတက်လာပြီးတော့ ငါမဖြစ်ဖြစ်အောင်လုပ်ရမယ်ဆိုပြီးတော့တွေးလာတယ်။ တစ်ခါတလေကျရင်ဖြစ်ပါ့မလား ငါလုပ်တဲ့အရာလေးတွေအဆင်ပြေပါ့မလား အဲလိုလေးတွေလည်းတွေးပြီးပူရတယ်ပေါ့။ ဒါပေမဲ့ အရာအားလုံးကို ညီမအမေကဘေးကနေပြီး သမီးဘာမှစိတ်မပူနဲ့ ကိုယ်လုပ်တဲ့အရာတစ်ခုက ပရိသတ်လက်ခံသည်ဖြစ်စေ၊ လက်မခံသည်ဖြစ်စေ၊ ကိုယ်လုပ်နေဖို့ပဲလိုတယ်။ ကိုယ်ကြိုးစားနေဖို့ပဲလိုတယ်။ ကိုယ်ကြိုးစားနေသ၍ ကိုယ်လုပ်နေသ၍ အချိန်တန်ရင်တော့ နေရာတစ်ခုဆိုတာရလာမယ်ပေါ့နော်။ အဲဒီအတွက်ကြောင့် ကိုယ့်ဘက်ကကြိုးစားမှုကိုတော့မလျှော့နဲ့။  အကောင်းဆုံးလုပ်ဆိုပြီး အမေကဘေးကနေအမြဲခွန်အားတွေပေးတယ်။ ညီမရဲ့အရာအားလုံးအတွက်ကို ခွန်အားမြှင့်ပေးတဲ့ အမေ့ကိုလည်းကျေးဇူးတင်ပါတယ်။ ဒီအခွေလေးဖြစ်မြောက်ဖို့အတွက် ညီမအမေကအဓိကပါပဲ။

ညီမတို့ဆိုတာ အမေ့ရဲ့ခြေဖျားမပြောနဲ့မီဖို့ဆိုတာအဝေးကြီးလိုပါသေးတယ်…

အမေက အမေ့ခေတ်မှာဆိုရင်တကယ်ကိုအောင်မြင်ခဲ့တဲ့ အဆိုတော်တစ်ယောက်ပေါ့နော်။ အမေအောင်မြင်ခဲ့တယ်ဆိုတာကလည်း ပေါ့ပေါ့ပါးပါးလေးအောင်မြင်ခဲ့တာမျိုးမဟုတ်ဘူး။ ကိုယ်တိုင် တကယ့်ကို ဂီတအပေါ်မှာရူးသွပ်စွာနဲ့ ချစ်မြတ်နိုးတဲ့စိတ်နဲ့ နောက်ပြီးတော့ သူကိုယ်တိုင်ဒီအပေါ်မှာတကယ့်ကိုပါရမီရှင်တစ်ယောက်အနေနဲ့အောင်မြင်ခဲ့တာပါ။ ညီမတို့ဆိုတာ အမေ့ရဲ့ခြေဖျားမပြောနဲ့ မီဖို့ဆိုတာအဝေးကြီးလိုပါသေးတယ်။  ဒါပေမဲ့ ညီမရဲ့ပုံစံလေးကိုအမေကလက်ခံပေးတယ်။ သူ့အတိုင်းဖြစ်စရာမလိုဘူးပေါ့နော်။ ညီမရဲ့ဖြစ်လာတဲ့အပေါ်မှာ အမေကခွန်အားတွေအများကြီးပေးတယ်။ ဒီအခွေထဲမှာဆိုရင်လည်း ညီမအမေ့သီချင်းတစ်ပုဒ်ပြန်ဆိုထားတယ်။ မေမေက သူ့အတိုင်းလမ်းမညွှန်ပေးဘူး။ ညီမပေါ်မှာပဲ အကောင်းဆုံးဖြစ်အောင် သူကဘေးကနေ Control သူလုပ်ပေးတယ်။ ညီမဒီလိုအမေမျိုးရတာ အရမ်းဝမ်းသာပါတယ်။ တချို့ဆိုလို့ရှိရင် သူ့အတိုင်းမရလို့ သားသမီးကိုစိတ်တိုင်းမကျဘူး။ ဒါပေမဲ့ အမေက အဲဒီလိုမျိုးမဟုတ်ဘူး။ ညီမရဲ့ပုံစံကိုပဲအကောင်းဆုံးဖြစ်အောင်ပံ့ပိုးပေးတယ်ဆိုတော့ တကယ်ကို ဂုဏ်ယူမိပါတယ်။

ဒီအခွေလေးရဲ့ခေါင်းစဉ်ကတော့ မေမေရဲ့အောက်စီဂျင်

ဒီအခွေလေးဖြစ်ဖို့ကို ညီမတို့သားမိနှစ်ယောက်စလုံး စိတ်ရောလူရောနှစ်ပြီးတကယ်ကိုကြိုးစားထားတာပါ။ ဒီအခွေလေးဖြစ်ဖို့ကိုလည်း အချိန်တွေအများကြီးယူထားပါတယ်။ အခုကတော့ ဒီပရိသတ်လက်ထဲကိုထည့်ဖို့အတွက် နည်းနည်းလေးပဲလိုတော့တယ်ပေါ့နော်။ အခုက ညီမလည်းရင်တွေအရမ်းခုန်ပါတယ်။ ဒီအခွေလေးရဲ့ခေါင်းစဉ်ကတော့ မေမေရဲ့အောက်စီဂျင်ဆိုပြီးတော့ ပေးထားပါတယ်။ ဒီအခွေလေးကို စက်တင်ဘာ ၃ရက်နေ့မှာ ပရိသတ်လက်ထဲကိုထည့်ပါမယ်။ ထွက်ရှိရင်တော့ ကြိုက်သည်ဖြစ်စေ၊ မကြိုက်သည်ဖြစ်စေ၊ တစ်ခေါက်လောက်နားထောင်ပြီးတော့ ဝေဖန်ပေးပါ။ အကြံပေးပါ။ အားလုံးကိုကျေးဇူးတင်ပါတယ်လို့။

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်

 

Share on Google Plus