ယုံကြည်မှုကတော့အပြည့်ရှိပါတယ်… စိုးနန္ဒာကျော်






ဒီနေ့ဒီအချိန်အထိ “ငါတော်တယ်၊ ငါတတ်တယ်’’ တစ်ခါမှမတွေးဖူးပါဘူး… 
အခုလက်ရှိမှာကားရိုက်တာတွေနားထားပါတယ်။ ညီမ အဆိုဘက်ကို နည်းနည်းဦးစားပေးထားတယ်။ တစ်ကိုယ်တော်အခွေအတွက် နည်းနည်းလေး Training လုပ်နေတယ်။ ဒီကြားထဲမှာ ပရဟိတတွေအများဆုံးလုပ်နေပါတယ်လို့ဆိုလာသူက ဒီတစ်ပတ် Shape Journal Cover Star လေး စိုးနန္ဒာကျော်ဖြစ်ပါတယ်။ သူနဲပြောဖြစ်ခဲ့ပုံတွေက ဒီလိုပါ။

အနုပညာလောကထဲစ၀င်ခဲ့တဲ့ ခုနှစ်နဲ့ စ၀င်ဖြစ်ခဲ့ပုံလေး ပြောပြပေးပါဦး။
အနုပညာလောကထဲကိုစ၀င်ဖြစ်ခဲ့တာက ၂၀၁၂ ခုနှစ်ကျော်ကျော်လောက်က စ၀င်လာတာပါ။ အစတုန်းကလည်း ပြိုင်ပွဲလေးတွေဝင်ပြိုင်ဖြစ်ရင်းနဲ့စခဲ့တာပါ။ အနုပညာနဲ့အခြေချမယ်လို့လည်း မရည်ရွယ်ခဲ့ပါဘူး။ ပြိုင်ပွဲလေးတွေပြိုင်တယ်။ ဆုရတယ်။ အဲဒီလိုနဲ့ပဲအချိန်ကြာခဲ့တာပါ။ ဒါပေမဲ့ The Sign Of Love မှာ အနုပညာလောကကိုအခြေချမိတာပါ။ အရင်ဆုံး Style ရှိမှ Star ဖြစ်မယ်ပြိုင်ပွဲလေးတွေ ၀င်ပြိုင်တယ်။ သူတို့ကအရင်ဦးဆုံးရည်ရွယ်ချက်ကဘာလဲလို့မေးတယ်။ သရုပ်ဆောင်လို့ပဲဖြေခဲ့တယ်။ အဲဒီအတွက်သူတို့က သရုပ်ဆောင်ခိုင်းတယ်။ 
အဲဒါတွေပြီးတော့MRTV -4 ဇာတ်လမ်းတိုလေးတွေရိုက်ဖို့အတွက် လူရွေးချယ်ပွဲတွေကို ညီမကိုလာခိုင်း တယ်။ တော်ရုံတော့ မသွားဖြစ်ပါဘူး။ နောက်ဆုံးတစ်ခေါက်မှာတော့ သူတို့က'သမီးရယ်… လာခဲ့ပါ'' လို့ဖိတ်တာနဲ့ လူရွေးချယ်ပွဲကိုသွားခဲ့တယ်။ အဲဒီမှာရွေးချယ်ခံရတယ်။ အဲဒီကနေစပြီး အနုပညာလောကထဲကို ခြေစုံချပြီးတော့ စ၀င်ဖြစ်ခဲ့တာပါ။

အနုပညာလောကထဲကိုဝင်ဖို့ ဘယ်လိုလုပ်ပြီးစိတ်ကူးရသွားတာလဲ။
ငယ်ငယ်တုန်းက ကလေးဆိုတော့ ကလေးအတွေးပေါ့နော်။ မထက်ထက်မိုးဦးနဲ့ ကိုဒွေးတို့ နာမည်ကြီးတဲ့ အချိန်ပေါ့။ VeVe အချိုရည်ကြော်ငြာကိုကြည့်ရတဲ့အချိန်ပေါ့။ အဲဒီတုန်းက ကလေးအချင်း ချင်းတွေ့လို့ ကစားဖြစ်ရင်တောင် သရုပ်ဆောင်တိုင်းဆော့ဖြစ်တယ်။ အနုပညာသမားတွေကို အရမ်းအားကျခဲ့တာပါ။ ဒါပေမဲ့ အနုပညာရှင်တစ်ယောက်ဖြစ်ရမယ်လို့ ရည်ရွယ်ချက်မရှိခဲ့ဘူး။ Sign Of Love မှာ ရွေးချယ်ခံရမှ သာ အနုပညာရှင်လုပ်ဖို့ အနုပညာရှင်လုပ်ဖို့ရည်ရွယ်ချက်ဖြစ်သွားတာပါ။ 

