မကြာမကြာပြုံးပေးပါ










“အပြင်မှာဘယ်လောက်ပဲမိုးရွာနေပါစေ။ ပြုံးထားလိုက်စမ်းပါ။ သိပ်မကြာခင်မှာ နေမင်းကြီးကသူ့ရဲ့ အပြုံးမျက်နှာမင်းကိုလာပြပါလိမ့်မယ်” အန်နာလီ
ကိုယ်ပြုံးနေတဲ့အချိန်မှာကမ္ဘာကြီးကလည်းပြုံးနေတယ်လို့မခံစားရဘူးလား။ ပါးစပ်နားရွက်တက်ချိတ်လောက်တဲ့အထိပြုံးနေတဲ့အချိန်ကိုစဉ်းစားကြည့်ပါ။ လက်ရှိအချိန်မှာ အဲဒီလိုမျိုးမဖြစ်နေရင်တောင်ပျော်ရွှင်ခဲ့ဖူးတဲ့အချိန်တစ်ခုကိုတွေးကြည့်ပါ။ စိတ်ထဲပေါ့ပါးသွားတယ်မဟုတ်လား။ 

မျက်မှောင်ကျုံ့နေတဲ့အချိန်မှာတော့ လောကကြီးကိုအဆိုးမြင်မိမှာပေါ့။ ကိုယ့်ရဲ့ပခုံးတွေကလည်း ကျုံ့ဝင်နေပြီး ကိုယ်လုပ်နိုင်တာဘာဆိုဘာမှမရှိဘူးလို့ခံစားနေရလိမ့်မယ်။ အင်အားမဲ့နေသလို အကူအညီကင်းမဲ့နေသလိုခံစားနေရလိမ့်မယ်။ 

လူသားအများစုကိုယ်တိုင်အပါအ၀င်ပြုံးနေချိန်ထက်မျက်မှောင်ကျုတ်နေချိန်ကပိုများပါတယ်။ တကယ်တော့ နေ့စဉ်နဲ့အမျှရင်ဆိုင်နေရတဲ့ ပြဿနာတွေကလည်းဒုနဲ့ဒေးလေ။ ပြီးတော့ သဘာဝကျကျအပြုံးပိုင်ရှင်တွေမှမဟုတ်တာ။ ပြီးတော့ မကြာခဏပြုံးနေရအောင်လည်း အကြောင်းပြချက်ကောင်းကောင်းမှမရှိတာကိုး…။
ကဲ…ထားပါတော့ မကြာခဏမပြုံးတတ်ကြပေမယ့် မကြာမကြာပြုံးသင့်တဲ့အကြောင်းပြချက်လေး တွေရှိနေပါတယ်။

အပြုံးကဒေါသကိုလျှော့ချပေးတယ်
တစ်ချိန်မဟုတ်တစ်ချိန်တော့ လူသားပီပီဒေါသနဲ့လောင်ကျွမ်းဖူးကြမှာပါ။ ကိုယ့်ရဲ့ခံယူချက်တွေ၊ အမြင်တွေအတွက်ဒေါသနဲ့ အငြင်းအခုန်တွေဖြစ်ဖူးကြမှာပါ။ ဒီလိုဒေါသထွက်ရတာကို တကယ်ပဲနှစ်သက်ကြပါရဲ့လား။ အဖြေကတော ‘No’ ပါ။ အဲဒါဆို နောက်ဘာကိစ္စပဲဖြစ်ဖြစ်ပြုံးတတ်ဖို့ကြိုးစားကြည့်ပါ။ အပြုံးတစ်ပွင့်က စိတ်ကိုရုတ်ချည်းဆိုသလိုပြောင်းလဲသွားနိုင်သလို ဒေါသတွေကိုလည်းလျော့ချပေးပြီးသားဖြစ်စေပါလိမ့်မယ်။

အပြုံးကဆွဲဆောင်မှုရှိစေတယ်
လတ်တလောလူမှုကွန်ရက်တစ်ခုဖြစ်တဲ့ Facebook ကဓာတ်ပုံတွေကိုကြည့်ကြည့်ပါ။ ပြုံးနေတဲ့မျက်နှာပုံလေးတွေကိုတပ်ကြည့်ချင်စိတ်မဖြစ်မိဘူးလား။ မျက်နှာတွေတည်နေတာကိုထပ်မကြည့်ချင်တော့ဘူးမဟုတ်ပါလား။ ဘာလို့လဲဆိုတော့ အပြုံးကပတ်ဝန်းကျင်ကိုဆွဲဆောင်နိုင်စွမ်းရှိတယ်လေ။ တစ်စုံတစ်ယောက်ရဲ့အပြုံးကကြည့်နေရသူတွေကို နွေးထွေးသွားစေသလို အပျော်တွေလည်းကူးစက်သွားပါတယ်။