အနုပညာရှင်လုပ်တဲ့အခါ အိမ်ကပံ့ပိုးမှုတွေရှိလား။
အစတုန်းကတော့ အမေနဲ့အတိုက်အခံဖြစ်ခဲ့ဖူးတယ်။ Style Star မှာရွေးချယ်ခံခဲ့ရရင်(သို့) ဆုရရင် အနုပညာကိုဆက်လုပ်မယ်ဆိုပြီး ကတိပေးခဲ့ရတာပါ။ အခုကျတော့ ညီမဘယ်ကိုသွားသွား ညီမနောက်ကိုလိုက်တယ်။ ကူညီတယ်။ ကားမောင်းပြီးပို့တဲ့သူကပို့တယ်။ ညီမရဲ့ Dress တွေကအစ လိုက်ဝယ်သူက၀ယ်ပေးတယ်။ အကုန်လုံးက ကူညီကြတယ်။ သူတို့ဘက်ကလုပ်အားနဲ့ကူညီကြတာပေါ့။ ညီမဘက်က စိတ်ဓာတ်ကျတဲ့အခါမှာလည်း သူတို့ဘက်ကပဲ စိတ်ခွန်အားတွေပြန်ပေးတာပါပဲ။

အစကနေ အခုအခြေအနေရောက်လာတဲ့အထိ ကိုယ့်ကိုယ်ကိုယ်ကျေနပ်မှုရှိရဲ့လား။
ကိုယ့်ကိုယ်ကိုတော့ ကျေနပ်အားရမှုတော့မရှိသေးပါဘူး။ အခုချိန်ထိ လိုအပ်ချက်တွေအများကြီးနဲ့ အမှားတွေလည်းအများကြီးရှိနေတယ်လို့ထင်ပါတယ်။ ဒီထက်ပိုပြီးပြည့်စုံဖို့အတွက် ဆက်ပြီးကြိုး စားနေဦးမှာပါ။ 

အနုပညာရှင်တစ်ယောက်အနေနဲ့ ဂျာနယ်၊ မဂ္ဂဇင်း၊ TV ဖန်သားပြင်ပေါ်မှာ ကိုယ့်ကိုယ်ကို ပြန်မြင်ရရင်ဘယ်လိုခံစားရလဲ။
ရင်ထဲမှာ ပီတိတော့ဖြစ်ပါတယ်။ ''ငါဒါလေးကိုဒီလိုလုပ်လိုက်ရင်တော့ ကောင်းသား''လို့တွေးမိတဲ့ Psycho လေးက ညီမခေါင်းထဲကိုဝင်ဝင်လာတယ်။ 

မော်ဒယ်သင်တန်း၊ သရုပ်ဆောင်သင်တန်းတွေတက်ဖူးလား။
ညီမက Talents & Model အေဂျင်စီက Teacher ကိုးရဲ့ တပည့်အရင်းပါ။ 

ဓာတ်ပုံ Model နဲ့ သရုပ်ဆောင်အပိုင်းမှာ ဘယ်ဘက်ကိုအားပါသလဲ။
ဘယ်နေရာမှာပဲဖြစ်ဖြစ် ပင်ပန်းတာတော့ရှိတာပါပဲ။ ဒါပေမဲ့ ညီမက အားသာတယ်(သို့) အားနည်းတယ်ဆိုတာထက် ညီမ၀ါသနာပါတာက သရုပ်ဆောင်လုပ်ဖို့ပါ။ သရုပ်ဆောင်ကောင်းဖြစ်ချင်တာက ငယ်ငယ်လေးထဲကပါ။ 

 ကိုယ်တိုင်လည်း ပရဟိတလုပ်တဲ့သူတွေကိုကူညီခဲ့တဲ့အတွက် ရင်ထဲကခံစားချက်လေးကိုပြောပြပေးပါဦး။
ညီမအရမ်းဝမ်းသာပီတိဖြစ်မိပါတယ်။ ဘာလို့လဲဆိုတော့ ညီမတက်နိုင်တဲ့ဘက်ကလုပ်ပေးတာပါ။ ညီမတို့အနေနဲ့ပြည်သူပြည်သားအားလုံးကို ထောက်ပံပေးဖို့ဆိုတာက ဘယ်လိုမှမဖြစ်နိုင်ပါဘူး။ အဲဒီအတိုင်းဖြစ်နေတာကိုလည်း ကြည့်မနေနိုင်ဘူး။ အဲဒီအတွက်ကြောင့် ညီမဘာလုပ်ပေးနိုင်လဲပြန်စဉ်းစားတယ်။ ညီမ ငွေလှူနိုင်တာတွေ၊ လိုက်လံအလှူခံတာတွေကို ညီမလုပ်ပေးနိုင်တယ်။ ညီမဘက်ကပေးနိုင်တာက အလုပ်ခွန်အားတစ်ခုပဲရှိတယ်။ အခုအခြေနေမှာ ဘယ်သူ့ကိုမှအပြစ်မတင်ချင်ဘူး။ဘာဖြစ်လို့လည်းဆိုတော့ ဒီအခြေအနေမှာ ဘယ်သူမှဒီထက်ပိုပြီး မလုပ်ပေးနိုင်တဲ့အတွက်ပါ။ အကုန်လုံးကအကောင်းဆုံးဖြစ်အောင် ကြိုးစားနေကြတာပဲ။ ဖြစ်မလာတာတွေကတော့ မတက်နိုင်ပါဘူး။ အားလုံးကတော့ ကံတရားအတိုင်းပါပဲ။ ဒီလိုဖြစ်တာကိုကြည့်ပြီး စိတ်ဓာတ်ကျနေလို့လည်းမထူးပါဘူး။ အဲဒီအတွက် ကိုယ့်အလိုက်သိစိတ်နဲ့ကိုယ် တက်နိုင်သလောက်ကူညီတာ အကောင်းဆုံးပါပဲ။ ညီမနိုင်တဲ့ပရဟိတဘက်မှာ အများဆုံးလိုက်လုပ်ပေးနေပါတယ်။ 

ကိုယ်တိုင်ဖြေရှင်းခွင့်သာရရှိပြီး အားလုံးအဆင်ပြေအောင် အစ်မဘက်ကသာလုပ်ပေးနိုင်မယ်ဆိုရင် ဘယ်လိုစီစဉ်ထားလဲ။
မလွယ်လောက်ဘူးတော့ထင်တယ်။ ညီမက လူတစ်ယောက်ဖြစ်တဲ့အတွက် ညီမရဲ့စိတ်ကူးကမှားယွင်းချင် မှားယွင်းနေနိုင်တယ်။ အဲဒီအတွက်ကြောင့် လူကြီးတွေတောင်ဖြေရှင်းဖို့ခက်နေတဲ့အရာတစ်ခုကို ညီမအနေနဲ့ ဘယ်လိုလုပ်လိုက်ရင်ကောင်းမှာပဲလို့မပြောချင်ဘူး။ ဘာလို့လည်းဆိုတော့ အဲဒီလိုလိုမျိုးပြောလိုက်ရင် ညီမဘယ်လောက်တတ်နေလို့လည်းဆိုတဲ့မေးခွန်းတွေဖြစ်လာမှာကိုလည်း မလိုလားဘူး။ ဘာလို့လည်ဆိုတော့ ညီမလူငယ်တစ်ယောက် အဲအတွက်ကြောင့် လူငယ်တစ်ယောက်ရဲ့အတွေးကမှားတတ်ပါတယ်။ မှန်ချင်လည်းမှန်နိုင်တယ်။ ဒါပေမဲ့ ညီမကအဲဒီလိုနေရာတွေကိုမရောက်ဖူးတဲ့အတွက် သူတို့ဘာလိုအပ်လဲဆိုတာကို အတိအကျမသိဘူး။ ကိုယ်တိုင်ကိုယ်ကျသွားရောက်လှူဒါန်းချင်တဲ့သူတွေက ညီမထက် သူတို့ဘာတွေလိုတယ်ဆိုတာကို အတိအကျသိပါတယ်။ အဲဒီအတွက်ကြောင့် ညီမအနေနဲ့ တတ်နိုင်တဲ့ဘက်က ကူညီသွားမှာပါ။ 