အပြုံးကနုပျိုစေတယ်
လူသားတွေဟာဇရာကိုဖုံးကွယ်မထားနိုင်ပေမယ့် ပြုံးနေတဲ့အချိန်မှာ နုပျိုသွားသယောင်ထင်ရစေပါတယ်။ ဒါကဘာကြောင့်လဲဆိုတာ ပြုံးနေတဲ့အချိန်မှာမျက်နှာပြင်က ကြွက်သားတွေကအလုပ်လုပ်ရပါတယ်။ မပြုံးတဲ့လူတွေက ဒီကြွက်သားတွေ အလုပ်လုပ်တာနည်းပါးသွားပြီး အရွယ်မတိုင်ခင်အိုမင်းရင့်ရော်ခြင်းကိုကြုံတွေ့လာရပါတယ်။

အပြုံးကပျော်ရွှင်စေတယ်
ကိုယ့်အခြေအနေတွေဘယ်လိုပဲဖြစ်နေပါစေ။ အပြုံးတစ်ပွင့်ကပြုံးလိုက်သူရော မြင်သူပါပျော်ရွှင်စေပါတယ်။ ပြုံးနေတဲ့အချိန်မှာစိတ်ကိုတက်ကြွစေတဲ့ Endrophins တွေကိုထုတ်လုပ်ပေးပြီး အဆိုးတွေကိုလျော့ပါးသက်သာစေပါတယ်။ တကယ်တော့ ကိုယ့်စိတ်အခြေအနေဆိုတာကိုယ့်ပတ်ဝန်းကျင်ကို လက်ခံမှုရဲ့အကျိုးဆက်ပါ။ တစ်ခါတစ်ရံ ကိုယ့်လက်ခံနိုင်စွမ်းတွေက မှားယွင်းနေတတ်ပါတယ်။ ပြုံးနေတဲ့အချိန်မှာတော့ ဒီအကျိုးဆက်တွေ ပြောင်းပြန်ဖြစ်သွားပြီးအကောင်းမြင်စေလာတာပေါ့။

အပြုံးက ပထမဆုံးအမြင်ပါ
လူတစ်ယောက်ကိုပထမဆုံးမှတ်မိလွယ်စေတာကသူ့ရဲ့အပြုံးပါ။ ကိုယ်ပြုံးပြလိုက်တဲ့အပြုံးကရင်းနှီးဖော်ရွေမှု၊ နွေးထွေးမှု၊ ကြင်နာတတ်မှုတိုင်းရဲ့သင်္ကေတပါ။ အဲဒီတော့ ပထမဆုံးအမြင်ကောင်းမွန်နေစေဖို့အတွက် များများပြုံးပါ။

အပြုံးက စိတ်ကူးဉာဏ်ကွန့်မြူးစေတယ
လုပ်ငန်းခွင်ထဲမှာမပျော်ရွှင်တဲ့အခါ ထုတ်လုပ်နိုင်မှုစွမ်းရည်တွေကျဆင်းလာပါတယ်။ အဲဒီလိုမျိုးမှာ အပြုံးတစ်ခုသာဆင်မြန်းထားလိုက်ပါ။ စိတ်တွေကြည်လင်လာသလို ကိုယ့်ရဲ့ဖန်တီးတီထွင်နိုင်မှုစွမ်းတွေလည်းတိုးလာပါလိမ့်မယ်။

အပြုံးကယုံကြည်မှုရဲ့သင်္ကေတ
ကိုယ်ဟာမကြာခဏပြုံးတတ်သူဆိုရင်တော့ ကိုယ့်ကိုယ်ကိုယ်ယုံကြည်မှုရှိသူဆိုတာသေချာနေပါပြီ။ ပတ်ဝန်းကျင်ရဲ့အမြင်တွေကို ဂရုမစိုက်တော့ဘဲ ကိုယ့်ကိုယ်ကိုယ်ပိုပြီးယုံကြည်မှုရှိလာပါပြီ။

အပြုံးကစိတ်ဖိစီးမှုလျော့ကျစေတယ်
ဥပမာဆိုရင်လုပ်ငန်းခွင်တစ်ခုထဲမှာ မျက်နှာထားကပျက်ယွင်းနေတာမျိုးဆိုရင်'ငါမလုပ်နိုင်တော့ဘူး'ဆိုတဲ့စိတ်ဖိစီးမှုတွေက၀င်လာပါတယ်။ အဲဒီလိုအချိန်မှာ စိတ်အေးအေးထားပြီး အပြုံးလေးနဲ့အလုပ်လုပ်ကြည့်ပါ။ စိတ်ဆိုးဒေါသထွက်စရာတွေလျော့ပါးသွားစေသလို စိတ်တွေကလည်းပေါ့ပါးလန်းဆန်းလာပါလိမ့်မယ်။

အပြုံးကမှတ်မိလွယ်စေတယ်
ခုနကပြောခဲ့သလိုပါပဲ။ မကြာမကြာပြုံးလေပိုပြီးမှတ်မိလွယ်လေပါပဲ။ ဘာကြောင့်လဲ …။ အပြုံးတစ်ပွင့်ရဲ့ဖော်ရွေရင်းနှီးမှုကြောင့်ပါ။

ရန်နိုင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 
 

Share on Google Plus

0 comments:

Post a Comment