အနုပညာလောကမှာ ခက်ခက်ခဲခဲဖြတ်သန်းခဲ့ရတာရှိတာပေါ့နော်။ အဲဒါနဲ့ပတ်သက်ပြီးဘာများပြောချင်လဲ။
တချို့အရာတွေက ညီမအတွက်ရမ်းခက်ခဲတယ်။ ညီမ မလုပ်တတ်တဲ့အရာတွေလည်းရှိတယ်။ အဲလိုအခါကျရင် ၀ါရင့်သရုပ်ဆောင်တွေနဲ့ ဒါရိုက်တာကြီးတွေက ၀ိုင်းပြီးသင်ပေးကြတယ်။ မှတ်မှတ်ရရ Sign Of Love Second Season ရိုက်တုန်းက အမြဲတမ်းငိုဖြစ်တယ်။ ဒါရိုက်တာကအစသင်ပေးတယ်။ ''သမီးဘာဖြစ်လို့လဲ'' ''ဆရာ သမီးမလုပ်နိုင်ဘူး'' မယမုံရဲ့ဇာတ်ကောင်အနေနဲ့ နေရာလဲပြီးသရုပ်ဆောင်ရတဲ့အခါပေ့ါ။ အရမ်းကြောက်နေမိတယ်။ အကုန်လုံးက၀ိုင်းပြီးတော့ အားပေးကြပါတယ်။ ကိုယ်ကသာကြောက်နေတာပါ။ တကယ်ရိုက်တော့လည်း အဆင်ပြေသွားတာပါပဲ။ လိုအပ်တာတွေရှိနေတာကလည်း ဆရာကအမြဲအနီးကပ်လိုက်ပြီးသင်ကြားခဲ့ပါတယ်။ သမီးဒီနေရာကိုရောက်အောင် သရုပ်ဆောင်ညီအစ်ကိုမောင်နှမတွေ၊ ဒါရိုက်တာတွေက ၀ိုင်ဝန်းပြီးသင်ကြားပေးခဲ့လို့ပါ။ 

ဒီနေ့ဒီအချိန်မှာ ကိုယ်ကအနုပညာရှင်တစ်ယောက်ဖြစ်နေတဲ့အတွက် ကိုယ့်ကိုယ်ကိုယုံကြည်မှုရှိပြီလား။
ဒီနေ့ဒီအချိန်အထိ ညီမက ''ငါတော်တယ် ၊ ငါတတ်တယ်'' လို့ တစ်ခါမှမတွေးဖူးပါဘူး။ ယုံကြည်မှုကတော့ အပြည့်ရှိပါတယ်။ ဒါပေမဲ့ ညီမမှားနေတာတွေအတွက် ၀ိုင်းဝန်းပြီးသင်ကြားပေးတဲ့ Actor ကြီးတွေနဲ့၊ ဒါရိုက်တာတွေတော့ လိုအပ်ပါတယ်။ ဘာလို့လဲဆိုတော့ ယုံကြည်မှုမရှိလို့အခုလို လိုအပ်တာမဟုတ်ပါဘူး။ လိုအပ်ချက်တွေရှိနေသေးလို့ပါ။ ညီမက ကိုယ်မှန်တယ်ဆိုပြီးလိုက်လုပ်တာတွေက မှားယွင်းနိုင်တယ်။ အဲဒီအတွက်ကြောင့် ကိုယ့်ထက်ပိုပြီးသိကျွမ်းတဲ့သူတွေဆီကနေတော့ အကြံဉာဏ်အမြဲယူဖြစ်ပါတယ်။ 

တစ်ကိုယ်တော်အခွေက ဒီနှစ်ထဲထွက်မှာလား။
ပထမက ဒီနှစ် February လထဲထွက်ဖို့စီစဉ်ခဲ့တာပါ။ ဒါပေမဲ့ အဖြစ်နိုင်တော့ပါဘူး။ နောက်နှစ်ထဲမှာထွက်ဖြစ်မှာပါ။ အသံသွင်းပြီးသားတွေကို သိပ်သဘောမကျလို့ပါ။

အဆိုနဲ့သရုပ်ဆောင်ဘယ်ဟာကိုပိုအားသန်လဲ။
ညီမရဲ့ရည်ရွယ်ချက်က သရုပ်ဆောင်ပါ။ အဆိုဘက်ကိုကူးဖြစ်တဲ့အကြောင်းက ၀ါသနာပါတာလည်းပါတယ်။ အနုပညာရှင်တစ်ယောက်အနေနဲ့ အကုန်လုံးကိုတတ်ထားသင့်တယ်လို့ထင်ပါတယ်။ အဲဒီရည်ရွယ်ချက်လေးကြောင့်လည်း အဆိုဘက်ကိုလုပ်ဖြစ်သွားတာပါ။ 

သရုပ်ဆောင်တဲ့အခါဇာတ်လမ်းနဲ့ဇာတ်ကောင် ဘယ်ဟာကိုဦးစားပေးရွေးချယ်ဖြစ်လဲ။
အခုနောက်ပိုင်းမှာဇာတ်လမ်းကိုပိုပြီးတော့ ရွေးချယ်ဖြစ်တယ်။ ဇာတ်လမ်းမှာအရမ်းကောင်းနေပြီး ကိုယ့်အတွက်လုပ်ကွက်ရှိရင်တော့  အဲဒီဇာတ်လမ်းကိုရွေးချယ်ဖြစ်ပါတယ်။ ပြီးတော့ ဇာတ်ကောင်တွေကပုံစံတူထပ်နေရင်တော့ ကားရိုက်ခြားလိုက်တယ်။ အဲအတွက် အခုဆိုဇာတ်လမ်းကိုအရင်ကြည့်တယ်။ ကိုယ်သရုပ်ဆောင်ရမှာက ဘယ်ဇာတ်ရုပ်လဲ။ ကိုယ့်အတွက်လုပ်ကွက်ရပါ့မလား။ အဲဒီလိုနဲပဲ ဇာတ်လမ်းတွေကိုဦးစားပေးရွေးချယ်ဖြစ်လာတယ်။

ငယ်ငယ်တုန်းကအရမ်းရူးသွပ်ခဲ့တဲ့သရုပ်ဆောင်အဆိုတော်ရှိလား
ညီမလေးတို့ငယ်ငယ်တုန်းကဆို သရုပ်ဆောင် ကိုဒွေး၊ မထက်ထက် တို့ကို အရမ်း Crazy ဖြစ်ခဲ့ပါတယ်။ သူတို့ကြော်ငြာတွေလာတဲ့အခါ ညီမအမြဲတမ်းကြည့်ဖြစ်တယ်။ သူတို့ရဲ့အခွေတွေဆိုလည်း အမြဲငှားကြည့်တယ်။ ညီမအရမ်း Crazy ဖြစ်ခဲ့တဲ့ အနုပညာရှင်နှစ်ယောက်ပါ။

ကိုယ်တိုင်ကအနုပညာရှင်ဖြစ်တဲ့အချိန်မှာ သူတို့ကိုအတုယူဖြစ်ခဲ့တာမျိုးတွေရှိလား။
ညီမက ညီမရဲ့ရှေ့ကစီနီယာတွေဆီကနေ အမြဲတမ်းပညာတွေသင်ယူဖြစ်ပါတယ်။ သူတို့တွေကလည်း ညီမကိုအမြဲတမ်းသင်ကြားပြသပေးကြပါတယ်။ ဘာလို့လဲဆိုတော့ ညီမဒီနေ့ဒီအချိန်ထိလျှောက်လှမ်းခဲ့တာ ညီမမှာအားနည်းချက်တွေရှိပါတယ်။ အဲဒါတွေကို ဇာတ်ကားရိုက်ကူးချိန်ပဲဖြစ်ဖြစ် ဓာတ်ပုံရိုက်ကူးချိန်ပဲဖြစ်ဖြစ် ညီမရဲ့ရှေ့ကစီနီယာတွေက အမြဲသင်ကြားပြသပေးပါတယ်။

ညီမအနေနဲ့ သရုပ်အဆောင်ချင်ဆုံးဇာတ်ကောင်ပုံစံရောရှိလား။
ရှိပါတယ်။ ညီမအနေနဲ့ သရုပ်မဆောင်ဘူးတဲ့ဇာတ်ကောင်တွေအများကြီးရှိပါတယ်။ ဒါပေမဲ့ အဲဒီအထဲကမှ ယဉ်ယဉ်လေးရူးနေတာ သွက်သွက်ခါအောင်ရူးနေတာတို့လို အရူးပုံစံတွေကို အရမ်းသရုပ်ဆောင်ချင်တယ်။ ညီမရှေ့ကသရုပ်ဆောင်ခဲ့တဲ့ Actor တွေကိုလည်း အရမ်းသဘောကျတယ်။ တချို့ဆို သရုပ်ဆောင်တာအရမ်းမိုက်ပါတယ်။ ကိုယ်ကိုတိုင်ကတော့ အခုထိသရုပ်မဆောင်ဘူးသေးပါဘူး။

ညီမလိုအနုပညာရှင်အတွက် ငွေကြေးနဲ့ အကယ်ဒမီ ဘယ်ဟာကပိုအရေးပါလဲ။
ဖြေရခက်တဲ့မေးခွန်းပါပဲ။ ပရိသတ်ကပေးထားတဲ့ အကယ်ဒမီကိုရထားတဲ့ အနုပညာရှင်တွေအများကြီးပါ။ အဓိကက ကိုယ်ကြိုးစားဖို့ပဲလို့ထင်ပါတယ်။ ငါဒါရမှ အရမ်းတော်သွားမှာ ငါဒါရမှအဆင်ပြေမှာလို့တွေးတာထက် ငါကြိုးစားရင်တော့ ဒါကိုရပြီးအဆင်ပြေမှာပါလို့ပဲထင်ပါတယ်။ အခုသီချင်းခွေထုတ်တာကလည်း ငါပေါက်ရမယ်ဆိုပြီးထုတ်တာမဟုတ်ပါဘူး။ နာမည်ကြီးဖို့ဆိုတာက ကံ၊ ဉာဏ်၊ ၀ီရိယလည်းလိုပါသေးတယ်။ ကိုယ့်ကြိုးစားမှုကလည်း အရမ်းလိုအပ်တယ်။ အဲဒီအတွက်ကြောင့် ညီမအခွေအောင်မြင်ရမယ်လို့ မရည်ရွယ်ပါဘူး။ ဒါပေမဲ့ ကိုယ်လုပ်ခဲ့တာကို ပရိသတ်ကအသိအမှတ်ပြုရင်ကျေနပ်ပါပြီ။

ညီမအနေနဲ့ ပရိသတ်ကိုပြောချင်တာများရှိသေးလား။
ပရိသတ်ရဲ့အားပေးမှုကြောင့် သမီးဒီနေရာကိုရောက်ခဲ့တာပါ။ သမီးက The Sing Of Love ထဲကနေ ဒီနေ့ဒီအချိန်ထိအားပေးခဲ့ကြတဲ့ပရိသတ်ကြီးကို တစ်ဦးတစ်ယောက်စီကျေးဇူးတင်ပါတယ်။ အမှားမကင်းနိုင်တဲ့သမီးရဲ့လိုအပ်ချက်နဲ့ အမှားတွေကိုတောင်းပန်ပါတယ်။ သမီးရဲ့အမှားတွေကိုဝေဖန်ပါဦး။ ဆက်လက်ပြီးအားပေးပါဦးလို့ Shape ဂျာနယ်ကတဆင့်ပြောချင်ပါတယ်။

အသားအရေ အလှအပနဲ့ပတ်သက်ပြီး အလှအပကိုထိန်းသိမ်းတာမျိုးရှိလား။
ညီမက အသားအရေကိုဂရုစိုက်ပါတယ်။ ညီမအပြင်ထွက်တဲ့အခါ နေလောင်ဒဏ် Cream တွေကို အမြဲသုံးဖြစ်ပါတယ်။

Make Up ကို အမြဲပြင်ဆင်ဖြစ်ပုံလေးကို ပြောပြပေးပါဦး။
အပြင်သွားတာတို့၊ Shopping ထွက်တာလောက်ဆိုရင် ပေါ့ပေါ့ပါးပါးလေးပဲပြင်ပါတယ်။ မျက်ခွံပေါ်မှာလည်း ထူထူထဲထဲကြီးပြင်ရတာမကြိုက်ဘူး။ တင်ထားတယ်ဆိုသလောက်ပဲ ချယ်ရတာကိုသဘောကျပါတယ်။

ရှုတင်ရိုက်ကွင်းရှိတဲ့အခါ Male Up ပြင်ဆင်ပုံလေးပြောပြပေးပါဦး။
ရှုတင်တွေရှိလည်း Make Up ကို တစ်ခါတလေ ကိုယ့်ဘာသာကိုယ်အိမ်ကနေပဲလိမ်းသွားတယ်။ ဇာတ်ကောင်ပေ:ကိုလိုက်ပြီး မိတ်ကပ်ကိုပြင်ဖြစ်တယ်။ ဒါပေမဲ့ တချို့ဇာတ်ကောင်တွေက ကိုယ်တိုင်မိတ်ကပ်လိမ်းဖို့ အဆင်မပြေဘူး။ မိတ်ကပ်ဆရာတွေကိုခေါ်ပြီးတော့ ကိုယ်လိမ်းချင်တဲ့ပုံစံလေးနဲ့ ညှိနှိုင်းပြီးတော့လုပ်ကြရတာပေါ့။

မိတ်ကပ်ပြင်ရတဲ့အခါ ဦးစားပေးပြီးပြင်တဲ့ အစိတ်အပိုင်းရှိလား။
ရှိပါတယ်။ မိတ်ကပ်ပြင်တဲ့အခါ မျက်ခွံချယ်ရတာကို အရမ်းသဘောကျပါတယ်။

အခုလက်ရှိစီးနေတဲ့ကားအမျိုးအစားကိုသိခွင့်ရမလား။
Hyundai, (Grand Staiex Right) စီးနေတာပါ။

ရန်ကုန်မြို့မှာကားတွေကများလာတာနဲ့အမျှ ကားလမ်းတွေပိတ်တယ်။ အဲဒီအပေါ်စိတ်အနှောင့်အယှက်မဖြစ်ဘူးလား။
စိတ်အနှောင့်အယှက်အရမ်းကိုဖြစ်ပါတယ်။ တစ်ခါတလေ ကားလမ်းတွေအရမ်းပိတ်တဲ့အခါ ''ဒီနေရာမှာ စက်ဘီးလေးသာစီးလာခဲ့ရင် ငါအခုဆိုရောက်လောက်ပြီ'' လို့တောင်တွေးမိပါတယ်။  အရင်တုန်းကဆို ရှုတင်က ၉ နာရီလောက်စမယ်ဆိုရင် အိမ်ကနေ ၈ နာရီလောက်ထွက်ရင် ရှုတင်ကို အဆင်သင့်ရောက်တယ်။ အခုအဲဒီလိုမဟုတ်တော့ဘူး။ မနက် ၆ နာရီလောက်ကထွက်ရင် ရှုတင်ကို ၉ နာရီ(သို့) ၁၀ နာရီရောက်ဖို့က မသေချာဘူး။ အဲဒီလိုဆိုတော့ အချိန်တွေနှောင့်နှေးတယ်။ ကိုယ်နဲ့အလုပ်တွဲလုပ်တဲ့သူတွေကိုလည်း အားနာရတယ်။ အဲဒီအတွက်ကြောင့် ကားလမ်းပိတ်တာက စိတ်အနှောင့်အယှက်အရမ်းဖြစ်ရပါတယ်။

ညီမအနေနဲ့ကိုယ်တိုင်သာဖြေရှင်းခွင့်ရမယ်ဆိုရင် ဘယ်လိုပြောင်းမလဲ။
သေချာတာကတော့ ကိုယ်တိုင်မဖြေရှင်းနိုင်တာပါ။ ဘာလို့လဲဆိုတော့ ညီမအဲဒီလောက်အာဏာလည်းမရှိဘူး။ ဒါပေမဲ့သေချာတာတစ်ခုက ညီမအနေနဲ့သာ ကိုယ့်သဘောကိုယ်ဆောင်မယ်ဆိုရင် ရန်ကုန်မြို့ထဲကို စက်ဘီးတစ်စီးနဲ့ပဲ လျှောက်သွားဖြစ်မှာပါ။

အိမ်တို့အိပ်ခန်းတို့မှာ အလှဆင်ရတာကြိုက်လား
အရမ်းသဘောကျပါတယ်။ ညီမရဲ့အိပ်ခန်းဆို ကိုယ်ရဲ့စိတ်ကူးပြောင်းရင်ပြောင်းသလို အလှဆင်ဖြစ်တယ်။ တစ်ခါတလေကျရင် အရမ်းကိုကလေးဆန်တဲ့အရုပ်လေးတွေကို သေချာစီပြီးတော့ထားတယ်။ ဓာတ်ပုံလေးတွေကိုလည်း သေချာကပ်တယ်။ အရုပ်လေးတွေသေချာချိတ်ထားတယ်။ တစ်ခါတလေကျရင် တည်တည်ငြိမ်ငြိမ်လေးနေချင်စိတ်ပေါက်တယ်။ အချိန်ကျရင် အကုန်ပြန်ဖြုတ်ပြီးသိမ်းတယ်။ ညီမက ၃လတစ်ခါလောက်တော့ ပုံမှန် Decoration လုပ်ဖြစ်ပါတယ်။ အရမ်းမျက်စိရိုးသွားရင်မကြိုက်ဘူး။ 

ကျန်းမာရေးနဲ့ပတ်သက်ပြီး ဂရုစိုက်တာမျိုးရှိလား။
တစ်လတစ်ခါတော့ ညီမရဲ့အစ်မကပုံမှန်စစ်ဆေးပေးပါတယ်။ ကျန်းမာရေးအတွက်တော့ အစားအစာကို စည်းကမ်းနဲ့စားသောက်တာတော့ ညီမလေးမလုပ်ဖြစ်ဘူး။ ညီမကအစာအိမ်ရောဂါရှိတဲ့အတွက် အချဉ်အစပ်တွေကိုစားလို့မရဘူး။ ဒါပေမဲ့ ဖြစ်ချင်တာဖြစ်ဆိုပြီး ခိုးခိုးစားပါတယ်။

ရေကြီးတာ၊ မြေပြိုတာတွေဆက်တိုက်ကြားနေရတယ်။ အဲဒီအတွက်အစ်မစိတ်ထဲမှာဘယ်လိုခံစားရသလဲ။
Facebook မှာတက်လာတဲ့မြင်ကွင်းတွေကိုကြည့်ရတာ စိတ်မကောင်းစရာတွေပါပဲ။ ညီမအနေနဲ့အထင်အမြင်တွေကို မပြောချင်ပါဘူး။ လူကြီးတွေကတော့ အကောင်းဆုံးဖြစ်အောင်လုပ်နေကြတာပဲ။ အဲဒီလိုမျှော်လင့်မိပါတယ်။ အခုဖြစ်နေတာက ဆိုးဆိုးဝါးဝါးကြီးတွေဖြစ်နေတဲ့အတွက် အခုဆိုလူတိုင်းက ပရဟိတတွေလုပ်ကြတယ်။ အဲဒီလိုကြည့်ပြီးတော့ ညီမလေးတတ်နိုင်တဲ့ဘက်က ပရဟိတတွေလိုက်လုပ်ပေးပါတယ်။


အယ်ဒီတာအဖွဲ့
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment Journal မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

#အပတ်စဉ်စနေနေ့တိုင်းထွက်ပြီ #စိတ်ရွှင်လန်းဖို့စာဖတ်စို့
#Weekly #Saturday #ရှိတ်ပ်
 


Share on Google Plus

0 comments:

Post a Comment